POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 13 ຕຸລາ 2026

ລູກສອນໄຟ AGM-88 HARM ອາວຸດຄວາມໄວກວ່າສຽງ ສຳລັບທຳລາຍ ລະບົບຣາດາປ້ອງກັນອາກາດ
ເວລາອອກຂ່າວ: 2026-10-01 09:12:46 | ຜູ້ຂຽນ : admin1 | ຈຳນວນຄົນເຂົ້າຊົມ: 182 | ຄວາມນິຍົມ:

ຕາມແວັບໄຊ ການທະຫານ ກ່າວວ່າ ລູກສອນໄຟ AGM-88 HARM (High-speed Anti-Radiation Missile) ແມ່ນລູກສອນໄຟອາກາດ-ສູ່ພື້ນ ທີ່ອອກແບບມາສຳລັບກວດຈັບ, ກຳນົດທີ່ຕັ້ງ ແລະ ໂຈມຕີແຫຼ່ງກຳເນີດຄື້ນຣາດາຂອງລະບົບປ້ອງກັນອາກາດ. ອາວຸດຊະນິດນີ້ມີບົດບາດສຳຄັນໃນພາລະກິດສະກັດກັ້ນ ແລະ ທຳລາຍຂີດຄວາມສາມາດປ້ອງກັນອາກາດຂອງຝ່າຍກົງຂ້າມ ເພື່ອເພີ່ມໂອກາດລອດພົ້ນໃຫ້ແກ່ເຮືອບິນຝ່າຍດຽວກັນ. ຈຸດເດັ່ນຂອງ ລູກສອນໄຟ AGM-88 HARM ຢູ່ທີ່ລະບົບນຳທາງແບບ Passive Radar Homing ເຊິ່ງສາມາດຮັບຮູ້ຄື້ນສັນຍານຣາດາຈາກພາກພື້ນ ແລະ ໃຊ້ສັນຍານດັ່ງກ່າວເປັນພື້ນຖານໃນການຊອກຫາເປົ້າໝາຍ. ຕ່າງຈາກລູກສອນໄຟທີ່ໃຊ້ຣາດາສົ່ງສັນຍານຂອງຕົນເອງ, ລະບົບ Passive Homing ອາໄສ ການຮັບສັນຍານຈາກແຫຼ່ງກຳເນີດພາຍນອກ. ດ້ວຍຄຸນລັກສະນະນີ້, AGM-88 HARM ຈຶ່ງຖືກນຳໃຊ້ເປັນອາວຸດສຳຄັນໃນການປະຕິບັດພາລະກິດຕ້ານລະບົບປ້ອງກັນອາກາດຂອງຝ່າຍກົງຂ້າມ ຫຼື SEAD (Suppression of Enemy Air Defenses). ຄວາມໄວສູງ ແລະ ລະດັບໄລຍະຍິງຕາມຂໍ້ມູນຈາກຮູບພາບ, AGM-88 HARM ມີຄວາມຍາວປະມານ 4,17 ແມັດ, ເສັ້ນຜ່າສູນກາງ 254 ມິນລີແມັດ ແລະ ນ້ຳໜັກປະມານ 360 ກິໂລກຣາມ. ລູກສອນໄຟສາມາດບິນດ້ວຍຄວາມໄວສູງກວ່າຄວາມໄວສຽງ 2 ເທົ່າ ຫຼື Mach 2+ ຄວາມໄວດັ່ງກ່າວຊ່ວຍຫຼຸດເວລາທີ່ເປົ້າໝາຍມີໂອກາດຕອບໂຕ້ ແລະ ເພີ່ມຄວາມທ້າທາຍໃຫ້ແກ່ລະບົບປ້ອງກັນໄພທາງອາກາດ. ສຳລັບໄລຍະການຍິງ, ຢູ່ປະມານ 48-150 ກິໂລແມັດ. ຢ່າງໃດກໍຕາມ, ໄລຍະທາງການຍິງທີ່ແທ້ຈິງຂຶ້ນກັບຮຸ່ນຂອງລູກສອນໄຟ, ຄວາມສູງ ແລະ ຄວາມໄວຂອງເຮືອບິນຂະນະປ່ອຍ, ລວມເຖິງສະພາບການປະຕິບັດງານ. ໂຄງສ້າງຂອງ AGM-88 HARM ປະກອບດ້ວຍສ່ວນຫົວ, ລຳຕົວກາງ ແລະ ສ່ວນທ້າຍທີ່ຕິດຕັ້ງຄີບຄວບຄຸມ ແລະ ລະບົບຂັບເຄື່ອນ. ສ່ວນຫົວບັນຈຸອຸປະກອນຊອກຫາ ແລະ ລະບົບເອເລັກໂຕຣນິກ ສຳລັບກວດຈັບສັນຍານຣາດາ. ສ່ວນຄີບກາງລຳຕົວຊ່ວຍໃນການຮັກສາສະຖຽນລະພາບ ແລະ ຄວບຄຸມທິດທາງຂະນະບິນ. ສ່ວນທ້າຍຂອງລູກສອນໄຟຕິດຕັ້ງເຄື່ອງຈັກຈະຫຼວດເຊື້ອໄຟແຂງ ເຊິ່ງສະໜອງແຮງຂັບເຄື່ອນໃນການບິນ. ລະບົບຂັບເຄື່ອນນີ້ຊ່ວຍໃຫ້ AGM-88 HARM ສາມາດເລັ່ງຄວາມໄວໄດ້ສູງ ແລະ ເຂົ້າຫາເປົ້າໝາຍພາຍໃນເວລາອັນຈຳກັດ. ສ່ວນຫົວລະເບີດມີນ້ຳໜັກປະມານ 66 ກິໂລກຣາມເປັນຫົວລະເບີດແບບແຕກກະ ຈາຍ Fragmentation Warhead ທີ່ອອກແບບມາເພື່ອສ້າງອະນຸພາບແຮງລະເບີດຕໍ່ເປົ້າໝາຍ. ພາລະກິດຕ້ານຣາດາ ແລະ ຄວາມສຳຄັນທາງຍຸດທະສາດໃນສະໜາມຮົບທີ່ມີລະບົບປ້ອງກັນອາກາດຫຼາຍຊັ້ນ, ຣາດາເຮັດໜ້າທີ່ກວດຈັບ ແລະ ຕິດຕາມເປົ້າ ໝາຍທາງອາກາດ. ລູກສອນໄຟ AGM-88 HARM ຈຶ່ງຖືກພັດທະນາໃຫ້ເປັນອາວຸດທີ່ສາມາດໂຈມຕີແຫຼ່ງກຳເນີດສັນຍານຣາດາ ເພື່ອລົບກວນ ຫຼື ຫຼຸດຜ່ອນຄວາມສາມາດການກວດຈັບຂອງລະບົບປ້ອງກັນໄພທາງອາກາດ, ການນຳໃຊ້ AGM-88 HARM ໃນພາລະກິດ SEAD ສະທ້ອນໃຫ້ເຫັນເຖິງບົດບາດຂອງອາວຸດຕ້ານຣາດາໃນສົງຄາມທາງອາກາດ. ເປົ້າໝາຍຫຼັກບໍ່ແມ່ນພຽງແຕ່ການທຳລາຍອຸປະກອນຣາດາໂດຍກົງເທົ່ານັ້ນ, ແຕ່ຍັງລວມເຖິງ ການເຮັດວຽກຂອງເຄືອຂ່າຍປ້ອງກັນອາກາດ ເຊິ່ງອາດສົ່ງຜົນຕໍ່ຄວາມສາມາດໃນການກວດຈັບ, ຕິດຕາມ ແລະ ນຳພາອາວຸດສະກັດກັ້ນ. ເຮືອບິນທີ່ຮອງຮັບການປ່ອຍຕາມຂໍ້ມູນ, AGM-88 HARM ສາມາດນຳໃຊ້ກັບເຮືອບິນສູ້ຮົບ ແລະ ເຮືອບິນທີ່ຮອງຮັບລະບົບອາວຸດທີ່ເໝາະສົມ ເຊັ່ນ F/A-18, F-16, EA-18G ແລະ Tornado. ການບູລະນາການລູກສອນໄຟເຂົ້າກັບເຮືອບິນແຕ່ລະຮຸ່ນຕ້ອງອາໄສຄວາມເໝາະສົມດ້ານລະບົບອາວຸດ, ອຸປະກອນຄວບຄຸມ ແລະ ຊຸດຊອບແວທີ່ຮອງຮັບ. ໂດຍລວມແລ້ວ, AGM-88 HARM ເປັນລູກສອນໄຟຕ້ານການແຜ່ລັງສີຂອງຣາດາທີ່ສຳຄັນຕໍ່ພາລະກິດຄວບຄຸມສະພາບແວດລ້ອມທາງອາກາດ. ຄວາມໄວສູງ, ລະບົບນຳທາງແບບຮັບສັນຍານຣາດາ ແລະ ຫົວລະເບີດແບບແຕກກະຈາຍ ເຮັດໃຫ້ອາວຸດຊະນິດນີ້ມີບົດບາດໃນການລົບກວນ ລະບົບປ້ອງກັນອາກາດ. ທັງນີ້, ປະສິດທິພາບຕົວຈິງຂອງລູກສອນໄຟຂຶ້ນກັບຮຸ່ນ, ລະບົບນຳທາງ, ສະພາບການປ່ອຍ ແລະ ລັກສະນະຂອງເປົ້າໝາຍ.

news to day and hot news