POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 12 ຕຸລາ 2026

ກອງພັນໃຫຍ່ 501 ສະຫຼຸບຖອດຖອນບົດຮຽນ ການກໍ່ສ້າງໜ່ວຍພັກປອດໃສເຂັ້ມແຂງ ໜັກແໜ້ນ ປະຈຳປີ 2025
ເວລາອອກຂ່າວ: 2026-09-17 10:15:54 | ຜູ້ຂຽນ : admin1 | ຈຳນວນຄົນເຂົ້າຊົມ: 94 | ຄວາມນິຍົມ:

ວັນທີ 10 ກັນຍາ 2026 ນີ້, ກອງພັນໃຫຍ່ 501 ໄດ້ເປີດກອງປະຊຸມສະຫຼຸບຖອດຖອນບົດຮຽນ ການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2025 ແລະ ວາງທິດທາງແຜນການປະຈຳປີ 2026 ໂດຍການເປັນ ປະທານຂອງສະຫາຍ ພັນເອກ ສົມເພັດ ສີງຫາວົງ ກຳມະການຄະນະພັກກອງພົນ, ຫົວໜ້າການເມືອງ ກອງພັນໃຫຍ່ 501, ມີຄະນະພັກ - ຄະນະບັນຊາ, 5 ພະແນກການ, ຕະຫຼອດຮອດພະນັກງານ, ສະມາຊິກພັກ ທົ່ວກົມກອງທີ່ຂື້ນກັບກອງພັນໃຫຍ່ 501 ເຂົ້າຮ່ວມ. ສະຫາຍ ພັນໂທ ຂຽວສົມພອນ ເຮືອງພະຈັນ ຄະນະປະຈຳພັກ ຫົວ ໜ້າພະແນກການເມືອງ ກອງພັນໃຫຍ່ 501 ໄດ້ຂຶ້ນຜ່ານບົດສະຫຼຸບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2025 ແລະ ຜ່ານທິດທາງ ແຜນການປະຈຳປີ 2026. ໃນໄລຍະ 1 ປີຜ່ານມາ, ໄດ້ປະຕິບັດຕາມທິດຊີ້ນຳຂອງຄະນະພັກກອງພົນ, ໂດຍຖືເອົາການປັບປຸງ ແລະ ກໍ່ສ້າງພັກດ້ານການເມືອງ-ແນວຄິດເປັນກົກ. ຄະນະພັກຮາກຖານໄດ້ເອົາໃຈໃສ່ສຶກສາອົບຮົມບັນດາສະຫາຍສະມາຊິກພັກໃຫ້ຍຶດໝັ້ນລັດທິມາກ-ເລນິນ, ແນວຄິດປະທານ ໄກສອນ ພົມວິຫານ, ກໍຄືແນວທາງປ່ຽນແປງໃໝ່ຮອບດ້ານຢ່າງມີຫຼັກການຂອງພັກ, ໃນຖັນແຖວກອງທັບ, ພະນັກງານ, ສະມາຊິກພັກໃຫ້ມີຄວາມສາມັກຄີ ໃນການກໍ່ ສ້າງພັກ ເຊິ່ງແມ່ນການກໍ່ສ້າງພັກຮາກຖານ ໃຫ້ເຂັ້ມແຂງ, ໜັກແໜ້ນ ເປັນຂະບວນການຟົດຟື້ນກວ້າງຂວາງ ເຊິ່ງໄດ້ຕິດພັນກັບການກໍ່ສ້າງກົມກອງວັດທະ ນະທຳ, ນັກຮົບວັດທະນະທຳ, ພ້ອມກັນນັ້ນກໍ່ນຳພາກົມກອງເຮັດໜ້າທີ່ປ້ອງກັນຊາດ - ປ້ອງກັນຄວາມສະຫງົບ ຢູ່ໃນຂອບເຂດກົມກອງ ຮັບຜິດຊອບ ເພື່ອເຮັດໃຫ້ກົມກອງມີຄວາມສະຫງົບປອດໄພໂດຍບົນພື້ນຖານ.ຈາກນັ້ນຕ່າງໜ້າຈາກແຕ່ລະໜ່ວຍພັກ ໄດ້ຜັດປ່ຽນກັນຂຶ້ນປະກອບຄຳເຫັນໃສ່ຮ່າງບົດສະຫຼຸບ, ໂດຍໄດ້ສະເໜີບັນດາຂໍ້ຄົງຄ້າງ, ບົດຮຽນ ແລະ ມາດຕະການແກ້ໄຂ ເພື່ອໃຫ້ວຽກງານໃນຕໍ່ໜ້າສາມາດຈັດຕັ້ງປະຕິບັດໄດ້ຖືກຕ້ອງ, ສອດຄ່ອງ ແລະ ມີປະສິດທິຜົນຍິ່ງຂຶ້ນຕໍ່ໜ້າທີ່ຄວາມຮັບຜິດຊອນໃນກົມກອງຂອງຕົນ. ສະຫາຍ ພັນໂທ ວັນນົງ ແກ້ວຈັນທາ ຮອງຫົວໜ້າພະແນກການເມືອງ ກອງພັນໃຫຍ່ 501 ໄດ້ຂຶ້ນຜ່ານມະຕິຕົກລົງຂອງຄະນະພັກກະຊວງປ້ອງກັນປະເທດວ່າດ້ວຍການຮັບຮອງໜ່ວຍພັກປອດໃສ ເຂັ້ມແຂງ ໜັກແໜ້ນ ຂອງບັນດາກົມກອງທີ່ຂຶ້ນກັບຄະນະພັກກອງພັນໃຫຍ່ທະຫານຮາບ 501 ປະຈຳປີ 2025. ຄະນະພັກກະຊວງປ້ອງກັນປະເທດ ຕົກລົງ ຮັບຮອງໜ່ວຍພັກປອດໃສ່, ເຂັ້ມແຂງ, ໜັກແໜນ, ບັນດາຫນ່ວຍພັກທີ່ຂື້ນກັບຄະນະພັກກອງພັນໃຫຍ່ 501 ມີຈຳນວນ 22 ໜວ່ຍພັກ ແລະ ຜ່ານມະຕິຕົກລົງວ່າດ້ວຍ ການຮັບຮອງອອກບັດ ສະມາຊິກພັກສົມບູນ ແລະ ຜ່ານເນື້ອໃນແຂ່ງຂັນການນຳພາການກໍ່ສ້າງໜ່ວຍພັກ ປອດໃສ, ເຂັ້ມແຂງ ໜັກແໜ້ນໃນທົ່ວກອງພັນໃຫຍ່ທະຫານຮາບທີ 501. ໂດຍ: ລິດພະສອນ ໄຊຍະຫອມ

news to day and hot news