ເບສະຫວັນ ເອັບຊີ U10 ກຽມແຂ່ງຂັນບານເຕະເຍົາວະຊົນລະດັບນານາຊາດ
ເວລາອອກຂ່າວ: 2026-10-16 09:53:35 | ຜູ້ຂຽນ : admin1 | ຈຳນວນຄົນເຂົ້າຊົມ: 345 | ຄວາມນິຍົມ: ![]()
ສະໂມສອນ ເບສະຫວັນ ເອັບຊີ(BAY SAVANH FC) ຮຸ່ນອາຍຸບໍ່ເກີນ 10 ປີ (U10) ເຊິ່ງເປັນຕົວແທນຈາກ ສປປ ລາວ ກຽມຄວາມພ້ອມເຂົ້າຮ່ວມການແຂ່ງຂັນບານເຕະເຍົາວະຊົນນານາຊາດ ລາຍການ SingaCup 2026 ທີ່ປະເທດສິງກະໂປ ໂດຍຫຼ້າສຸດໄດ້ມີການປະກາດຜົນການຈັບສະຫຼາກແບ່ງກຸ່ມຢ່າງເປັນທາງການແລ້ວ.
ສຳລັບການແຂ່ງຂັນໃນຮຸ່ນອາຍຸບໍ່ເກີນ 10 ປີ ມີທີມເຂົ້າຮ່ວມຊີງໄຊທັງໝົດ 36 ທີມ, ຖືກແບ່ງອອກເປັນ 8 ກຸ່ມ ໂດຍຈະຄັດເອົາທີມອັນດັບ 1 ແລະ 2 ຂອງແຕ່ລະກຸ່ມຜ່ານເຂົ້າສູ່ຮອບນັອກເອົາ (Knockout). ຈາກຜົນການຈັບສະຫຼາກ ເບສະຫວັນ ເອັບຊີ ຖືກຈັດຢູ່ໃນກຸ່ມ F ມີ 3 ທີມຮ່ວມກຸ່ມດັ່ງນີ້: ສະໂມສອນ Fortaleza Juniors ສິງກະໂປ, ສະ ໂມສອນ Fluxnesia Soccer Academy ອິນໂດເນເຊຍ, ສະໂມສອນ Bay Savanh FC ສປປ ລາວ ແລະ ສະໂມສອນ Sunstrikers FC ຟີລິບປິນ.
ທາງສະໂມສອນ ເບສະຫວັນ ເອັບຊີ ມີກຳນົດການເດີນທາງໄປຍັງປະເທດສິງກະໂປ ໃນວັນທີ 29 ຕຸລາ 2026 ນີ້ ເພື່ອກຽມຄວາມພ້ອມກ່ອນການແຂ່ງຂັນ. ຂະນະທີ່ການແຂ່ງຂັນລາຍການ SingaCup 2026 ຈະຈັດຂຶ້ນຢ່າງເປັນທາງການໃນລະຫວ່າງວັນທີ 31 ຕຸລາ ຫາ 7 ພະຈິກ 2026. ຂໍໃຫ້ແຟນກິລາບານຮ່ວມຕິດຕາມ ແລະ ສົ່ງກຳລັງໃຈເຊຍທັບນັກກິລາເຍົາວະຊົນຕົວແທນຈາກ ສປປ ລາວ ໃຫ້ສ້າງຜົນງານທີ່ດີໃນການແຂ່ງຂັນລະດັບນານາຊາດຄັ້ງນີ້.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ















