ວັນຈັນ, ວັນທີ 12 ຕຸລາ 2026
ຫຼາຍພາກສ່ວນມອບເຄື່ອງບໍລິໂພກ ພະນັກງານ-ນັກຮົບ ທີ່ອອກປະຕິບັດໜ້າທີ່ປ້ອງກັນ-ເວນຍາມ
ເວລາອອກຂ່າວ: 2026-10-02 08:55:32 | ຜູ້ຂຽນ : admin1 | ຈຳນວນຄົນເຂົ້າຊົມ: 194 | ຄວາມນິຍົມ: 
ໃນລະຫວ່າງວັນທີ 15-17 ກັນຍາ 2026, ຫຼາຍພາກສ່ວນ ໄດ້ລົງເຄື່ອນໄຫວມອບເຄື່ອງບໍລິໂພກໃຫ້ພະນັກງານ-ນັກຮົບ ຂອງກອງພັນໃຫຍ່ 11 ທີ່ອອກປະຕິບັດໜ້າທີ່ປ້ອງກັນ-ເວນຍາມ ກອງປະຊຸມທົບທວນສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານຮອບວຽນທີ 3 ທີ່ລາວເປັນເຈົ້າພາບ, ໂດຍມີ ຄະນະພັກ-ຄະນະບັນຊາ ກອງພັນໃຫຍ່ 11, ສອງອົງການຈັດຕັ້ງມະຫາຊົນ, ກອງພັນເຄື່ອນທີ່ໄວ 586, ຄອບຄົວ ສະຫາຍ ນາງ ວາດສະໜາ ຈັນດາລາ ແລະ ຄອບຄົວ ສະຫາຍ ປາຈິດ ຄຳວຽງງາມ, ເຊິ່ງເຄື່ອງບໍລິໂພກທີ່ນຳມາມອບປະກອບມີ ນ້ຳດື່ມ 84 ແພັກ, ກາເຟ 20 ຖົງ, ໝີ່ສຳເລັດຮູບ 4 ແກັດ, ເຄື່ອງດື່ມຊູ່ກຳລັງ (M150) 2 ແພັກ, ເຂົ້າຈີ່ 100 ກ້ອນ. ລວມເປັນເງິນທັງໝົດ 5.960.000 ກີບ. ທັງນີ້ ກໍເພື່ອເຮັດໃຫ້ພະນັກງານ-ນັກຮົບ ທີ່ເຮັດວຽກຢູ່ພາກສະໜາມ, ມີກຳລັງໃຈ, ມີຄວາມຫ້າວຫັນ, ກະຕືລືລົ້ນໃນການປະຕິບັດໜ້າ
ທີ່ວຽກງານ ແລະ ຍັງເປັນການ ສະແດງເຖິງນ້ຳໃຈສາມັກຄີຊ່ວຍ ເຫຼືອເຊິ່ງກັນ ແລະ ກັນ, ເພື່ອເຮັດສຳເລັດໜ້າທີ່ ຕາມຂັ້ນເທິງມອບໜາຍໃຫ້ ແລະ ຮັບປະກັນໄດ້ຄວາມປອດໄພ 100%.
ໂດຍ: ປິ່ນ ຂຸນພົນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
