ກອງພັນໃຫຍ່ 401 ເຄົາລົບທຸງຊາດ ປະຈຳເດືອນຕຸລາ 2026
ເວລາອອກຂ່າວ: 2026-10-12 09:11:44 | ຜູ້ຂຽນ : admin1 | ຈຳນວນຄົນເຂົ້າຊົມ: 153 | ຄວາມນິຍົມ: ![]()
ວັນທີ 5 ຕຸລາ 2026 ນີ້, ກອງພັນໃຫຍ່ 401 ກອງພົນທີ 4 ໄດ້ຈັດພິທີເຄົາລົບທຸງຊາດ ປະຈຳເດືອນຕຸລາ ປີ 2026, ໂດຍການເປັນປະທານ ຂອງສະຫາຍ ພັນເອກ ຄຳໄພ ໄຊສົງຄາມ ຫົວໜ້າການເມືອງ ກອງພັນໃຫຍ່ 401, ມີຄະນະພັກ-ຄະນະບັນຊາ ກອງພັນໃຫຍ່, ພະແນກການ, ຂະແໜງການ ແລະ ພະນັກງານ-ນັກຮົບ ເຂົ້າຮ່ວມ.
ໃນພິທີ ສະຫາຍ ພັນເອກ ຄຳໄພ ໄຊສົງຄາມ ໄດ້ສະຫຼຸບຜົນງານ ການເຄື່ອນໄຫວວຽກງານ ໃນໄລຍະ 1 ເດືອນຜ່ານມາ, ເຊິ່ງໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ສະດວກ, ຂໍ້ຫຍຸ້ງຍາກ ແລະ ບົດຮຽນທີ່ຖອດຖອນໄດ້ ເປັນຕົ້ນແມ່ນວຽກງານສຶກສາອົບຮົມການເມືອງ-ນຳພາແນວຄິດ ໃຫ້ນາຍ ແລະ ພົນທະຫານ ໄດ້ກຳແໜ້ນແນວທາງ ຂອງພັກ-ລັດ, ຈັດຕັ້ງລະບອບປະຈຳ ການປ້ອງກັນເວນຍາມຄ້າຍຄູ 24 ຊົ່ວໂມງ, ເຄື່ອນໄຫວສາລະເວຕາມຂອບເຂດຕົນເອງຮັບຜິດ ຊອບໃຫ້ມີຄວາມສະຫງົບໂດຍພື້ນຖານ ແລະ ຊຸກຍູ້ຂະບວນການດ້ານຕ່າງໆ ພາຍໃນກົມກອງ ໃຫ້ມີຂະບວນການຟົດຟື້ນຕໍ່ເນື່ອງຕິດພັນກັບ 4 ໜ້າທີ່ໃຫຍ່ 26 ແຜນງານ ຂອງອົງຄະນະພັກ ກະຊວງປ້ອງກັນປະເທດວາງອອກ.
ໂດຍ: ໂພຄຳ ພອນປະເສີດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ















