ວັນຈັນ, ວັນທີ 12 ຕຸລາ 2026
ນ້ຳໃຈຈາກຊາວໜຸ່ມ ທະຫານເມືອງວຽງຄຳ ສູ່ບ້ານກິ່ວໄລໃຕ້
ເວລາອອກຂ່າວ: 2026-09-07 09:51:38 | ຜູ້ຂຽນ : admin1 | ຈຳນວນຄົນເຂົ້າຊົມ: 147 | ຄວາມນິຍົມ: 
ຍ້ອນເຫັນໄດ້ຄວາມຈຳເປັນ ແລະ ຄວາມຫຍຸ້ງຍາກຂາດເຂີນ ຂອງປະຊາຊົນບ້ານ ກິ່ວໄລໃຕ້ ເມືອງວຽງຄຳ ແຂວງຫຼວງພະບາງ, ໃນວັນທີ 28 ສິງຫາ 2026 ນີ້, ຊາວໜຸ່ມກອງບັນຊາການທະຫານເມືອງວຽງຄຳ ນຳພາໂດຍ ສະຫາຍ ພັນຕີ ພອນໄຊ ໄຊຄຳເພັງ ເລຂາໜ່ວຍຊາວໜຸ່ມ ກອງບັນຊາການທະຫານເມືອງວຽງຄຳ ພ້ອມດ້ວຍຄະນະ ຈຶ່ງໄດ້ນຳເອົາວັດຖຸປັດໄຈ ເປັນເຄື່ອງອຸປະໂພກ-ບໍລິໂພກ, ເຂົ້າສານ, ອາຫານແຫ້ງ ແລະ ເຄື່ອງນຸ່ງຫົ່ມ ລວມມູນຄ່າທັງໝົດ 2 ລ້ານກວ່າກີບ ໄປມອບໃຫ້ຜູ້ ພິການ ແລະ ຄອບຄົວທຸກຍາກ ຢູ່ບ້ານກິ່ວໄລໃຕ້ ເມືອງວຽງຄຳ, ໂດຍມີສະຫາຍ ພັນຕີ ແສງແກ້ວ ແສນເຮືອງເຫຼັກ ຫົວໜ້າພະແນກການເມືອງ ກອງບັນຊາການທະຫານເມືອງວຽງຄຳ ເຂົ້າຮ່ວມ.
ຕາງໜ້າກ່າວຮັບເຄື່ອງໂດຍ ສະຫາຍ ຄຳໝັ້ນ ເຄນວິໄລ ຮອງນາຍບ້ານ ບ້ານກິ່ວໄລໃຕ້ ພ້ອມທັງ ໄດ້ຕາງໜ້າໃຫ້ປະຊາຊົນ ສະແດງຄວາມຂອບໃຈມາຍັງ
ຊາວໜຸ່ມກອງບັນຊາການທະຫານເມືອງວຽງຄຳ ທີ່ມີຄວາມເປັນຫ່ວງເປັນໃຍ ຕໍ່ຊີວິດການເປັນຢູ່ຂອງປະຊາຊົນ ຈຶ່ງໄດ້ບິແບ່ງນ້ຳໃຈ ມາຊ່ວຍເຫຼືອໃນຄັ້ງນີ້ ເຊິ່ງສະແດງໃຫ້ເຫັນເຖິງມູນເຊື້ອອັນດີງາມ ລະຫວ່າງ ກອງທັບກັບຊາຊົນ ດັ່ງຄຳຂວັນທີ່ວ່າ “ກອງທັບກັບປະຊາຊົນ ຄືປາກັບນ້ຳ” ແລະ ໃຫ້ຄຳໝັ້ນສັນຍາວ່າ ຈະນຳເອົາເຄື່ອງດັ່ງກ່າວ ໄປແຈກຢາຍໃຫ້ປະຊາຊົນ ຢ່າງທົ່ວເຖິງ.
ໂດຍ: ຊາຍພອນ ແກ້ວອຸບົນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
