POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 16 ຕຸລາ 2026

ຕະຫຼາດໂນນຄໍ້ ເຂັ້ມງວດການກວດກາຊີ້ນໝູ ເພື່ອຄວາມປອດໄພຂອງຜູ້ບໍລິໂພກ
ເວລາອອກຂ່າວ: 2026-10-01 09:42:40 | ຜູ້ຂຽນ : admin1 | ຈຳນວນຄົນເຂົ້າຊົມ: 183 | ຄວາມນິຍົມ:

ພາຍຫຼັງມີການລະບາດຂອງພະຍາດອະຫິວາໝູອາຟຣິກາ, ລັດຖະບານໄດ້ອອກແຈ້ງການປິດການເຄື່ອນຍ້າຍໝູ ແລະ ຊີ້ນໝູລະຫວ່າງແຂວງສູ່ແຂວງ, ເມືອງ ສູ່ ເມືອງ ລວມເຖິງການ ຫ້າມນຳເຂົ້າປະເພດໝູ ແລະ ຊີ້ນໝູ ຈາກຕ່າງປະເທດ ໃນໄລຍະທີ່ມີການລະບາດຂອງພະຍາດອະຫິວາໝູອາຟຣິກາ ໂດຍເດັດຂາດ ເພື່ອສະກັດກັ້ນພະຍາດ. ຈາກມາດຕະ ການດັ່ງກ່າວ, ຕະຫຼາດຫຼາຍແຫ່ງ ໃນນະຄອນຫຼວງວຽງຈັນ ໄດ້ຢຸດຈຳໜ່າຍຊີ້ນໝູຊົ່ວຄາວ. ຫຼ້າສຸດພາຍຫຼັງສະຖານະການດັ່ງກ່າວດີຂຶ້ນຕະຫຼາດແຫ່ງຕ່າງໆ ໃນນະ ຄອນຫຼວງວຽງຈັນ ໄດ້ກັບຄືນມາຈຳໜ່າຍຊີ້ນໝູປົກກະຕິ ເຮັດໃຫ້ບັນຍາກາດການຊື້-ຂາຍ ກັບມາຄຶກຄື້ນຫຼາຍຂຶ້ນ ໂດຍສະເພາະແມ່ນຕະຫຼາດໂນນຄໍ້ ກໍເປັນອີກ ຕະຫຼາດໜຶ່ງທີ່ສ້າງຄວາມເຊື່ອ ໝັ້ນໃຫ້ປະຊາຊົນ ໂດຍໝູທຸກໂຕ ຕ້ອງຜ່ານການກວດກາຈາກສັດ ຕະວະແພດຢ່າງເຂັ້ມງວດ ກ່ອນນຳເຂົ້າມາຂາຍຢູ່ໃນຕະຫຼາດ ເພື່ອສ້າງຄວາມເຊື່ອໝັ້ນແກ່ຜູ້ບໍ ລິໂພກ. ທ່ານ ນາງ ແສງແກ້ວ ວົງພະຈັນ ເຈົ້າຂອງຕະຫຼາດໂນນ ຄໍ້ໃຫ້ຮູ້ວ່າ: ພາຍຫຼັງທີ່ມີການລະ ບາດຂອງພະຍາດອະຫິວາໝູອາ ຟຣິກາ ຕະຫຼາດໂນນຄໍ້ ກໍໄດ້ເອົາ ໃຈໃສ່ປະຕິບັດຕາມຄຳສັ່ງທີ່ລັດຖະບານວາງອອກ ເພື່ອບໍ່ໃຫ້ພະຍາດດັ່ງກ່າວແຜ່ກະຈາຍເປັນວົງກວ້າງ ແລະ ສົ່ງຜົນກະທົບຕໍ່ຊີວິດການເປັນຢູ່ຂອງປະຊາຊົນລາວ. ແຕ່ພາຍຫຼັງທີ່ສະຖານະການດີຂຶ້ນຕະຫຼາດໂນນຄໍ້ ໄດ້ກັບມາຂາຍຊີ້ນໝູຄືນໃໝ່ແລ້ວ. ສະນັ້ນ, ຈຶ່ງຢາກເຊີນຊວນປະຊາຊົນທີ່ໄດ້ກາຍ ໄປ, ກາຍມາສາມາດເຂົ້າມາແວ່ ຊື້ຊີ້ນໝູທີ່ສົດໃໝ່ຢູ່ຕະຫຼາດຂອງພວກເຮົາໄດ້, ຮັບຮອງວ່າປອດໄພ ເພາະກ່ອນຈະນຳເອົາຊີ້ນໝູ ເຂົ້າມາຂາຍຕ້ອງຜ່ານການກວດ ກາຈາກສັດຕະວະແພດຢ່າງເຂັ້ນງວດ ແລະ ຊາວຄ້າຂາຍກໍຕ້ອງມີໃບຢັ້ງຢືນ ກ່ອນນຳເອົາຊີ້ນໝູເຂົ້າມາຂາຍ. ທ່ານ ວຽງຄຳ ລໍວັນໄຊ ຫົວໜ້າຈັດສັນຕະຫຼາດໂນນຄໍ້ ໃຫ້ສຳພາດວ່າ: ພາຍຫຼັງທີ່ມີການຕິດຕາມ ແລະ ເຝົ້າລະວັງການລະບາດຂອງພະຍາດອະຫິວາໝູ (African Swine Fever) ໃນຫຼາຍແຂວງທົ່ວປະເທດ, ໂດຍສະເພາະ 7 ແຂວງທາງພາກເໜືອ ເປັນຕົ້ນແມ່ນແຂວງໄຊຍະບູລີ, ກະຊວງສາທາລະນະສຸກ ຮ່ວມກັບກະຊວງກະສິກຳ ແລະ ປ່າໄມ້, ກົມອາຫານ ແລະ ຢາໄດ້ມີຄຳສັ່ງ ບໍ່ໃຫ້ມີການເຄື່ອນຍ້າຍ ແລະ ຂາຍ ໝູຊົ່ວຄາວ ເພື່ອຕິດຕາມ ແລະ ເຝົ້າລະວັງຢ່າງເຂັ້ມງວດ ຈົນ ຮອດວັນທີ 26 ກັນຍາເຫັນ ວ່າບໍ່ພົບໝູທີ່ ເປັນໄຂ້ ຫຼື ຕິດເຊື້ອເພີ່ມອີກ. ບັນດາບໍລິສັດ ແລະ ຜູ້ປະກອບການລ້ຽງ ໝູຂະໜາດໃຫຍ່ ເຊັ່ນ: CP, 3F, ນາຍຮ້ອຍເລ່ ແລະ ຜູ້ສະໜອງອື່ນໆ ໄດ້ຜ່ານການກວດກາ ແລະ ຢັ້ງຢືນວ່າໝູມີສຸຂະພາບແຂງແຮງດີ, ບໍ່ມີພະຍາດ, ຈຶ່ງໄດ້ຮັບອະນຸຍາດໃຫ້ນຳໝູ ສົ່ງມາຈຳໜ່າຍຢູ່ຕະຫຼາດ ຕາມປົກກະຕິ. ພ້ອມດຽວກັນນີ້, ຄະນະຈັດສັນຕະຫຼາດ ໄດ້ສົມທົບກັບພາກສ່ວນສັດຕະວະແພດ ແລະ ເຈົ້າໜ້າທີ່ທີ່ກ່ຽວຂ້ອງ ເພື່ອສະກັດກັ້ນ ແລະ ປ້ອງກັນຢ່າງ ເຂັ້ມງວດ. ສະນັ້ນ, ຈຶ່ງຂໍເຊີນຊວນ ປະຊາຊົນຊາວນະຄອນຫຼວງວຽງຈັນ ເຊື່ອໝັ້ນ ແລະ ເຂົ້າມາ ເລືອກຊື້ຊີ້ນສົດ, ອາຫານທີ່ມີມາດ ຕະຖານ, ປອດໄພ ຢູ່ຕະຫຼາດໂນນຄໍ້ຢ່າງສະບາຍໃຈ. ສຳລັບລາຄາຊື້ຂາຍຊີ້ນໝູ ແລະ ປະເພດຜັກຕ່າງໆແມ່ນປົກກະຕິບໍ່ມີການເໜັງຕີງຫຼາຍ, ສ່ວນລາຄາຊີ້ນງົວແມ່ນມີການປັບລົງ. ທ່ານ ນາງ ແດງ ແມ່ຄ້າຂາຍຊີ້ນໝູ ເວົ້າວ່າ: ພາຍຫຼັງກັບມາ ເປີດຂາຍຄືນໃໝ່, ເຫັນວ່າບັນຍາ ກາດການຊື້-ຂາຍ ມີຄວາມຄຶກ ຄື້ນດີ ແລະ ລູກຄ້າກໍມາອຸດໜູນເປັນຈຳນວນຫຼາຍ ທຳອິດຄິດວ່າບັນຍາກາດຈະງຽບເຫງົາ, ແຕ່ຜົນຕອບຮັບແມ່ນດີກວ່າທີ່ຄິດ, ລູກຄ້າປະຈຳ ແລະ ປະຊາຊົນທົ່ວ ໄປມາຊື້ຫຼາຍ ເຮັດໃຫ້ຂາຍດີ. ສຳ ລັບລາຄາຈຳໜ່າຍໃນປັດຈຸບັນແມ່ນປົກກະຕິ 80.000 ກີບຕໍ່ກິໂລ, ຂາຕັ້ງ ລາຄາປະມານ 75.000 ກີບຕໍ່ກິໂລ, ເຄື່ອງໃນ ລາຄາ 60.000-65.000 ກີບຕໍ່ກິໂລ. ສະນັ້ນ, ຈຶ່ງຢາກເຊີນຊວນ ພໍ່ແມ່ພີ່ນ້ອງ ແລະ ປະຊາຊົນທັງ ຫຼາຍ ເຂົ້າມາເລືອກຊື້ຊີ້ນໝູຢູ່ຕະ ຫຼາດໂນນຄໍ້ ຮັບຮອງວ່າປອດໄພ ເພາະຜ່ານການກວດກາຢ່າງຮຽບຮ້ອຍ ແລະ ເຂັ້ມງວດຈາກ ເຈົ້າໜ້າທີ່, ຮັບປະກັນຄວາມສະ ອາດ, ຄວາມປອດໄພ ແລະ ຊີ້ນໝູສົດ ໃໝ່ທຸກມື້. ໂດຍ: ມາລີດາ

news to day and hot news