ວັນອັງຄານ, ວັນທີ 13 ຕຸລາ 2026
ຊ້ອມປະສານ ຄັ້ງທີ I ກະກຽມສະເຫຼີມສະຫຼອງວັນສ້າງຕັ້ງເຫຼົ່າຮົບ ລົດຕັງ-ຍານເກາະ ຄົບຮອບ 65 ປີ
ເວລາອອກຂ່າວ: 2026-09-15 09:17:59 | ຜູ້ຂຽນ : admin1 | ຈຳນວນຄົນເຂົ້າຊົມ: 141 | ຄວາມນິຍົມ: 
ວັນທີ 10 ກັນຍາ 2026 ນີ້, ຢູ່ທີ່ ກອງພັນໃຫຍ່ 279 ໄດ້ຈັດພິທີຫັດແອບການເດີນສວນສະ ໜາມຊ້ອມປະສານ ຄັ້ງທີ I ເພື່ອກະກຽມງານສະເຫຼີມສະຫຼອງວັນສ້າງຕັ້ງເຫຼົ່າຮົບລົດຕັງ-ຍານເກາະ ຄົບຮອບ 65 ປີ ( 1 ຕຸລາ
1961-1 ຕຸລາ 2026 ) ໂດຍການເຂົ້າຮ່ວມຂອງ ສະຫາຍ ພັນເອກ ບຸນປອນ ລົມພະຈັນ ຮັກສາການຫົວໜ້າກົມລົດຕັງ-ຍານເກາະ ກົມໃຫຍ່ເສນາທິການກອງ
ທັບ, ມີບັນດາຄະນະພັກ-ຄະນະບັນຊາ ກອງພັນໃຫຍ່ 279, ກອງພັນໃຫຍ່ 661, ກອງພັນໃຫຍ່ 11 ພ້ອມດ້ວຍຄະນະຮັບຜິດຊອບ ແລະ ກ້ອນກຳລັງ ແຕ່ລະພາກ ສ່ວນເຂົ້າຮ່ວມ.
ສຳລັບການຫັດແອບເດີນສວນສະໜາມປະກອບມີທັງໝົດ 9 ກ້ອນກຳລັງ ໃນນັ້ນມີ: ກ້ອນ ທຸງໄຊ, ກ້ອນພະນັກງານ, ກ້ອນກອງພັນ 161, ກ້ອນກອງພັນ 162, ກ້ອນກອງພັນໃຫຍ່ 279, ກ້ອນກອງພັນໃຫຍ່ 11, ກ້ອນກອງພັນ 615, ກ້ອນສະຫະພັນແມ່ຍິງ ແລະ ກ້ອນເຍົາວະຊົນ.
ພາຍຫຼັງສຳເລັດການສະແດງ, ສະຫາຍ ພັນເອກ ບຸນປອນ ລົມພະຈັນ ຍັງສະແດງຄວາມຍ້ອງຍໍຊົມເຊີຍຕໍ່ທຸກພາກສ່ວນທີ່ໄດ້ເອົາໃຈໃສ່ໃນການເຝິກຊ້ອມຫັດແອບໃນຄັ້ງນີ້, ພ້ອມທັງເນັ້ນໜັກໃຫ້ ຄະນະຮັບຜິດຊອບແຕ່ລະພາກສ່ວນ, ບັນດາກ້ອນກຳລັງສືບຕໍ່ເອົາໃຈໃສ່ປັບປຸງບ່ອນທີ່ຍັງບໍ່ສອດຄ່ອງ, ບັນຫາຂໍ້ຄົງຄ້າງຕ່າງໆ ເພື່ອໃຫ້ມີຄວາມເປັນເອກະພາບ ແລະ ສວຍງາມບໍໃຫ້ມີຄວາມຮັບຜິດພາດ ພ້ອມທັງຮັບ ປະກັນໃນການສະແດງຊ້ອມໃຫຍ່ໃນຄັ້ງໜ້າ ໃຫ້ມີຜົນສຳເລັດຕາມຄາດໝາຍ. ຈາກນັ້ນ, ສະຫາຍຍັງໄດ້ນຳເອົາ ວັດຖຸ-ປັດໄຈ ຈຳນວນໜຶ່ງມາມອບໃຫ້ ຄະນະຮັບຜິດ ຊອບແຕ່ລະກ້ອນສວນສະໜາມຕື່ມອີກ.
ໂດຍ: ສາຄອນ ສຸລິເຍດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
