ວັນສຸກ, ວັນທີ 16 ຕຸລາ 2026
ນ້ອງແພຣວາ ມິສາໂຕະ ພິລາພັນເດດ ນັກກິລາຍິມນາສະຕິກລີລາ
ເວລາອອກຂ່າວ: 2026-09-28 09:53:36 | ຜູ້ຂຽນ : admin1 | ຈຳນວນຄົນເຂົ້າຊົມ: 197 | ຄວາມນິຍົມ: 
ນ້ອງແພຣວາ ມິສາໂຕະ ພິລາພັນເດດ (Praewa Misato Philaphandeth) ເປັນນັກກິລາຍິມນາສຕິກ (Rhythmic Gymnastics) ທີມຊາດລາວອາຍຸ 24 ປີ ຜູ້ສ້າງປະຫວັດສາດໜ້າໃໝ່ໃຫ້ກັບວົງການກິລາລາວໃນລະດັບສາກົນ. ເຊິ່ງນ້ອງເກີດໃນວັນທີ 6 ທັນວາ 2004, ມີເຊື້ອສາຍລາວ, ໄທ ແລະ ຍີ່ປຸ່ນ ໂດຍມີຄອບຄົວສະໜັບສະໜູນທາງດ້ານກິລາ ຢ່າງເຕັມທີ່. ເຊິ່ງຈຸດເລີ່ມຕົ້ນຂອງນ້ອງແພຣວາ ແມ່ນເລີ່ມຕົ້ນຫຼິ້ນກິລາຍິມນາສະຕິກຕັ້ງແຕ່ຕອນອາຍຸໄດ້ 8 ປີ, ໂດຍ
ໄດ້ຮັບການສະໜັບສະໜູນທັງເລື່ອງການຮຽນ ທີ່ຈົບການສຶກສາຈາກໂຮງຮຽນສິງກະໂປສາກົນໃນບາງກອກ-SISB (ປະເທດໄທ) ແລະ ໄດ້ການເຝິກຊ້ອມ
ເອົາໃຈໃສ່ຢ່າງໜັກ ຈົນໄດ້ກ້າວເຂົ້າສູ່ການເປັນນັກກິລາອາຊີບ. ໃນເສັ້ນທາງກ້າວສູ່ວົງການກິລາ ແລະ ຜົນງານປະຫວັດສາດ ຖືເປັນນັກກິລາຍິມນາສະຕິກຄົນທຳອິດຂອງ ສປປ ລາວ ທີ່ໄດ້ສ້າງສະຖິຕິໃໝ່ໃນຫຼາຍເວທີລະດັບໂລກ: ໃນນີ້ກິລາຊີເກມ SEA Games 2021 ຈັດຂື້ນໃນປີ 2022 ທີ່ປະເທດຫວຽດນາມ ເປັນ
ນັກກິລາລາວຄົນທຳອິດທີ່ໄດ້ເຂົ້າຮ່ວມການແຂ່ງຂັນຊີເກມ, ເຊິ່ງຖືເປັນບາດກ້າວທຳອິດໃນເວທີສາກົນຢ່າງເປັນທາງການ, ຕໍ່ມາໄດ້ເຂົ້າຮ່ວມການແຂ່ງຂັນກິລາເອເຊຍເກມ Asian Games 2022 ທີ່ນະຄອນຫາງໂຈວ ຈັດຂຶ້ນໃນປີ 2023 ສາມາດຈົບໃນອັນດັບທີ 20 ຂອງຮອບຊີງຊະນະເລີດປະເພດບຸກຄົນ ແລະ ຍັງໄດ້ເຂົ້າຮ່ວມການແຂ່ງຂັນຊີງແຊັມໂລກ World Rhythmic Gymnastics Championships 2023 ທີ່ປະເທດແອັດສະປາຍ ສາມາດເວົ້າໄດ້ວ່າເປັນການສ້າງປະຫວັດ ສາດ ກິລາຍິມນາສະຕິກລາວຄົນທຳອິດທີ່ໄດ້ລົງແຂ່ງຂັນໃນງານຊີງແຊັມໂລກ.
ນ້ອງແພຣວາ ໄດ້ຮັບສິດທິພິເສດ ໃຫ້ເຂົ້າຮ່ວມການແຂ່ງຂັນ ກິລາໂອລິມປິກ ລະດູຮ້ອນ 2024 ທີ່ນະຄອນຫຼວງປາຣີ ປະເທດຝຣັ່ງ. ຍັງເຮັດໃຫ້ກາຍເປັນ ນັກກິລາຍິມນາສະຕິກລາວຄົນທຳອິດໃນປະຫວັດສາດ ທີ່ໄດ້ເຂົ້າຮ່ວມມະຫາກຳກິລາໂອລິມປິກ. ເຊິ່ງໃນຮອບຄັດເລືອກ ປະເພດບຸກຄົນລວມອຸປະກອນ ໃນວັນທີ 8 ສິງຫາ 2024 ສາມາດເກັບຄະແນນລວມໄດ້ 87.350 ຄະແນນ ຈົບໃນອັນດັບທີ 24 ຂອງໂລກ.
ກ້າວມາໃນວົງການກິລາ ໃນປັດຈຸບັນຫຼັງຈາກສ້າງຜົນງານໃນໂອລິມປິກແລ້ວ, ນ້ອງແພຣວາໄດ້ຍ້າຍໄປສຶກສາຕໍ່ ແລະ ເປັນສ່ວນໜຶ່ງຂອງທີມກິລາຍິມນາສະຕິກ ຢູ່ມະຫາວິທະຍາໄລໂຄກຸຊິການ (Kokushikan University RG College) ທີ່ປະເທດຍີ່ປຸ່ນ ເຊິ່ງເປັນສະຖາບັນທີ່ມີຊື່ສຽງໂດ່ງດັງໃນການປັ້ນນັກກິລາຍິມນາສະຕິກລະດັບໂລກ. ນ້ອງແພຣວາຍັງສືບຕໍ່ເຝິກຊ້ອມພັດທະນາຕົນເອງ ແລະ ລົງແຂ່ງຂັນໃນລາຍການລະດັບສາກົນຕ່າງໆຢ່າງຕໍ່ເນື່ອງເຊັ່ນ: ບັນດາລາຍ
ການ FIG World Cup ແລະ ການແຂ່ງຂັນຊີງແຊັມໂລກໃນປີ ເພື່ອຮັກສາສີມື ແລະ ຍົກລະດັບມາດຕະຖານກິລາຍິມນາສະຕິກຂອງ ສປປ ລາວ ໃຫ້ເປັນທີ່ຮູ້ຈັກໃນເວທີສາກົນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
