ວັນຈັນ, ວັນທີ 12 ຕຸລາ 2026
ຫ້ອງການເມືອງ ກອງພົນທີ 3 ເປີດຊຸດອົບຮົມວຽກງານການເມືອງ ປະຈໍາປີ 2026
ເວລາອອກຂ່າວ: 2026-10-02 10:30:34 | ຜູ້ຂຽນ : admin2 | ຈຳນວນຄົນເຂົ້າຊົມ: 214 | ຄວາມນິຍົມ: 
ວັນທີ 1 ຕຸລາ 2026 ນີ້, ຫ້ອງການເມືອງ ກອງພົນທີ 3 ໄດ້ເປີດຊຸດອົບຮົມວຽກງານການເມືອງປະຈໍາປີ 2026 ໂດຍການເປັນປະທານ ຂອງສະຫາຍ ພັນໂທ ສົມລິດ ບົວໄຂຄໍາ ກໍາມະການຄະນະພັກກອງພົນ, ຮອງຫົວໜ້າຫ້ອງການເມືອງ ກອງພົນທີ 3, ມີຄະນະພັກ-ຄະນະບັນຊາ ແລະ ພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ສົມລິດ ບົວໄຂຄໍາ ກໍາມະການຄະນະພັກກອງພົນ, ຮອງຫົວໜ້າຫ້ອງການເມືອງ ກອງພົນທີ 3 ໄດ້ຜ່ານເນື້ອໃນອົບຮົມວຽກງານພັກ-ວຽກງານການເມືອງ ໃນການກະກຽມພ້ອມສູ້ຮົບ, ໃນການປັບປຸງລະບຽບວິໄນ ຢູ່ໃນກົມກອງ ແລະ ວຽກງານສຶກສາອົບຮົມການເມືອງ-ນໍາພາແນວຄິດໃຫ້ພະນັກງານ-ນັກຮົບ. ຈາກນັ້ນ, ບັນດາຄະນະພັກ-ຄະນະບັນຊາ ໄດ້ຜັດປ່ຽນກັນຜ່ານເນື້ອໃນອົບຮົມ ຂໍ້ກໍານົດ ວ່າດ້ວຍທີ່ຕັ້ງ, ພາລະບົດບາດ, ສິດ ແລະ ໜ້າທີ່ ໃນການເຄື່ອນໄຫວ ຂອງຄະນະວຽກງານການເມືອງກອງຮ້ອຍ, ກໍ່ສ້າງສະພາບແວດລ້ອມວັດທະນະທໍາ ຢູ່ໃນກອງທັບປະຊາຊົນລາວ, ວຽກງານວັດທະນະທໍາມະຫາຊົນ ຢູ່ໃນກອງທັບ ແລະ ເພີ່ມທະວີການປະຍັດ ແລະ ຕ້ານການຟູມເຟືອຍ.
ທັງນີ້, ເພື່ອເຮັດໃຫ້ພະນັກງານ-ນັກຮົບ ໄດ້ຮັບຮູ້ ເຂົ້າໃຈ ເນື້ອໃນສໍາຄັນບັນດາວຽກງານຕ່າງໆ ເວົ້າລວມ, ເວົ້າສະເພາະ ວຽກງານການເມືອງ, ເປັນການຍົກສູງຄຸນສົມບັດ ສິນທໍາປະຕິວັດ, ມີທາດແທ້ແນວຄິດການເມືອງ ທີ່ໜັກແໜ້ນ ເຂັ້ມແຂງ, ມີຄວາມຮັບຜິດຊອບໃນໜ້າທີ່ຂອງຕົນ ແລະ ຈັດຕັ້ງປະຕິບັດໃຫ້ປະກົດຜົນເປັນຈິງ.
ໂດຍ: ຄໍາຜຸຍ ສີວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
