POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 13 ຕຸລາ 2026

ສະຫະພັນນັກຮົບເກົ່າແຂວງຄຳມ່ວນ ປາຖະກະຖາວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 24 ປີ
ເວລາອອກຂ່າວ: 2026-09-17 09:59:10 | ຜູ້ຂຽນ : admin2 | ຈຳນວນຄົນເຂົ້າຊົມ: 329 | ຄວາມນິຍົມ:

ວັນທີ 15 ກັນຍາ 2026 ນີ້, ສະຫະພັນນັກຮົບເກົ່າແຂວງຄຳມ່ວນ ໄດ້ປາຖະກະຖາ ວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 24 ປີ (9 ກັນຍາ 2002-9 ກັນຍາ 2026) ແລະ ວັນສ້າງຕັ້ງສະຫະພັນນັກຮົບເກົ່າແຂວງຄຳມ່ວນ ຄົບຮອບ 23 ປີ (27 ກຸມພາ 2003-27 ກຸມພາ 2026) ໂດຍການເປັນປະທານ ແລະ ປາຖະກະຖາ ຂອງສະຫາຍ ພົນໂທ ແສງນວນ ໄຊຍະລາດ ປະທານສະຫະພັນນັກຮົບເກົ່າແຫ່ງຊາດລາວ, ມີທ່ານ ສົມໃຈ ພານີຈັນ ຮອງເລຂາຄະນະບໍລິຫານງານພັກແຂວງຄຳມ່ວນ, ປະທານສະຫະພັນນັກຮົບເກົ່າແຂວງ, ມີຜູ້ຕາງໜ້າພະແນກການອ້ອມຂ້າງແຂວງ, ພະນັກງານອາວຸໂສ-ບໍານານ, ແຂກຖືກເຊີນ ແລະ ພະນັກງານ-ນັກຮົບ ເຂົ້າຮ່ວມ. ສະຫາຍ ພົນຈັດຕະວາ ສົມແຄນ ອັບປະສອນ ປະທານສະຫະພັນນັກຮົບເກົ່າແຂວງຄຳມ່ວນ ໄດ້ລາຍງານໂດຍຫຍໍ້ ກ່ຽວກັບການຈັດຕັ້ງປະຕິບັດໜ້າທີ່ວຽກງານຮອບດ້ານ ຂອງສະຫະພັນນັກຮົບເກົ່າແຂວງຄຳມ່ວນ ໃນໄລຍະ 23 ປີຜ່ານມາ ລວມເຖິງການເຕີບໃຫຍ່ຂະຫຍາຍຕົວ ຂອງສະຫະພັນນັກຮົບເກົ່າແຂວງນັບແຕ່ວັນສ້າງຕັ້ງຈົນເຖິງປັດຈຸບັນ. ຈາກນັ້ນ, ສະຫາຍ ພົນໂທ ແສງນວນ ໄຊຍະລາດ ໄດ້ເລົ່າຄືນມູນເຊື້ອ ຂອງສະຫະພັນນັກຮົບເກົ່າແຫ່ງຊາດລາວ ຄົບຮອບ 24 ປີ ເຊິ່ງໄດ້ຍົກໃຫ້ເຫັນມູນເຊື້ອປະຫວັດການເຄື່ອນໄຫວພິລະອາດຫານ ຂອງນັກຮົບປະຕິວັດ ໃນພາລະກິດຕໍ່ສູ້ຕ້ານການຮຸກຮານ ຂອງພວກຈັກກະພັດລ່າເມືອງຂຶ້ນແບບເກົ່າ ແລະ ແບບໃໝ່ ເປັນເວລາຍືດເຍື້ອຍາວນານຫຼາຍກວ່າ 100 ປີ,ຍ້ອນມີການນຳພາ ຂອງພັກປະຊາຊົນປະຕິວັດລາວ ຈຶ່ງເຮັດໃຫ້ການເຄື່ອນໄຫວປະຕິວັດຕໍ່ສູ້ໄດ້ຮັບໄຊຊະນະ ພ້ອມກັນນັ້ນ, ຍັງໄດ້ຍົກໃຫ້ເຫັນຜົນງານການເຄື່ອນໄຫວ, ການເຕີບໃຫຍ່ຂະຫຍາຍຕົວ ແລະ ຄວາມໝາຍ ຄວາມສຳຄັນ ຂອງອົງການຈັດຕັ້ງສະຫະພັນນັກຮົບເກົ່າແຫ່ງຊາດລາວ ກໍຄືການເຕີບໃຫຍ່ຂະຫຍາຍຕົວ ຂອງສະຫະພັນນັກຮົບເກົ່າແຂວງຄຳມ່ວນ ເພື່ອຍົກສູງ ແລະ ເຮັດໃຫ້ພະນັກງານການນຳຂັ້ນແຂວງ, ພະນັກງານ-ສະມາຊິກພັກ ແລະ ສະມາຊິກນັກຮົບເກົ່າທຸກຂັ້ນ ໄດ້ຮັບຮູ້ເຂົ້າໃຈພາລະບົດບາດ ສິດ ແລະ ໜ້າທີ່ ຂອງສະຫະພັນນັກຮົບເກົ່າແຫ່ງຊາດລາວ ກໍຄືສະຫະພັນນັກຮົບເກົ່າແຂວງຄຳມ່ວນ ພ້ອມທັງ, ຮຽກຮ້ອງໃຫ້ພະນັກງານການນຳທຸກຂັ້ນ ເອົາໃຈໃສ່ຄົ້ນຄວ້າເປັນເຈົ້າການໃນການຊີ້ນຳປັບປຸງອົງການຈັດຕັ້ງສະຫະພັນນັກຮົບເກົ່າໃຫ້ໜັກແໜ້ນເຂັ້ມແຂງ ແລະ ເປັນຕົວແທນແຫ່ງສິດຜົນປະໂຫຍດອັນຊອບທຳ ຂອງນັກຮົບເກົ່າ, ເປັນເຈົ້າການປົກປັກຮັກສາ ແລະ ເສີມຂະຫຍາຍທາດແທ້ມູນເຊື້ອປະຕິວັດ, ປະກອບສ່ວນຢ່າງຕັ້ງໜ້າ ເພື່ອເຮັດໃຫ້ຖັນແຖວນັກຮົບເກົ່າ ມີຄວາມສະຫງົບເຂັ້ມແຂງ ແລະ ສຶກສາອົບຮົມ ເຜີຍແຜ່ບົດຮຽນອັນລ້ຳຄ່າໃຫ້ພະນັກງານສະມາຊິກພັກ, ພະນັກຫຼັກແຫຼ່ງໄດ້ຄົ້ນຄວ້າ, ຮຽນຮູ້ ແລະ ເອົາເປັນແບບຢ່າງ ມາໝູນໃຊ້ເຂົ້າໃນການປະຕິບັດໜ້າທີ່ການເມືອງ ໃຫ້ປະສົບຜົນສໍາເລັດ. ໂອກາດນີ້, ສະຫາຍ ພົນໂທ ແສງນວນ ໄຊຍະລາດ ຍັງໄດ້ມອບເງິນຊຸກຍູ້ຊ່ວຍເຫຼືອຄອບຄົວສະມາຊິກສະຫະພັນນັກຮົບເກົ່າ ຜູ້ທີ່ຖືກຜົນກະທົບຈາກໄພພິບັດນ້ຳຖ້ວມຢູ່ແຂວງຄຳມ່ວນ ຈຳນວນ 50.000.000 ກີບ. ຈາກນັ້ນ, ທ່ານ ສົມໃຈ ພານີຈັນ ໄດ້ມອບໃບຍ້ອງຍໍ ຂອງປະທານຄະນະກຳມະການປົກຄອງແຂວງຄຳມ່ວນ ໃຫ້ສະຫະພັນນັກຮົບເກົ່າແຫ່ງຊາດລາວ ທີ່ໄດ້ຊຸກຍູ້ຊ່ວຍເຫຼືອໃນຄັ້ງນີ້ ຢ່າງສົມກຽດ. ຂ່າວໂດຍ : ຈັນທະວີສຸກ ພົງເຂັມທອງ. ພາບໂດຍ : ຄຳພູວາ ຈັນທະປານີ.

news to day and hot news