ກອງທັບປະຊາຊົນລາວ

ວັນຈັນ, ວັນທີ 05 ທັນວາ 2022



ກອງພົນທີ 1 ວາງສະແດງຜະລິດຕະພັນພາຍໃນກົມກອງ
ເວລາອອກຂ່າວ: 2020-02-11 09:45:13 | ຜູ້ຂຽນ : admin3 | ຈຳນວນຄົນເຂົ້າຊົມ: 272 | ຄວາມນິຍົມ:



ໃນວັນທີ 8 ກຸມພາ ນີ້, ກອງ ພົນທີ1 ໄດ້ເປີດພິທີວາງສະແດງ ຜະລິດຕະພັນສິນຄ້າ ແລະ ຮູບ ພາບການເຄື່ອນໄຫວຂອງກົມ ກອງ. ໂດຍເປັນປະທານພິທີ ຂອງ ສະຫາຍ ພົນຈັດຕະວາ ສາຍໃຈ ກົມມະສິດ ຮອງເລຂາຄະນະ ພັກ ຫົວໜ້າການທະຫານກອງ ພົນ, ມີສະຫາຍ ພົນຈັດຕະວາ ແສງຍືນ ລັດສະໝີ ເລຂາຄະ ນະພັກ, ຫົວໜ້າການເມືອງກອງ ພົນທີ1, ມີອໍານາດການປົກຄອງ ທ້ອງຖິ່ນ, ມີແຂກທີ່ຖືກເຊີນ ຈາກບໍລິສັດ; ຫ້າງຮ້ານພ້ອມ ດ້ວຍພະນັກງານ-ນັກຮົບທົ່ວ ກົມກອງເຂົ້າຮ່ວມ. ໂດຍປະຕິບັດຕາມທິດຊີ້ນໍາ ຂອງຄະນະພັກ-ຄະນະບັນຊາ ກອງພົນທີ1 ກ່ຽວກັບການ ກຽມຄວາມພ້ອມໃນການສ້າງ ທຸກຂະບວນການ; ທຸກໜ້າທີ່ວຽກ ງານເພື່ອປະດັບເອ້ໃຫ້ແກ່ວັນສ້າງຕັ້ງກອງພົນທີ1 ຄົບຮອບ 35 ປີ ແລະ ເພື່ອເປັນການສ້າງ ບັນຍາກາດໃຫ້ເບີກບານມ່ວນ ຊື່ນ, ຄະນະພັກ-ຄະນະບັນຊາ ກອງພົນທີ 1 ຈຶ່ງໄດ້ເຫັນດີເປັນ ເອກະພາບຕົກລົງໃຫ້ພະແນກ ໂຄສະນາ-ອົບຮົມ ສົມທົບກັບ ພະແນກແຜນການໄດ້ປະສານ ງານກັບທຸກພາກສ່ວນຢູ່ອົງ ການ ແລະ ກົມກອງຮາກຖານ ເພື່ອຫ້າງຫາກະກຽມຜະລິດຕະ ພັນ ຂອງແຕ່ລະກົມກອງທີ່ພະນັກ ງານ-ນັກຮົບ ເປັນຜູ້ຜະລິດຂຶ້ນ ແລະ ບັນດາຮູບພາບການເຄື່ອນ ໄຫວຂອງແຕ່ລະກົມກອງນໍາ ມາວາງສະແດງ ໃຫ້ພະນັກງານ- ນັກຮົບທົ່ວກົມກອງ, ຕະຫຼອດ ຮອດອໍານາດການປົກ ຄອງທ້ອງ ຖິ່ນ, ພໍ່ຄ້າຊາວຂາຍ ແລະ ພໍ່ ແມ່ປະຊາຊົນ ຢູ່ອ້ອມຂ້າງ ແລະ ຫ່າງໄກ ໄດ້ມາທ່ຽວຊົມຜົນງານ ແລະ ຊື້ຜະລິດຕະພັນດັ່ງກ່າວ ເພື່ອໄປຊົມໃຊ້ໃນຄອບຄົວ ແລະ ນໍາໃຊ້ເຂົ້າໃນຊີວິດປະຈໍາວັນ ຂອງ ຕົນ. ຜະລິດຕະພັນ ທີ່ນໍາມາ ສະແດງ ແລະ ຈັດຂາຍມີຄື: ຮູບພາບການເຄື່ອນໄຫວຂອງ ກອງພົນ ແລະ ຮູບພາບການເຄື່ອນ ໄຫວຂອງບັນດາກົມກອງຮາກ ຖານຈໍານວນໜຶ່ງ, ເຊິ່ງເປັນພາບຄວາມຊົງຈໍາໃນການເຄື່ອນໄຫວ ປະຕິບັດໜ້າທີ່ທຸກຂົງເຂດວຽກ ງານຂອງຄະນະນໍາທຸກຂັ້ນ ແລະ ອ້າຍນ້ອງທະຫານ ທຸກສະຫາຍ. ຜະລິດຕະພັນທີ່ກົມກອງຜະ ລິດເຊັ່ນ: ວຽກງານເສນາຮັກ ເຊັ່ນ ການວາງສະແດງ ແລະ ໂຄສະນາ ສິນຄ້າ ເປັນຕົ້ນຢາບໍາລຸງຮ່າງ ກາຍ; ຢາປິ່ນປົວພະຍາດ; ການ ກວດກາຕັງຊົງ ແລະ ກວດກາພະ ຍາດກັບທີ່. ວຽກງານການຜະລິດ ກ່ຽວກັບການເພີ່ມພູນຜະລິດ ຜົນເພື່ອແກ້ໄຂຊີວິດການເປັນຢູ່ ເປັນຕົ້ນພືດຜັກ; ໝາກໄມ້; ເບ້ຍ ໄມ້ກິນໝາກ ແລະ ເບ້ຍໄມ້ ປະດັບເອ້ ແລະ ພຶກສານາໆ ພັນ ອີກຫຼາຍຊະນິດ. ວຽກງານຫັດຖະ ກໍາຈັກສານເຊັ່ນ: ແຫ; ມອງ; ຂ້ອງໃສ່ປາ; ຫວດໜຶ້ງເຂົ້າ; ຕິບ ເຂົ້າ, ພາເຂົ້າ; ຊຸ່ມໄກ່; ຟອຍ ແລະ ຫັດຖະກໍາອື່ນໆອີກ. ວຽກງານ ເຟີນີເຈີ ເຊັ່ນ: ໂຕະ; ຕັ່ງ; ດິນບ໋ອກ ແລະ ເຄື່ອງໃຊ້ຫ້ອງການ ແລະ ຄົວເຮືອນອີກຈໍານວນໜຶ່ງ. ການ ສະແດງ ແລະ ຂາຍຜະລິດຕະພັນ ສິນຄ້າຈະໄດ້ດໍາເນີນເປັນເວລາ 5 ວັນ ນັບແຕ່ວັນທີ 8-13 ກຸມ ພາ ປີ 2020, ເຊິ່ງທັງໝົດເຫຼົ່ານັ້ນ ມັນໄດ້ສ່ອງແສງໃຫ້ເຫັນມູນ ເຊື້ອຄວາມອົງອາດ; ຄວາມເດັດ ດ່ຽວໜຽວແໜ້ນ; ຄວາມມີ ມານະຈິດອົດທົນຜ່ານຜ່າຄວາມ ຫຍຸ້ງຍາກ; ຄວາມດຸໝັ່ນຂະຫຍັນ ພຽນຂອງພະນັກງານ-ນັກຮົບ ປະຕິວັດ, ເຊິ່ງໄດ້ສະແດງເຖິງ ການກໍາເນີດ ແລະ ເຕີບໃຫຍ່ ຂະຫຍາຍຕົວຂອງກອງພົນທີ 1 ຕະຫຼອດໄລຍະ 35 ປີບົນ ເສັ້ນທາງການປະຕິວັດ, ພາຍໃຕ້ ຮົ່ມທຸງຂອງພັກ ນອກຈາກນັ້ນກອງພົນທີ1 ຍັງ ອະນຸຍາດໃຫ້ຄອບຄົວຂອງພະນັກ ງານ-ນັກຮົບ ແລະ ຊາວຄ້າຂາຍ ຕະຫຼອດຮອດພໍ່ແມ່ປະຊາຊົນ ນໍາສິນຄ້າຂອງຕົນເຂົ້າມາຂາຍ ແລະ ນໍາເອົາອຸປະກອນການຫຼິ້ນ ທີ່ເສີມສ້າງບັນຍາກາດຄວາມ ເບີກບານມ່ວນຊື່ນ ແລະ ເພີ່ມເຕີມ ຄວາມສວຍສົດງົດງາມເຂົ້າມາຮັບໃຊ້ໃນງານວາງສະແດງຜະ ລິດຕະພັນສິນຄ້າໃນຄັ້ງນີ້ຕື່ມອີກ. ໂດຍ: ໂກຮັງ ພັນທະວົງ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ