ກອງທັບປະຊາຊົນລາວ

ວັນຈັນ, ວັນທີ 05 ທັນວາ 2022



ກອງປະຊຸມສຳມະນາວຽກງານກໍ່ສ້າງກຳລັງດ້ານການຈັດຕັ້ງ ແລະ ການປະກອບ
ເວລາອອກຂ່າວ: 2020-02-05 09:43:29 | ຜູ້ຂຽນ : admin3 | ຈຳນວນຄົນເຂົ້າຊົມ: 15 | ຄວາມນິຍົມ:



ໃນວັນທີ 4 ກຸມພາ ນີ້, ກົມ ໃຫຍ່ເສນາທິການກອງທັບ ໄດ້ ຈັດກອງປະຊຸມສຳມະນາວຽກ ງານກໍ່ສ້າງກຳລັງກອງທັບດ້ານ ການຈັດຕັ້ງ ແລະ ການປະກອບ, ຢູ່ທີ່ສະໂມສອນກົມໃຫຍ່ການ ເມືອງກອງທັບ, ໂດຍການເປັນ ປະທານຂອງ ສະຫາຍ ພົນໂທ ສຸວອນ ເລືອງບຸນມີ ກໍາມະການ ສູນກາງພັກ, ຮອງລັດຖະມົນຕີ ກະຊວງປ້ອງກັນປະເທດ, ບັນ ດາສະຫາຍຕາງໜ້າບັນດາກົມ ໃຫຍ່, ຫ້ອງວ່າການກະຊວງ, ຄະນະພັກ-ຄະນະບັນຊາ, ພະນັກ ງານວິຊາການທີ່ມາຈາກບັນດາ ອົງການອ້ອມຂ້າງກະຊວງປ້ອງ ກັນປະເທດ ແລະ ກົມກອງກຳລັງ ຫຼວງເຂົ້າຮ່ວມ. ສະຫາຍ ພົນໂທ ສຸວອນ ເລືອງບຸນມີ ໄດ້ກ່າວເປີດກອງ ປະຊຸມໂດຍໄດ້ກ່າວວ່າ: ກອງປະ ຊຸມສຳມະນາວຽກງານກໍ່ສ້າງ ກໍາລັງກອງທັບດ້ານການຈັດຕັ້ງ ແລະ ການປະກອບໃນຄັ້ງນີ້ໄດ້ໄຂ ຂຶ້ນ ໃນທ່າມກາງບັນຍາກາດທີ່ ທົ່ວພັກ, ທົ່ວກອງທັບ ແລະ ທົ່ວ ປວງຊົນລາວບັນດາເຜົ່າພວມສຸມ ໃສ່ຈັດຕັ້ງປະຕິບັດເນື້ອໃນມະຕິ ກອງປະຊຸມ ໃຫຍ່ຄັ້ງທີ X ຂອງ ພັກ ເວົ້າລວມ, ເວົ້າສະເພາະໃນ ທົ່ວກອງທັບພວມສຸມໃສ່ຈັດຕັ້ງ ປະຕິບັດມະຕິກອງປະຊຸມໃຫຍ່ ຄັ້ງທີ IV ຂອງຄະນະພັກກະຊວງ ປ້ອງກັນປະເທດ ທີ່ໄດ້ວາງອອກ ໃນ 4 ໜ້າທີ່ໃຫຍ່ 26 ແຜນງານ ໂດຍສະເພາະໄດ້ສຸມໃສ່ຈັດຕັ້ງປະ ຕິບັດໜ້າທີ່ປັບປຸງກໍ່ສ້າງກຳລັງ ກອງທັບຕາມທີ່ໄດ້ກໍານົດໃນແຜນ ການຍຸດທະສາດ 5 ປີ (2015- 2020) ເຊິ່ງເປັນປີສຸດທ້າຍດ້ວຍ ຜົນສໍາເລັດໃນຫຼາຍດ້ານ, ຮັບປະ ກັນໃຫ້ກອງທັບມີກໍາລັງພຽງພໍ ໃນພາລະກິດປົກປັກຮັກສາ ແລະ ປະກອບສ່ວນໃນການພັດທະ ນາປະເທດຊາດ, ສະນັ້ນເພື່ອສືບ ຕໍ່ເປັນກຳລັງຫຼັກແຫຼ່ງໃນການ ປະຕິບັດແນວທາງປ້ອງກັນຊາດ- ປ້ອງກັນຄວາມສະຫງົບທົ່ວປວງ ຊົນ ຮອບດ້ານຂອງພັກ, ຮັບປະກັນ ຄວາມມີສະຖຽນລະພາບທາງ ດ້ານການເມືອງຢ່າງໜັກແໜ້ນ, ປະເທດຊາດມີຄວາມສະຫງົບ ປອດໄພ, ຮັກສາໄດ້ອໍານາດອະ ທິປະໄຕ ແລະ ຜືນແຜ່ນດິນອັນ ຄົບຖ້ວນຂອງຊາດໄວ້ຢ່າງໝັ້ນ ຄົງ; ສືບຕໍ່ປັບປຸງກໍ່ສ້າງກອງ ທັບປະຊາຊົນລາວໃຫ້ກ້າວຂຶ້ນ ເປັນກອງທັບປະຕິວັດທີ່ມີແບບ ແຜນ ແລະ ທັນສະໄໝ, ທຽບທັນ ກັບກອງທັບປະເທດໃກ້ຄຽງເທື່ອ ລະກ້າວ. ກອງປະຊຸມ, ໄດ້ຜ່ານບົດລາຍ ງານກ່ຽວກັບຜົນສຳເລັດຂອງ ການຈັດຕັ້ງປະຕິບັດແຜນການ ຍຸດທະສາດການກໍ່ສ້າງກຳລັງ ກອງທັບດ້ານການຈັດຕັ້ງ ແລະ ການປະກອບໃນໄລຍະ 5 ປີຜ່ານ ມາ (2015-2020) ແລະ ສະ ເໜີແຜນການຍຸດທະສາດປັບ ປຸງກໍ່ສ້າງກໍາລັງ 5 ປີຕໍ່ໜ້າ ( 20201-2025); ຜູ້ແທນທີ່ ເຂົ້າຮ່ວມກອງປະຊຸມດັ່ງກ່າວກໍໄດ້ແລກປ່ຽນປະກອບຄຳຄິດ ເຫັນຕໍ່ຫົວຂໍ້ສຳມະນາວຽກງານ ກໍ່ສ້າງກໍາລັງກອງທັບດ້ານການ ຈັດຕັ້ງ ແລະ ການປະກອບໃນ 4 ຂົງເຂດວຽກງານຄື: ວຽກງານຈັດຕັ້ງກໍ່ສ້າງກໍາລັງກອງທັບດ້ານໂຄງປະກອບການຈັດຕັ້ງ, ວຽກງານປະກອບອາວຸດ, ວຽກງານລະດົມ ແລະ ປະກອບ ຈໍານວນພົນ, ວຽກງານຄຸ້ມຄອງ ຈຳນວນພົນ, ວຽກງານກໍ່ສ້າງ ກໍາລັງສໍາຮອງ, ເຊິ່ງໃນຂົງເຂດ ວຽກງານດັ່ງກ່າວນີ້, ຈະໄດ້ພ້ອມ ກັນສັງເກດຕີລາຄາຢ່າງພາວະວິ ໄສຖືກກັບຄວາມເປັນຈິງມີຄວາມ ເປັນເອກະພາບຕໍ່ຜົນສຳເລັດທີ່ ຍາດມາໄດ້, ກອງປະຊຸມແມ່ນຈະ ໄດ້ນຳເນີນເປັນເວລາ 3 ວັນ. ໂດຍ: ອາຫວຸ້ນ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ