ວັນອັງຄານ, ວັນທີ 13 ຕຸລາ 2026
ກອງບັນຊາການທະຫານແຂວງຈຳປາສັກ ເຜີຍແຜ່ເຊື່ອມຊຶມ ກົດລະບຽບຂອງກອງທັບປະຊາຊົນລາວ
ເວລາອອກຂ່າວ: 2026-09-16 15:37:15 | ຜູ້ຂຽນ : admin1 | ຈຳນວນຄົນເຂົ້າຊົມ: 143 | ຄວາມນິຍົມ: 
ວັນທີ 8 ສິງຫາ 2026 ນີ້, ກອງບັນຊາການທະຫານແຂວງຈຳປາສັກ ໄດ້ຈັດກອງປະຊຸມ ເຜີຍແຜ່ເຊື່ອມຊຶມກົດລະບຽບຂອງກອງທັບປະຊາຊົນລາວ ໃຫ້ບັນດາພະນັກງານ-ນັກຮົບ ໃນອົງການ 6 ຫ້ອງທີ່ຂຶ້ນກັບ. ໂດຍການເປັນປະທານຂອງ ສະຫາຍ ພັນເອກ ສິດປະເສີດ ນວນມະນີວົງ ຫົວໜ້າການທະຫານກອງບັນຊາການທະຫານແຂວງຈຳປາສັກ, ມີຄະນະພັກ-ຄະນະບັນຊາ ພ້ອມດ້ວຍພະນັກງານ-ນັກຮົບ ໃນອົງການ 6 ຫ້ອງເຂົ້າຮ່ວມ.
ການເຜີຍແຜ່ກົດລະບຽບຂອງກອງທັບປະຊາຊົນລາວໃນຄັ້ງນີ້, ປະກອບມີ XVI ພາກ, 299 ມາດຕາ. ຈຸດປະສົງການເຜີຍແຜ່ກົດລະບຽບ ໃນຄັ້ງນີ້ ກໍເພື່ອແນໃສ່ເຮັດໃຫ້ນາຍ ແລະ ພົນ ທະຫານ ໃນທົ່ວອົງການ 6 ຫ້ອງ ໄດ້ຮັບຮູ້ເຂົ້າໃຈຕໍ່ບັນດາຂໍ້ກຳນົດ, ກົດລະບຽບດັ່ງກ່າວ ເພື່ອພ້ອມກັນຕັ້ງໜ້າປັບປຸງແກ້ໄຂ ແລະ ປະຕິບັດໃຫ້ຖືກຕ້ອງຕາມລະ ບຽບການຂອງກອງທັບປະຊາ ຊົນລາວ ຢ່າງເຂັ້ມງວດ, ໃນການ ຈັດຕັ້ງເຄື່ອນໄຫວປະຕິບັດໜ້າ ທີ່, ປັບປຸງກໍ່ສ້າງກຳລັງຢ່າງເປັນເອກະພາບ ແລະ ກາຍເປັນກຳລັງແຮງສັງລວມໃຫ້ແກ່ກອງທັບ, ເວົ້າລວມ, ເວົ້າສະເພາະ ກໍຄືເປັນກຳລັງທີ່ມີລະບຽບວິໃນເຂັ້ມແຂງ ໃຫ້ກອງບັນຊາການທະຫານແຂວງຈຳປາສັກ ແລະ ສາມາດເຮັດສຳເລັດໜ້າທີ່ ທີ່ໄດ້ຮັບມອບໝາຍ. ທັງເປັນເຂັມຊີ້ທິດໃຫ້ແກ່ການປັບປຸງກໍ່ສ້າງກອງທັບລາວ ໃຫ້ໜັກແໜ້ນ, ເຂັ້ມແຂງ, ເປັນກອງທັບປະຕິວັດ ທີ່ມີແບບແຜນອັນແຫຼມຄົມ ແລະ ທັນສະໄໝ ເດັດດ່ຽວຮັບປະກັນເຮັດໃຫ້ປະ ເທດຊາດ ກໍຄືທ້ອງຖິ່ນຂອບເຂດ ທີ່ກົມກອງຮັບຜິດຊອບ ມີຄວາມສະຫງົບຢ່າງໜັກແໜ້ນ.
ໂດຍ: ດາວົງ ບຸດຕະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
