POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 13 ຕຸລາ 2026

ສ້າງຄວາມເຂັ້ມແຂງ ດ້ານວຽກງານກວດກາການຄ້າ ໃຫ້ພະນັກງານຢູ່ແຂວງສະຫວັນນະເຂດ
ເວລາອອກຂ່າວ: 2026-09-30 09:41:38 | ຜູ້ຂຽນ : admin1 | ຈຳນວນຄົນເຂົ້າຊົມ: 195 | ຄວາມນິຍົມ:

ພະແນກອຸດສາຫະກຳ ແລະ ການຄ້າແຂວງສະຫວັນນະເຂດ ຮ່ວມກັບກົມການຄ້າພາຍໃນ, ກະຊວງອຸດສາຫະກຳ ແລະ ການຄ້າຈັດເຝິກອົບຮົມໄລ ຍະສັ້ນ ເພື່ອສ້າງຄວາມເຂັ້ມ ແຂງໃຫ້ພະນັກງານກວດກາການຄ້າແຂວງສະຫວັນນະເຂດ ໃນທ້າຍອາທິດຜ່ານມາ ໂດຍການເປັນປະທານຮ່ວມຂອງ ສະຫາຍ ສີທັດຖະ ພອນສະຫວັນ ວ່າການຫົວໜ້າພະແນກອຸດສາຫະກຳ ແລະ ການຄ້າແຂວງສະຫວັນນະເຂດ, ສະຫາຍ ໄຊທິເດດ ອິນທະສອນ ຮອງຫົວໜ້າກົມການຄ້າພາຍໃນ, ພ້ອມດ້ວຍ ວິ ທະຍາກອນ, ຂະແໜງ, ຫ້ອງການພະແນກອຸດສາຫະກຳ ແລະ ການຄ້າແຂວງສະຫວັນນະເຂດ ແລະ ນັກສຳມະນາກອນ ເຂົ້າຮ່ວມ. ສະຫາຍ ສີທັດຖະ ພອນສະຫວັນ ໄດ້ຍົກໃຫ້ເຫັນ ຄວາມສຳຄັນ ຂອງວຽກງານກວດກາການຄ້າ ເຊິ່ງແມ່ນພາລະ ບົດບາດໜຶ່ງ ທີ່ມີລັກສະນະຍຸດທະ ສາດ ໃນການຄຸ້ມຄອງມະຫາພາກ, ແນ່ໃສ່ຮັບປະກັນໃຫ້ການ ເຄື່ອນໄຫວທຸລະກິດ, ການຊື້-ຂາຍ ແລະ ການບໍລິການພາຍໃນ ປະເທດ, ດຳເນີນໄປຢ່າງຖືກ ຕ້ອງຕາມລະບຽບກົດໝາຍ, ລະ ບຽບການຂົງເຂດການຄ້າ. ພ້ອມດຽວກັນນັ້ນ, ກໍເພື່ອປົກປ້ອງຜົນ ປະໂຫຍດຂອງຜູ້ຊົມໃຊ້, ຜູ້ປະ ກອບການທີ່ດຳເນີນທຸລະກິດຢ່າງຖືກຕ້ອງໂປ່ງໃສ ແລະ ຮັກສາສະ ຖຽນລະພາບ ທາງດ້ານເສດຖະ ກິດ-ສັງຄົມ ໃຫ້ມີຄວາມສະຫງົບ ແລະ ເຕີບໃຫຍ່ຢ່າງຕໍ່ເນື່ອງ. ຕະ ຫຼອດໄລຍະ 2 ວັນ ຜູ້ເຂົ້າຮ່ວມໄດ້ຍົກລະດັບຄວາມຮູ້ຄວາມສາ ມາດທາງດ້ານທິດສະດີ, ນິຕິກຳ, ກົດໝາຍ ແລະ ບົດຮຽນຕົວຈິງ ໂດຍສະເພາະ ພະນັກງານທີ່ເຮັດວຽກກວດກາການຄ້າແຂວງສະຫວັນນະເຂດ ພ້ອມທັງເປັນການສ້າງຄວາມເປັນເອກະພາບ ໃນການຈັດຕັ້ງປະຕິບັດໜ້າ ທີ່ວິຊາສະເພາະ ໃຫ້ມີຄວາມເຂັ້ມ ແຂງ, ເດັດຂາດ, ໂປ່ງໃສ ແລະ ຍຸດຕິທຳ. ພ້ອມນີ້, ຍັງໄດ້ແລກ ປ່ຽນບົດຮຽນ ກ່ຽວກັບວິທີການ ແກ້ໄຂບັນຫາຂໍ້ຂັດແຍ່ງ ແລະ ປະກົດການຫຍໍ້ທໍ້ຕ່າງໆ ໃນທ້ອງ ຕະຫຼາດ ທີ່ນັບມື້ນັບມີຄວາມສະ ຫຼັບຊັບຊ້ອນ. ວຽກງານກວດກາການຄ້າ ໃນລະດັບທ້ອງຖິ່ນ ແມ່ນມີຄວາມສຳຄັນຢ່າງຍິ່ງ ໃນການຕິດຕາມ, ກວດກາ, ຊຸກຍູ້ ແລະ ຄຸ້ມຄອງການເຄື່ອນໄຫວທຸລະກິດ, ຫ້າງຮ້ານ ແລະ ຕະ ຫຼາດ ພາຍໃນແຂວງ ໃຫ້ດຳເນີນ ຖືກຕ້ອງຕາມລະບຽບ ກົດໝາຍ. ການເຝິກອົບຮົມໃນຄັ້ງນີ້, ກໍເພື່ອ ຍົກລະດັບຄວາມຮູ້ດ້ານກົດໝາຍ, ນິຕິກຳ ແລະ ທັກສະການລົງກວດກາຕົວຈິງ ໃຫ້ແກ່ເຈົ້າໜ້າທີ່ການຄ້າ ໃນລະດັບແຂວງ ແລະ ເມືອງ, ນະຄອນ, ແກ້ໄຂບັນຫາຕົວຈິງ ເປັນຕົ້ນການຄຸ້ມຄອງລາ ຄາສິນຄ້າ, ການສະກັດກັ້ນສິນຄ້າຜິດກົດໝາຍ, ສິນຄ້າປອມແປງລອກຮຽນແບບ ແລະ ສິນຄ້າໝົດອາຍຸ ທີ່ກະທົບຕໍ່ຜູ້ຊົມໃຊ້ພາຍໃນແຂວງ, ເມືອງ, ນະຄອນ. ສ້າງຄວາມເປັນເອກະພາບ ແລະ ຮັດ ແໜ້ນການປະສານງານກັບພາກ ສ່ວນກ່ຽວຂ້ອງອ້ອມຂ້າງແຂວງ, ເມືອງ, ນະຄອນ ໃຫ້ມີຄວາມວ່ອງ ໄວ ແລະ ມີປະສິດທິພາບສູງ ຂຶ້ນ. ໂອກາດນີ້, ສະຫາຍ ໄຊທິເດດ ອິນທະສອນ ກ່າວວ່າ: ການເຝິກ ອົບຮົມໃນຄັ້ງນີ້, ຈັດຂຶ້ນ ເພື່ອເຜີຍແຜ່ ແລະ ສ້າງຄວາມເຂົ້າໃຈຢ່າງ ເລິກເຊິ່ງກ່ຽວກັບບັນດາກົດ ໝາຍ, ນິຕິກຳລຸ່ມກົດໝາຍ ແລະ ຂໍ້ກຳນົດໃໝ່ໆ ທີ່ພົວພັນເຖິງການກວດກາການຄ້າ, ແລກປ່ຽນບົດຮຽນ, ປະສົບການຕົວຈິງ ແລະ ວິທີການແກ້ໄຂບັນຫາທີ່ເກີດຂຶ້ນຢູ່ໜ້າວຽກລະຫວ່າງເຈົ້າໜ້າທີ່ດ້ວຍກັນ, ຍົກສູງຈັນຍາບັນ, ຄຸນສົມບັດສິນທຳປະຕິວັດ ຂອງເຈົ້າໜ້າທີ່ ເພື່ອປະຕິບັດໜ້າ ທີ່ດ້ວຍຄວາມໂປ່ງໃສ ແລະ ຍຸຕິ ທຳ ພ້ອມທັງຮຽກຮ້ອງໃຫ້ຜູ້ເຂົ້າ ຮ່ວມ ຈົ່ງຍົກສູງຄວາມຮັບຜິດ ຊອບ ໂດຍເອົາໃຈໃສ່ຕິດຕາມ, ຮັບຟັງການບັນຍາຍຈາກວິທະ ຍາກອນ ຢ່າງຕັ້ງໜ້າ, ກ້າຄິດ, ກ້າຖາມ ແລະ ແລກປ່ຽນນຳ ເອົາບັນຫາ, ຂໍ້ຂ້ອງໃຈ ຫຼື ອຸປະສັກທີ່ໄດ້ພົບພໍ້ ໃນການລົງປະຕິບັດງານຕົວຈິງ ຂຶ້ນມາສົນທະນາ ເພື່ອ ຊອກຫາທາງອອກຮ່ວມກັນ, ຫັນ ປ່ຽນຄວາມຮູ້ເປັນການປະຕິບັດ: ພາຍຫຼັງສຳເລັດການເຝິກອົບຮົມ, ໃຫ້ນຳເອົາບົດຮຽນເຫຼົ່ານີ້ ໄປຜັນຂະຫຍາຍ ແລະ ຈັດຕັ້ງປະຕິບັດເຂົ້າໃນວຽກງານຕົວຈິງຢູ່ທ້ອງ ຖິ່ນຂອງຕົນ ໃຫ້ມີປະສິດທິຜົນສູງກວ່າເກົ່າ. ໂດຍ: ແຫຼ່ງຂ່າວຈາກແຂວງສະຫວັນນະເຂດ

news to day and hot news