ກອງທັບປະຊາຊົນລາວ

ວັນຈັນ, ວັນທີ 05 ທັນວາ 2022



ສະພາປະຊາຊົນແຂວງໄຊຍະບູລີ ສຳເລັດກອງປະຊຸມສະໄໝສາມັນ ເທື່ອທີ 8 ຊຸດທີ I
ເວລາອອກຂ່າວ: 2020-02-05 09:41:38 | ຜູ້ຂຽນ : admin3 | ຈຳນວນຄົນເຂົ້າຊົມ: 11 | ຄວາມນິຍົມ:



ກອງປະຊຸມສະໄໝສາມັນ ເທື່ອທີ 8 ຂອງສະພາປະຊາຊົນ ແຂວງໄຊຍະບູລີ ຊຸດທີ I ໄດ້ສໍາ ເລັດລົງຢ່າງເປັນທາງການໃນ ວັນທີ 31 ມັງກອນ 2020 ນີ້, ຢູ່ ທີ່ຫ້ອງປະຊຸມພະແນກກະສິກຳ ແລະ ປ່າໄມ້ ແຂວງໄຊຍະບູລີ ພາຍຫຼັງທີ່ດໍາເນີນມາເປັນເວລາ 3 ວັນເຄິ່ງ, ໂດຍການເປັນປະ ທານຂອງ ທ່ານ ປອ ສົມລິດ ເປືອກແກ້ວ ຮອງເລຂາພັກແຂວງ ປະທານສະພາປະຊາຊົນແຂວງ, ເຂົ້າຮ່ວມເປັນກຽດຂອງ ທ່ານ ເພັງນິລັນ ຄໍາພັນເພັງ ຮອງເຈົ້າ ແຂວງໆໄຊຍະບູລີ, ມີບັນດາກຳ ມະການປະຈໍາພັກແຂວງ, ກໍາ ມະການພັກແຂວງ, ອະດີດການ ນຳຂອງແຂວງ, ສະມາຊິກສະ ພາແຫ່ງຊາດ, ສະມາຊິກສະພາ ປະຊາຊົນແຂວງ, ນັກປະຕິວັດອາວຸໂສບຳນານຜູ້ຊົງຄຸນວຸດທິ, ຕາງໜ້າອົງການຈັດຕັ້ງພັກ-ລັດ, ອົງການແນວລາວສ້າງຊາດ, ອົງ ການຈັດຕັ້ງມະຫາຊົນ, ນັກທຸລະ ກິດຜູ້ປະກອບການເຂົ້າຮ່ວມ. ທ່ານ ປອ ສົມລິດ ເປືອກແກ້ວ ຮອງເລຂາພັກແຂວງ ປະທານ ສະພາປະຊາຊົນແຂວງໄດ້ກ່າວ ອັດກອງປະຊຸມຢ່າງເປັນທາງ ການ ເຊິ່ງທ່ານໄດ້ກ່າວວ່າ: ກອງ ປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງຊຸດ ທີ I ໄດ້ດໍາເນີນມາເປັນເວລາ 3 ວັນເຄິ່ງດ້ວຍຄວາມເຄັ່ງຮ້ອນ, ເຊິ່ງເຕັມໄປດ້ວຍບັນຍາກາດ ຟົດຟື້ນບົນຈິດໃຈເສີມຂະຫຍາຍ ສິດປະຊາທິປະໄຕ ແລະ ຄວາມ ຮັບຜິດຊອບສູງ ຂອງບັນດາທ່ານສະມາຊິກສະພາປະຊາຊົນແຂວງ ໃນຖານະທີ່ເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນ ບັນ ດາເຜົ່າ. ກອງປະຊຸມຄັ້ງນີ້ ໄດ້ພິຈາລະນາຮັບຮອງເອົານິຕິ ກໍາຈໍານວນ 2 ສະບັບ ແລະ ມະຕິ 6 ສະບັບ ດ້ວຍຄະແນນສຽງ ສ່ວນຫຼາຍ; ເຊິ່ງເປັນພື້ນຖານ ທາງດ້ານນິຕິກໍາທີ່ສໍາຄັນໃຫ້ ການພັດທະນາເສດຖະກິດ- ສັງຄົມ, ຄໍ້າປະກັນການປົກ ປ້ອງສິດອິດສະຫຼະພາບ ແລະ ສິດປະຊາທິປະໄຕຕາມທີ່ໄດ້ກໍາ ນົດໄວ້ໃນລັດຖະທໍາມະນູນແລະ ກົດໝາຍ ກໍຄືການປະຕິບັດພັນທະ ພື້ນຖານຂອງພົນລະເມືອງຕໍ່ ລັດ. ໃນກອງປະຊຸມຄັ້ງນີ້ ໄດ້ ສຸມໃສ່, ພິຈາລະນາ ແລະ ຮັບ ຮອງ ເອົາບັນຫາສໍາຄັນຂອງທ້ອງຖິ່ນ ດັ່ງນີ້: ຮັບຟັງການແຈ້ງຜົນ ການພິຈາລະນາຮັບຮອງເອົາ ການສະເໜີແຕ່ງຕັ້ງບຸກຄະລາ ກອນຂອງແຂວງ, ຮັບຟັງການ ລາຍງານຂອງທ່ານ ຮອງເຈົ້າ ແຂວງກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ຂອງແຂວງ ປະຈໍາປີ 2019 ແລະ ທິດທາງແຜນການ ປະຈໍາປີ 2020, ຮັບຟັງການລາຍງານ ຂອງພະແນກຊັບພະຍາກອນທໍາ ມະຊາດ ແລະ ສິ່ງແວດລ້ອມກ່ຽວກັບຜົນການຈັດຕັ້ງຜັນຂະຫຍາຍມະຕິ ສະບັບເລກທີ 11/ສພຂ.ຊຍ, ລົງວັນທີ 30 ມັງກອນ 2019, ລາຍງານການຈັດຕັ້ງປະຕິບັດ ວຽກງານຈັດສັນທີ່ດິນຢູ່ພາຍໃນ ແຂວງ ແລະ ການຄຸ້ມຄອງສິ່ງ ແວດລ້ອມຮອບດ້ານ, ຮັບຟັງການ ລາຍງານຂອງອົງການກວດ ສອບປະຈຳພາກເໜືອກ່ຽວກັບ ການຈັດຕັ້ງປະຕິບັດແຜນການ ເຄື່ອນໄຫວວຽກງານ ປະຈໍາປີ 2019 ແລະ ທິດທາງແຜນການ ປະຈໍາປີ 2020, ລາຍງານຜົນ ການກວດສອບບົດສະຫຼຸບຂາດ ຕົວການຈັດຕັ້ງປະຕິບັດແຜນງົບ ປະມານແຫ່ງລັດຂອງແຂວງ ປະຈໍາປີ 2018, ຮັບຟັງການ ລາຍງານຂອງອົງການກວດກາ ລັດແຂວງກ່ຽວກັບການກວດກາ ຕາມຜົນການກວດສອບບົດສະ ຫຼຸບຂາດຕົວການຈັດຕັ້ງປະຕິບັດ ແຜນງົບປະມານແຫ່ງລັດຂອງ ແຂວງ ປະຈໍາປີ 2017, ຮັບຟັງ ການລາຍງານກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານ ປະຈໍາປີ 2019 ແລະ ແຜນການເຄື່ອນໄຫວວຽກງານ ປະຈໍາປີ 2020 ຂອງອົງການ ໄອຍະການປະຊາຊົນແຂວງ ແລະ ສານປະຊາຊົນແຂວງ, ຮັບຟັງ ບົດລາຍງານການຈັດຕັ້ງປະຕິບັດ ແຜນການເຄື່ອນໄຫວວຽກງານ ປະຈໍາປີ 2019 ແລະ ແຜນການ ເຄື່ອນໄຫວວຽກງານປະຈໍາປີ 2020 ຂອງສະພາປະຊາຊົນ ແຂວງ, ຮັບຟັງບົດລາຍງານ ການປະເມີນຜົນການປະຕິບັດ ໜ້າທີ່ຂອງບຸກຄະລາກອນດໍາລົງ ຕໍາແໜ່ງທີ່ສະພາປະຊາຊົນແຂວງ ເລືອກຕັ້ງ ແລະ ຮັບຮອງເອົາ ການແຕ່ງຕັ້ງ, ຄົ້ນຄວ້າປະກອບ ຄຳເຫັນ ແລະ ພິຈາລະນາຮັບ ຮອງເອົາການສ້າງນິຕິກຳຂອງ ແຂວງ ຈຳນວນ 2 ສະບັບຄື: ຂໍ້ຕົກລົງຂອງທ່ານເຈົ້າແຂວງ ວ່າດ້ວຍກອງທຶນພັດທະນາຍືນ ຍົງ ແລະ ຂໍ້ຕົກລົງຂອງທ່ານເຈົ້າ ແຂວງວ່າດ້ວຍການຄຸ້ມຄອງພັດ ທະນາຊົນລະປະທານ. ກອງປະ ຊຸມໄດ້ຮັບຟັງການປະກອບຄຳ ເຫັນຕີລາຄາຂອງຕາງໜ້າຄະ ນະປະຈໍາສະພາປະຊາຊົນແຂວງ, ຜູ້ຕາງໜ້າແນວລາວສ້າງຊາດ ແລະ ອົງການຈັດຕັ້ງມະຫາຊົນ, ການຕອບຄຳຊັກຖາມ ແລະ ຊີ້ ແຈງກັບທີ່ຂອງບັນດາພະແນກ ການກ່ຽວຂ້ອງ, ກອງປະຊຸມໄດ້ ຮັບຟັງການສະເໜີບັນດາຮ່າງ ມະຕິ ແລະ ຄົ້ນຄວ້າ, ພິຈາລະ ນາຮັບຮອງເອົາບົດລາຍງານ ຂອງພາກສ່ວນກ່ຽວຂ້ອງທີ່ສະ ເໜີຕໍ່ກອງປະຊຸມ ຈຳນວນ 6 ສະບັບ ຄື: ມະຕິຮັບຮອງເອົາ ບົດລາຍງານຂອງອົງການປົກ ຄອງແຂວງ ກ່ຽວກັບການຈັດ ຕັ້ງປະຕິບັດແຜນພັດທະນາເສດ ຖະກິດ-ສັງຄົມ ແລະ ທິດທາງ ແຜນການ ປະຈໍາປີ 2020, ມະ ຕິຮັບຮອງເອົາ ບົດລາຍງານຂອງ ແຂວງກ່ຽວກັບການຈັດຕັ້ງປະ ຕິບັດແຜນງົບປະມານແຫ່ງລັດ ຂອງແຂວງ ປະຈໍາປີ 2019 ແລະ ທິດທາງແຜນການ ປະຈໍາ ປີ 2020, ມະຕິຮັບຮອງເອົາບົດ ລາຍງານຂອງອົງການກວດ ສອບປະຈໍາພາກເໜືອ ແລະ ອົງ ການກວດກາລັດແຂວງ, ມະຕິ ຮັບຮອງເອົາບົດລາຍງານຂອງ ອົງການໄອຍະການ ແລະ ສານ ປະຊາຊົນແຂວງ, ມະຕິຮັບຮອງ ເອົາບົດລາຍງານການຈັດຕັ້ງ ປະຕິບັດແຜນການເຄື່ອນໄຫວ ວຽກງານ ປະຈໍາປີ 2019 ແລະ ແຜນການເຄື່ອນໄຫວວຽກງານ ປະຈໍາປີ 2020 ຂອງສະພາປະ ຊາຊົນແຂວງ, ມະຕິຮັບຮອງ ເອົາການປະເມີນຜົນການປະຕິ ບັດໜ້າທີ່ຂອງບຸກຄະລາກອນດໍາ ລົງຕໍາແໜ່ງທີ່ສະພາປະຊາຊົນ ແຂວງເລືອກຕັ້ງ ແລະ ຮັບຮອງ ເອົາການແຕ່ງຕັ້ງ. ຜົນສໍາເລັດ ຂອງກອງປະຊຸມຄັ້ງນີ້ແມ່ນໝາກ ຜົນລວມຍອດແຫ່ງການເສີມຂະ ຫຍາຍສະຕິປັນຍາລວມໝູ່, ການ ປະສານສົມທົບກົມກຽວແຕ່ຫົວ ທີລະຫວ່າງສະພາປະຊາຊົນ ແຂວງກັບອົງການປົກຄອງ ແຂວງກໍຄືພະແນກການທີ່ກ່ຽວ ຂ້ອງ. ກອງປະຊຸມຮຽກຮ້ອງ ມາຍັງອົງການຈັດຕັ້ງຂອງລັດ ທຸກພາກສ່ວນ, ທຸກຂັ້ນພ້ອມດ້ວຍ ປະຊາຊົນບັນດາເຜົ່າ ແລະ ຜູ້ ປະກອບການຈົ່ງພ້ອມກັນນໍາ ເອົາຜົນສໍາເລັດກອງປະຊຸມຄັ້ງ ນີ້ ໄປຈັດຕັ້ງຜັນຂະຫຍາຍຕາມ ຂອບເຂດສິດ ແລະ ໜ້າທີ່ຂອງຕົນ ດ້ວຍຄວາມເປັນເຈົ້າການເພື່ອ ແນໃສ່ຮັບປະກັນເຮັດໃຫ້ແຂວງ ໄຊຍະບູລີ ສືບຕໍ່ມີການພັດທະນາ ຢ່າງໜັກແໜ້ນ. ຂ່າວ: ບຸນທີ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ