POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 16 ຕຸລາ 2026

ກອງພັນໃຫຍ່ 11 ເປັນເຈົ້າການປ້ອງກັນເວນຍາມ ກອງປະຊຸມ ທົບທວນສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3
ເວລາອອກຂ່າວ: 2026-09-15 10:41:07 | ຜູ້ຂຽນ : admin2 | ຈຳນວນຄົນເຂົ້າຊົມ: 173 | ຄວາມນິຍົມ:

ເພື່ອຮັບປະກັນໃຫ້ແກ່ກອງປະຊຸມ ທົບທວນສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 ທີ່ຂຶ້ນຢ່າງເປັນທາງການໃນລະຫວ່າງ ວັນທີ 13-18 ກັນຍາ 2026 ນີ້, ໃຫ້ມີຜົນສຳເລັດຢ່າງຈົບງາມ ແລະ ມີຄວາມສະຫງົບປອດໄພນັ້ນ, ກອງພັນໃຫຍ່ 11 ໄດ້ເອົາໃຈໃສ່ຢ່າງຕັ້ງໜ້າເຂົ້າໃນວຽກງານປ້ອງກັນເວນຍາມ ໂດຍໄດ້ຈັດຕັ້ງກຳລັງເຄື່ອນໄຫວສາລະເວໃນຂອບເຂດຮັບຜິດຊອບຕະຫຼອດ 24 ຊົ່ວໂມງ ເພື່ອຮັບປະກັນໃຫ້ກອງປະຊຸມໃນຄັ້ງນີ້ ມີຄວາມສະຫງົບປອດໄພ. ສະຫາຍ ພັນໂທ ໂພທະເລ ທຳມະວົງສາ ຮອງຫົວໜ້າພະແນກເສນາທິການ ກອງພັນໃຫຍ່ 11, ຫົວໜ້າຄະນະຮັບຜິດຊອບພາກສະໝາມ ໄດ້ໃຫ້ຮູ້ວ່າ: ນັບແຕ່ໄດ້ຮັບຄຳສັ່ງຈາກກົມສູ້ຮົບ ກໍຄືກົມໃຫຍ່ເສນາທິການກອງທັບ ໃນການເພີ່ມທະວີວຽກງານປ້ອງກັນ ເຮັດໃຫ້ສະພາບມີຄວາມສະຫງົບປອດໄພ ໃນໂອກາດດໍາເນີນກອງປະຊຸມ ທົບທວນສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 ທີ່ ສປປ ລາວ ເປັນເຈົ້າພາບ, ຄະນະພັກ-ຄະນະບັນຊາ ກອງພັນໃຫຍ່ 11 ໄດ້ຖືເອົາເນື້ອໃນດັ່ງກ່າວມາ ສ້າງເປັນແຜນການເຄື່ອນໄຫວວຽກງານແຕ່ລະດ້ານຢ່າງລະອຽດ ພ້ອມທັງ ນຳພາ-ຊີ້ນໍາ ແຕ່ລະພາກສ່ວນ ແລະ ມອບໝາຍໃຫ້ພະນັກງານ-ນັກຮັບ ຈັດຕັ້ງປະຕິບັດຢ່າງເຂັ້ມງວດ ໂດຍມີການແບ່ງໜ້າວຽກ ແລະ ມອບໝາຍໜ້າທີ່ເຄື່ອນໄຫວສາລະເວຕະຫຼອດ 24 ຊົ່ວໂມງ ໃນຂອບເຂດຄວາມຮັບຜິດຊອບ ແລະ ປ້ອງກັນເວນຍາມສະຖານທີ່ສຳຄັນຕ່າງໆ ຕາມແຕ່ລະຈຸດ ໃນນີ້, ກອງພັນໃຫຍ່ 11 ນໍາໃຊ້ກຳລັງທັງໝົດ 160 ສະຫາຍ, ເຮັດໜ້າທີ່ຕົວຈິງ 100 ສະຫາຍ ແລະ 60 ສະຫາຍ ເປັນກອງກຽມ, ແບ່ງອອກເປັນ 8 ຈຸໃຫຍ່, ມີພາຫະນະຮັບປະກັນລົດສູ້ຮົບ 4 ຄັນ ເຊິ່ງເລີ່ມເຂົ້າຍຶດພື້ນທີ່ ນັບແຕ່ວັນທີ 12 ກັນຍາ 2026 ເປັນຕົ້ນມາ. ສະນັ້ນ, ເພື່ອຮັບປະກັນໃຫ້ກອງປະຊຸມໃນຄັ້ງນີ້ ມີຜົນສຳເລັດສູງຮັກສາໄດ້ຄວາມສະຫງົບປອດໄພ ໄດ້ເນັ້ນໜັກໃຫ້ພະນັກງານ-ນັກຮົບ ທີ່ເຮັດໜ້າທີ່ປ້ອງກັນເວນຍາມທຸກສະຫາຍ ຕ້ອງມີສະຕິສູງ, ຍົກສູງຕໍ່ວຽກງານກຽມພ້ອມສູ້ຮົບ ເພື່ອຕໍ່ຕ້ານກັບສະພາບການທີ່ຈະເກີດຂຶ້ນໃຫ້ທັນເວລາ ເປັນຕົ້ນ ຕ້ອງໄດ້ຍົກສູງສະຕິຕໍ່ວຽກງານກຽມພ້ອມສູ້ຮົບຕະຫຼອດເວລາ, ເອົາໃຈໃສ່ການເຄື່ອນໄຫວປ້ອງກັນສາລະເວໃນແຕ່ລະຈຸດຕະຫຼອດ 24 ຊົ່ວໂມງ ນອກນັ້ນ, ຍັງໄດ້ສົມທົບກັບບັນດາກຳລັງ ປກສ ທີ່ເຮັດໜ້າທີ່ປ້ອງກັນກອງປະຊຸມໃນຄັ້ງ, ພ້ອມທັງ ເອົາໃຈໃສ່ປັບປຸງລະບຽບແບບແຜນ ຂອງບັນດາກຳລັງທີ່ໄດ້ເຮັດໜ້າທີ່ປ້ອງກັນ ເພື່ອຮັບປະກັນເຮັດໃຫ້ສະພາບ ມີຄວາມສະຫງົບປອດໄພ 100%. ໂດຍ: ນົກ ບຸນມາເລີດ

news to day and hot news