ວັນພະຫັດ, ວັນທີ 17 ກັນຍາ 2026
ປືນໃຫຍ່ Malva 2S43 ຂອງ ຣັດເຊຍ ໄດ້ຮັບການພັດທະນາເພີ່ມຂຶ້ນຢ່າງຕໍ່ເນື່ອງ
ເວລາອອກຂ່າວ: 2026-09-02 09:42:13 | ຜູ້ຂຽນ : admin3 | ຈຳນວນຄົນເຂົ້າຊົມ: 185 | ຄວາມນິຍົມ: 
ຕາມແຫຼ່ງຂ່າວ ອຸດສາຫະກຳການທະຫານກ່າວວ່າ: ບໍລິສັດໂຣສເຕັກ Rostec ໄດ້ທົດລອງປືນໃຫຍ່ 152 ມມ ມາລວາ Malva SPH ຂອງ ຣັດເຊຍ
ຫຼື 2S43 Malva ໄດ້ສຳເລັດເປັນປືນຄົກຕິດລົດບັນທຸກລຸ້ນໃໝ່ຂອງ ຣັດເຊຍ ເຊິ່ງມັນສາມາດປະຄອງຕົວສູງ ແລະ ຕິດຕັ້ງໃສ່ລົດ ບັດ BAZ 8X8 ລໍ້ ແລະ ໄດ້ຮັບການເປີດເຜີຍຄັ້ງທຳອິດໃນປີ 2019 ໂດຍສຳເລັດສົມບູນໃນປີ 2023. ປືນໃຫຍ່ 2S43 Malva ເປັນທາງເລືອກແທນປືນຄົກຕິດລົດບັນທຸກ 2S35-1 Koalitsiya-sv ksh ມີນ້ຳໜັກທີ່ເບົາກວ່າ ແລະ ໂຄງແບບມີຕີນຢາງເຮັດໃຫ້ສາມາດແລ່ນໄດ້ດີຂຶ້ນກວ່າເກົ່າ. ນອກຈາກນີ້, ລະບົບປືນໃຫຍ່ຍັງປະຢັດຕົ້ນທຶນໃນການບຳລຸງຮັກສາ ແລະ ໃຊ້ງານໄດ້ຫຼາຍກວ່າລະບົບປືນໃຫຍ່ອື່ນໆ ຂອງຣັດເຊຍ. ມີນັກຍິງ 5 ຄົນ, ມີນໍ້າໜັກ 32 ໂຕນ, ຄວາມຍາວ 13 ແມັດ, ລວງກວ້າງ 2,75 ແມັດ, ລວງຄວາມສູງ 3,1 ແມັດ, ຕິດຕັ້ງປືນຄົກ 152 ມມ, ໄລຍະການຍິງໄກສຸງສຸດ 24,5 ກິໂລແມັດ, ຄວາມໄວເວລາຍິງ 7 ລູກຕໍ່ນາທີ,
ລະດັບຄວາມສູງ 30-70 ອົງສາ, ສາມາດບັນຈຸລູກປືນໄດ້ 30 ລູກ, ລົດໃຊ້ຈັກກາຊວນທີ່ມີພະລັງ yamz-8424-10 ດ້ວຍກຳລັງແຮງເຄື່ອງຈັກ 470 ແຮງມ້າ, ສາມາດແລ່ນດ້ວຍຄວາມໄວສູງສຸດ 80 ກິໂລແມັດຕໍ່ຊົ່ວໂມງ ໃນທາງຮາບພຽງ, ລົດສາມາດແລ່ນໄລຍະທາງ 1.000 ກິໂລແມັດຕໍ່ການໃຊ້ນ້ຳມັນພຽງໜຶ່ງຖັງ, ສາມາດຂ້າມຮ່ອງເລິກໄດ້ 2 ແມັດ, ລົງນ້ຳເລິກໄດ້ 1,4 ແມັດ ແລະ ຈະຕິດຕັ້ງປືນກົນຂະໜາດ 7,62 ມມ ແລະ 12,7 ມມ. ຫ້ອງຜູ້ຂັບຫຸ້ມເກາະຢ່າງໜາແໜ້ນເພື່ອປົກປ້ອງຈາກການຍິງດ້ວຍອາວຸດຂະໜາດນ້ອຍ ແລະ ເສດສະເກັດຈາກລູກປືນໃຫຍ່ເພື່ອປ້ອງກັນຜູ້ຂັບ ແລະ ລູກທີມຈາກການໂຈມຕີ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
