ວັນພຸດ, ວັນທີ 16 ກັນຍາ 2026
ກອງພົນທີ 3 ໂຄສະນາເຜີຍແຜ່ກົດໝາຍ ແລະ ນິຕິກຳຕ່າງໆ
ເວລາອອກຂ່າວ: 2026-09-03 09:05:35 | ຜູ້ຂຽນ : admin1 | ຈຳນວນຄົນເຂົ້າຊົມ: 136 | ຄວາມນິຍົມ: 
ວັນທີ 26 ສິງຫາ 2026, ກອງພົນທີ 3 ໄດ້ຈັດຕັ້ງໂຄສະ ນາເຜີຍແຜ່ກົດໝາຍ ແລະ ນິຕິກຳຕ່າງໆໃຫ້ພະນັກງານ-ນັກ ຮົບກົມກອງ, ໂດຍການເປັນປະທານຂອງ ສະຫາຍ ພັນໂທ ຈັນສອນ ໄຊຍະຄຳ ຮອງຫົວໜ້າ ຫ້ອງການເມືອງກອງພົນທີ 3, ມີຄະນະພັກ-ຄະນະບັນຊາພະ ແນກການທີ່ກ່ຽວຂ້ອງຕະຫຼອດຮອດພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ວິນາ ອຸ່ນດາວົງ ຫົວໜ້າພະແນກກົດໝາຍ ກອງພົນທີ 3 ໄດ້ເຜີຍແຜ່ກົດໝາຍ ແລະ ນິຕິກຳຕ່າງໆຂອງຂັ້ນເທິງ ກໍຄື ຂອງກອງພົນທີ 3 ວ່າດ້ວຍການຈັດຕັ້ງປະຕິບັດລະບຽບວິໄນຂອງກອງທັບ ສະບັບປັບປຸງ 2024 ມີທັງໝົດ VII ພາກ 73 ມາດຕາ ແລະ ກົດໝາຍ ວ່າດ້ວຍຄອບຄົວ ສະບັບ
ປັບປຸງ ລວມມີທັງໝົດ VIII ພາກ 56 ມາດຕາ ແລະ ກົດໝາຍ ວ່າດ້ວຍກອງທັບປະຊາຊົນລາວ ສະບັບປຸງ ມີທັງໝົດ V ພາກ 50 ມາດຕາ; ທັງນີ້ ກໍເພື່ອເຊື່ອມຊຶມໃຫ້ພະນັກງານ-ນັກຮົບ ໄດ້ຮັບຮູ້ ແລະ ເຂົ້າໃຈທົ່ວເຖິງບັນດາຫຼັກການ, ລະບຽບການ, ມາດຕະການກ່ຽວກັບການຈັດຕັ້ງປະຕິບັດ ເພື່ອຮັບປະກັນການປະຕິດບັດວຽກງານທາງດ້ານກົດໝາຍນາຍທະຫານໃຫ້ມີປະສິດທິພາບ ແລະ ປະສິດທິຜົນ ແນໃສ່ປົກປ້ອງຜົນປະໂຫຍດຂອງກອງທັບ, ສິດ ແລະ ຜົນປະໂຫຍດອັນຊອບທຳຂອງນາຍ ແລະ ພົນທະຫານໃນເວລາປະຕິບັດໜ້າທີ່ປ້ອງກັນຊາດ, ປ້ອງກັນຄວາມສະຫງົບປະກອບສ່ວນເຂົ້າໃນການປົກ ປັກຮັກສາ ແລະ ສ້າງສາປະເທດ ຊາດ.
ໂດຍ: ຄຳຜຸຍ ສີວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
