ວັນສຸກ, ວັນທີ 16 ຕຸລາ 2026
ໂຮງຮຽນ 303 ສ້າງຂະບວນການ ອອກແຮງງານລວມ ແລະ ແຂ່ງຂັນກິລາ
ເວລາອອກຂ່າວ: 2026-09-15 09:19:29 | ຜູ້ຂຽນ : admin1 | ຈຳນວນຄົນເຂົ້າຊົມ: 145 | ຄວາມນິຍົມ: 
ໃນບໍ່ດົນຜ່ານມານີ້, ໂຮງ ຮຽນ 303 ໄດ້ສ້າງຂະບວນການອອກແຮງງານລວມ ແລະ ແຂ່ງຂັນກິລາ ເພື່ອຂໍ່ານັບຮັບຕ້ອນວັນສຳຄັນຕ່າງໆ, ນຳພາໂດຍ ສະຫາຍ ພັນໂທ ສີພາ ສິພາວັນ ຜູ້ຊີ້ນຳອົງການຈັດຕັ້ງມະຫາຊົນໂຮງຮຽນ, ມີ ສະຫາຍ ຮ້ອຍເອກ ແຕງ ແກ້ວບົວທອງ ຫົວໜ້າຂະແໜງຊາວໜຸ່ມ ພ້ອມດ້ວຍສະມາຊິກຊາວໜຸ່ມ-ແມ່ຍິງ ທົ່ວໂຮງຮຽນເຂົ້າຮ່ວມ ຢ່າງເປັນຂະບວນການຟົດຟື້ນ.
ການອອກແຮງງານລວມຄັ້ງນີ້ ໄດ້ຕັດຫຍ້າ, ເກັບເສດຂີ້ເຫຍື້ອ, ປັບຖົມດິນບ່ອນເປັນຂຸມ ຂອບເຂດເຮືອນນອນ, ໜ້າຫ້ອງການ, ເດີ່ນບານເຕະ ແລະ ບໍລິເວນຄ້າຍຄູ ເພື່ອເຮັດໃຫ້ກົມກອງມີຄວາມສະອາດຈົບງາມ ແລະ ມີຄວາມເປັນລະບຽບຮຽບຮ້ອຍ ພ້ອມກັນນີ້, ກໍໄດ້ສ້າງຂະບວນການແຂ່ງຂັນກິລາ ເຕະບານລະຫວ່າງໜ່ວຍຊາວໜຸ່ມ ເພື່ອສ້າງໃຫ້ກົມກອງມີບັນຍາກາດຟົດຟື້ນ ທັງເຮັດໃຫ້ພະນັກງານ-ນັກຮົບ ມີສຸຂະພາບແຂງແຮງ ເພື່ອກຽມພ້ອມເຮັດສຳເລັດໜ້າທີ່ການເມືອງ ຕາມການຈັດຕັ້ງຂັ້ນເທິງມອບໝາຍໃຫ້.
ໂດຍ: ແດງ ນັນທະສອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
