POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 16 ຕຸລາ 2026

ສປປ ລາວ ເປັນເຈົ້າພາບກອງປະຊຸມ ອະນຸກຳມະການຖະແຫຼງຂ່າວ ອາຊຽນ ຄັ້ງທີ 27
ເວລາອອກຂ່າວ: 2026-10-01 09:41:53 | ຜູ້ຂຽນ : admin1 | ຈຳນວນຄົນເຂົ້າຊົມ: 184 | ຄວາມນິຍົມ:

ສປປ ລາວ ເປັນເຈົ້າພາບ ກອງປະຊຸມອະນຸກຳມະການຖະ ແຫຼງຂ່າວອາຊຽນ (ASEAN-COCI Sub-Committee onInformation-SCI) ຄັ້ງທີ 27 ໃນລະຫວ່າງວັນທີ 28-29 ກັນຍາ 2026 ທີ່ນະຄອນຫຼວງວຽງຈັນ ໂດຍຜູ້ເຂົ້າຮ່ວມຈະໄດ້ທົບທວນຄືນການຮ່ວມມືໃນຊຸມປີທີ່ຜ່ານມາ, ແລກປ່ຽນຄຳຄິດຄຳເຫັນ ແລະ ກຳນົດທິດທາງຍຸດທະສາດຂອງການຮ່ວມມືໃນພາກພື້ນດ້ານຖະແຫຼງຂ່າວ ແລະ ສື່ມວນຊົນ. ທ່ານ ວັນສີ ກົວມົວ, ກຳມະການສູນກາງພັກ, ຮອງເລຂາຄະນະພັກ, ຮອງຫົວໜ້າຄະນະໂຄສະນາອົບຮົມສູນກາງພັກໄດ້ ເນັ້ນໜັກເຖິງບົດບາດສຳຄັນຂອງອະນຸກຳມະການຖະແຫຼງຂ່າວອາຊຽນ ໃນການປັບປຸງວຽກງານການສື່ສານໃນພາກພື້ນ, ສົ່ງເສີມຄວາມເຂົ້າໃຈເຊິ່ງກັນ ແລະ ກັນ ລະຫວ່າງຊາດອາຊຽນ ແລະ ຊຸກ ຍູ້ເອກະລັກລວມຂອງປະຊາຄົມ ອາຊຽນ. ເປັນຄັ້ງທຳອິດຂອງ ສປປ ລາວ ຫຼັງຈາກທີ່ມີການປັບປຸງໂຄງສ້າງອົງກອນສື່ມວນຊົນຂອງລັດຢ່າງເປັນລະບົບ ໂດຍໄດ້ຍ້າຍສື່ຫຼັກຂອງຊາດ ເຊິ່ງລວມມີ: ສຳນັກຂ່າວສານປະເທດລາວ (KPL), ໂທລະພາບແຫ່ງ ຊາດລາວ (LNTV), ວິທະຍຸແຫ່ງຊາດລາວ (LNR) ສື່ສິ່ງພິມ ຕ່າງໆ ແລະ ສື່ສິ່ງພິມພາສາຕ່າງ ປະເທດມາຢູ່ພາຍໃຕ້ການຄຸ້ມຄອງຂອງຄະນະໂຄສະນາອົບຮົມສູນກາງພັກ. ການປະຕິຮູບອົງກອນຄັ້ງສຳຄັນນີ້, ມີຈຸດປະສົງເພື່ອຍົກລະດັບປະສິດທິພາບການດຳເນີນງານ, ປັບໂຕເຂົ້າສູ່ຍຸກດີຈິຕອນຢ່າງຍືນຍົງ ແລະ ສ້າງສັນເນື້ອຫາທີ່ມີຄຸນນະພາບສູງເພື່ອຮັບໃຊ້ສັງຄົມ ແລະ ປະເທດຊາດໃຫ້ດີຍິ່ງຂຶ້ນ. ນອກຈາກນີ້, ທ່ານຍັງໄດ້ເນັ້ນຢ້ຳເຖິງບົດບາດອັນສຳຄັນ ຂອງອະນຸກຳມະການ ASEAN-COCI ດ້ານຖະແຫຼງຂ່າວ ໃນການເສີມສ້າງຄວາມເຂັ້ມແຂງໃຫ້ແກ່ລະບົບການສື່ສານໃນລະ ດັບພາກພື້ນ, ສົ່ງເສີມຄວາມເຂົ້າ ໃຈອັນດີລະຫວ່າງປະເທດສະ ມາຊິກ ແລະ ຮ່ວມກັນພັດທະນາອັດຕະລັກຂອງປະຊາຄົມອາຊຽນໃຫ້ແໜ້ນແຟ້ນ. ທ່ານນາງ ມາໄລວຽງ ວົງຈັນດີ ຫົວໜ້າອະນຸກຳມະການວຽກງານຖະແຫຼງຂ່າວ ສປປ ລາວ ຮອງອຳນວຍການໃຫຍ່ ໂທ ລະພາບແຫ່ງຊາດລາວ ໄດ້ກ່າວໃນນາມເປັນປະທານກອງປະຊຸມ ໂດຍໄດ້ກ່າວເຖິງທິດທາງ ແລະ ຄວາມຮ່ວມມືດ້ານສື່ມວນຊົນໃນຍຸກໃໝ່ວ່າ: “ໃນຍຸກແຫ່ງການຫັນເປັນດີຈິຕອນຢ່າງໄວວາ, ຄະນະອະນຸກຳມະການດ້ານຖະ ແຫຼ່ງຂ່າວໄດ້ກາຍເປັນເວທີຍຸດທະສາດສຳຄັນ ສຳລັບປະເທດສະມາຊິກອາຊຽນ ໃນການສ້າງຄວາມເຂົ້າໃຈເຊິ່ງກັນ ແລະ ກັນໃຫ້ເລິກເຊິ່ງ, ເສີມສ້າງພະລັງສຽງຂອງພາກພື້ນໃຫ້ເຂັ້ມແຂງ ແລະ ຮ່ວມກັນຮັບມືກັບສິ່ງທ້າທາຍໃໝ່ໆ ໂດຍສະເພາະການແກ້ໄຂບັນຫາຂໍ້ມູນຂ່າວປອມ (Fake News) ແລະ ສື່ສັງເຄາະ (Synthetic Media). ການຫາຂໍ້ມູນແບບສ້າງສັນ ແລະ ຄວາມຮ່ວມມືທີ່ເປັນຮູບປະທຳ, ພວກເຮົາຈະສາມາດຮ່ວມກັນສ້າງປະຊາຄົມອາຊຽນທີ່ມີຂໍ້ມູນຂ່າວສານຄົບຖ້ວນ, ເຊື່ອມໂຍງເຊິ່ງກັນ ແລະ ກັນ ແລະ ພ້ອມຮັບມືກັບທຸກຄວາມປ່ຽນແປງຢ່າງຍືນຍົງ. ການຈັດກອງປະຊຸມຄັ້ງນີ້, ຖືເປັນກົນໄກສຳຄັນໃນການຂັບເຄື່ອນແຜນງານອາຊຽນ ວ່າດ້ວຍຂໍ້ມູນຂ່າວສານ ແລະ ສື່ມວນຊົນ ປີ 2026-2035 (ASEAN Work Plan for Information and Media 2026–2035) ໂດຍມຸ່ງເນັ້ນການເຊື່ອມໂຍງລະ ບົບສື່ມວນຊົນໃນພາກພື້ນ, ເພີ່ມພູນທັກສະຄວາມຮູ້ເທົ່າທັນດີຈະຕອນ (Digital Literacy) ແລະ ວາງຮາກຖານດ້ານສື່ອາຊຽນໃຫ້ມີຄວາມຕໍ່ເນື່ອງ ແລະ ມີວິໄສທັດຍາວໄກ. ໃນວາລະການປະຊຸມ, ຄະນະຜູ້ແທນຈະໄດ້ຮ່ວມກັນທົບທວນຄວາມຄືບໜ້າຂອງໂຄງການຕ່າງໆ, ພິຈາລະນາຂໍ້ສະເໜີໂຄງ ການໃໝ່ທີ່ຈະຂໍຮັບການສະໜັບ ສະໜູນຈາກ ກອງທຶນວັດທະນະ ທຳອາຊຽນ (ACF) ສຳລັບປີງົບປະມານ 2027 ລວມເຖິງການຫາລືຄວາມຮ່ວມມືກັບປະ ເທດຄູ່ເຈລະຈາ (ຈີນ, ອິນເດຍ, ຍີ່ປຸ່ນ, ສ ເກົາຫລີ, ຣັດເຊຍ ແລະ ນອກແວ). ນອກຈາກນີ້, ກອງປະຊຸມ ຈະຮ່ວມກັນກຽມຄວາມພ້ອມສຳລັບການ ຈັດສຳມະນາຫຼາຍພາກສ່ວນຂອງອາຊຽນ ວ່າດ້ວຍການແກ້ໄຂບັນຫາຂໍ້ມູນຂ່າວ ປອມ ແລະ ການຄຸ້ມຄອງສື່ ສັງ ຄົມ ໃນວັນທີ 4-5 ພະຈິກ 2026 ທີ່ນະຄອນຫຼວງພະນົມເປັນປະ ເທດກຳປູເຈຍ, ພ້ອມທັງຫາລືການກຽມງານປະຊຸມ SCI ຄັ້ງທີ 28 ເຊິ່ງປະເທດມາເລເຊຍ ຈະເປັນເຈົ້າພາບໃນລຳດັບຕໍ່ໄປ.

news to day and hot news