POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 13 ຕຸລາ 2026

ກອງປະຊຸມຄົບຄະນະ ຂອງກຳມາທິການກົດໝາຍ ແລະ ຍຸຕິທຳ ປະຈຳປີ 2026
ເວລາອອກຂ່າວ: 2026-09-30 09:40:30 | ຜູ້ຂຽນ : admin1 | ຈຳນວນຄົນເຂົ້າຊົມ: 195 | ຄວາມນິຍົມ:

ໃນວັນທີ 24-25 ກັນຍາ ນີ້້, ທີ່ນະຄອນຫຼວງວຽງຈັນ, ໄດ້ມີກອງປະຊຸມຄົບຄະນະປະຈຳປີ 2026 ຂອງກຳມາທິການກົດ ໝາຍ ແລະ ຍຸຕິທຳ (ກໝຍທ), ໂດຍການເປັນປະທານຂອງ ທ່ານ ນາງ ທຸມມາລີ ວົງພະຈັນ ປະທານກຳ ມາທິການກົດໝາຍ ແລະ ຍຸຕິທຳ, ມີ ທ່ານ ກອງແກ້ວ ໄຊສົງຄາມ ຮອງປະທານສະພາແຫ່ງຊາດ, ຜູ້ຊີ້ນຳວຽກງານກຳມາທິການ, ມີບັນດາທ່ານສະ ມາຊິກສະພາແຫ່ງຊາດ (ສສຊ) ສັງກັດ ກໝຍທ ຈາກ 18 ເຂດເລືອກຕັ້ງ, ຮອງປະທານກຳມາທິການ ແລະ ຮອງຫົວໜ້າຫ້ອງ ວ່າການສະພາແຫ່ງຊາດ, ຮອງ ປະທານສານປະຊາຊົນສູງສຸດ, ຮອງຫົວໜ້າອົງການໄອຍະການ ປະຊາຊົນສູງສຸດ, ຮອງລັດຖະ ມົນຕີ, ຮອງຫົວ ໜ້າຫ້ອງວ່າການສຳນັກງານນາຍົກລັດຖະມົນຕີ, ຮອງລັດຖະມົນຕີກະຊວງຍຸຕິທຳ, ຮອງລັດຖະມົນຕີກະຊວງປ້ອງກັນຄວາມສະຫງົບ, ຮອງປະທານອົງການກວດກາແຫ່ງລັດ ແລະ ຜູ້ຕາງໜ້າຈາກກະ ຊວງ, ອົງການອ້ອມຂ້າງສູນກາງ ເຂົ້າຮ່ວມ. ກອງປະຊຸມຄັ້ງນີ້, ເປັນກອງປະຊຸມຄົບຄະນະຄັ້ງທຳອິດຂອງກຳມາທິການກົດໝາຍ ແລະ ຍຸຕິທຳ ເພື່ອຮັບຟັງຮ່າງບົດສະຫຼຸບການເຄື່ອນໄຫວວຽກງານປະຈຳປີ 2026 ແລະ ກຳນົດທິດທາງແຜນການປະຈຳປີ 2027 ຂອງ ກໝຍທ; ບົດລາຍງານຂອງສານປະຊາຊົນສູງສຸດ ແລະ ອົງການໄອຍະການປະຊາຊົນສູງສຸດ ກ່ຽວ ກັບການຈັດຕັ້ງປະຕິບັດມະຕິ ກອງປະຊຸມສະພາແຫ່ງຊາດ ຂອງສານປະຊາຊົນສູງສຸດ ແລະ ມະຕິ ຂອງອົງການໄອຍະການປະຊາຊົນສູງສຸດ; ບົດລາຍງານກ່ຽວກັບວຽກງານສືບສວນ-ສອບສວນຂອງກະຊວງປ້ອງກັນຄວາມສະຫງົບ ໃນການດຳເນີນຄະດີຕາມຂະບວນຍຸຕິທຳ ແລະ ການປະສານສົມທົບກັບພາກສ່ວນທີ່ກ່ຽວຂ້ອງ ໂດຍສະເພາະກັບສະພາແຫ່ງຊາດ ໃນການແກ້ໄຂຄຳຮ້ອງທຸກ; ບົດລາຍງານກ່ຽວກັບການແກ້ໄຂຄຳສະເໜີຂອງລັດຖະບານ ຕາມກົດໝາຍວ່າດ້ວຍການແກ້ໄຂຄຳຮ້ອງທຸກ ສະບັບປີ 2022; ບົດລາຍງານກ່ຽວກັບການປະຕິບັດຄຳຕັດສິນຂອງສານທີ່ໃຊ້ໄດ້ຢ່າງເດັດຂາດ ລະຫວ່າງສະພາແຫ່ງຊາດ ກັບ ກະຊວງຍຸຕິທຳ ໂດຍສະເພາະການຈັດຕັ້ງປະຕິບັດມາດຕາ 327 ຂອງກົດໝາຍວ່າ ດ້ວຍການດຳເນີນຄະດີແພ່ງສະ ບັບປີ 2024; ບົດລາຍງານກ່ຽວກັບການພິຈາລະນາແກ້ໄຂຄຳສະເໜີ, ການປະສານງານກັບສະພາແຫ່ງຊາດ ໃນການພິຈາລະນາແກ້ໄຂຄຳຮ້ອງທຸກ ໂດຍສະເພາະການກວດກາການປະຕິບັດໜ້າທີ່ຂອງຜູ້ພິພາກສາ, ພະນັກງານໄອຍະການ, ພະນັກ ງານປະຕິບັດຄຳຕັດສິນຂອງສານ ແລະ ພະນັກງານ-ລັດຖະກອນ ທີ່ຮັບຜິດຊອບວຽກງານແກ້ໄຂຄຳຮ້ອງທຸກ; ການສະເໜີ ແລະ ທາບທາມຄຳເຫັນໃສ່ເນື້ອໃນຂອງຮ່າງກົດໝາຍຈຳນວນ 08 ສະບັບ ທີ່ຈະນຳເຂົ້າພິຈາລະນາໃນກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ X ເຊິ່ງຕິດພັນກັບ 7 ພາກສ່ວນຄື: ຮ່າງກົດໝາຍວ່າດ້ວຍການຕ້ານ ແລະ ສະກັດກັ້ນອາຊະຍາກຳໄຊເບີ, ຮ່າງກົດໝາຍວ່າດ້ວຍການປົກປ້ອງເງິນຝາກ, ຮ່າງກົດໝາຍວ່າດ້ວຍການຈະລາຈອນທາງບົກ, ຮ່າງກົດໝາຍວ່າດ້ວຍນາຍ ທະຫານກອງທັບປະຊາຊົນລາວ, ຮ່າງກົດໝາຍວ່າດ້ວຍກຳລັງປ້ອງ ກັນຄວາມສະຫງົບປະຊາຊົນລາວ, ຮ່າງກົດໝາຍວ່າດ້ວຍການບິນພົນລະເຮືອນ (ສ້າງໃໝ່) ແລະ ຮ່າງກົດໝາຍວ່າດ້ວຍ ລັດຖະບານ. ຈາກນັ້ນຜູ້ເຂົ້າຮ່ວມກອງປະຊຸມໄດ້ພ້ອມກັນຄົ້ນຄວ້າ, ປະ ກອບຄຳເຫັນຢ່າງມີຈຸດສຸມ ແລະ ເລິກເຊິ່ງ, ຍົກໃຫ້ເຫັນຜົນສຳເລັດໃນ 1 ປີຜ່ານມາ ແລະ ບາງຂໍ້ ຄົງຄ້າງທີ່ຈະຕ້ອງສືບຕໍ່ປັບປຸງໃນ ປີຕໍ່ໄປ ພ້ອມທັງສະເໜີມາດຕະ ການ ແລະ ວິທີການແກ້ໄຂບັນ ດາຈຸດອ່ອນຂໍ້ຄົງຄ້າງຜ່ານມາ ເພື່ອເປັນບ່ອນອີງໃຫ້ກຳມາທິການນຳໄປຄົ້ນຄວ້າ, ປັບປຸງໃຫ້ ມີຄວາມຄົບຖ້ວນ, ຮັດກຸມ, ໜັກແໜ້ນ, ຖືກຕ້ອງກັບສະພາບຄວາມເປັນຈິງ ແນໃສ່ປັບປຸງ, ແກ້ໄຂແບບແຜນ, ວິທີເຮັດວຽກງານຂອງກຳມາທິການ ໃຫ້ນັບມື້ມີການຫັນປ່ຽນດີຂຶ້ນເປັນກ້າວໆ.

news to day and hot news