POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 17 ກັນຍາ 2026

ເມືອງໄຊ ໄດ້ຮັບຜົນກະທົບຈາກໄພນ້ຳຖ້ວມ
ເວລາອອກຂ່າວ: 2026-09-02 09:29:29 | ຜູ້ຂຽນ : admin3 | ຈຳນວນຄົນເຂົ້າຊົມ: 181 | ຄວາມນິຍົມ:

ໃນວັນທີ 31 ສິງຫາ 2026, ທ່ານ ສົມຄິດ ກັນສະໜິດ ກຳມະການພັກແຂວງ, ເລຂາຄະ ນະບໍລິຫານງານພັກເມືອງໄຊ ໄດ້ລາຍງານຂໍ້ມູນເບື້ອງຕົ້ນໃຫ້ຮູ້ວ່າ: ສະພາບຜົນກະທົບຈາກຝົນຕົກໜັກຕໍ່ເນື່ອງ ແຕ່ຄືນວັນທີ 29-30 ສິງຫາ 2026. ຜ່ານ ການເກັບກຳຂໍ້ມູນຕົວຈິງຂອງ ຄະນະຄວບຄຸມໄພພິບັດຂັ້ນ ເມືອງ, ຄະນະກຳມະການປົກ ຄອງ ຕາແສງ ແລະ ອົງການປົກຄອງບ້ານ ໃນວັນທີ 30 ສິງ ຫາ 2026; ຜົນກະທົບທີ່ເກີດຈາກຝົນຕົກໜັກຕໍ່ເນື່ອງ ແຕ່ກາງ ຄືນວັນທີ 12 ໂມງ ຂອງວັນທີ 29 ຮອດ 14 ໂມງ ຂອງວັນທີ 30 ສິງຫາ 2026 ມີບ້ານທີ່ໄດ້ຮັບຜົນກະທົບທັງໝົດ 47 ບ້ານ ໃນນີ້ຕາແສງ ພູໄຊ ມີ 25 ບ້ານ; ຕາແສງ ກໍນ້ອຍ ມີ 15 ບ້ານ; ຕາແສງນາຮ້ວງ ມີ 7 ບ້ານ. ເຊິ່ງມີຜົນກະທົບ ແລະ ຜົນເສຍຫາຍ ຕໍ່ວຽກກະສິກຳເຊັ່ນ: ເນື້ອທີ່ນາ, ເຂົ້ານາ, ຢາງພາລາ, ສາລີ, ພຶດຜັກເຮືອນຮົມ, ສັດລ້ຽງ, ໜອງປາ; ສິງປຸກສ້າງທີ່ຢູ່ອາໄສ, ພາ ຫະນະ: ມີເຮືອນ, ຖຽງນາ, ລົດໃຫຍ່, ລົດຈັກ, ລົດໄຖ, ເຄື່ອງນຸ່ງຮົ່ມ, ອຸປະກອນໄຟຟ້າ, ເຄື່ອງໃຊ້ໃນເຮືອນ ແລະ ອື່ນໆ; ດ້ານຄົມ ມະນາຄົມມີເສັ້ນທາງ, ຂົວ; ລະ ບົບໄຟຟ້າ, ນ້ຳປະປາ, ໂຮງຮຽນ, ສຸກສາລາ ແລະ ອື່ນໆ; ສຳລັບໂຮງຮຽນທີ່ຖືກນໍ້າຖ້ວມ, ເປ່ເຟ ແລະ ມີອຸປະກອນການຮຽນການສອນເສຍຫາຍ ມີໂຮງຮຽນ ຊົນເຜົ່າ, ໂຮງຮຽນປະຖົມລ້ອງກໍເດື່ອ, ໂຮງຮຽນປະຖົມບ້ານຖິ່ນ, ໂຮງຮຽນປະຖົມຫ້ວຍແພ, ໂຮງຮຽນມັດທະຍົມດອນໄຊ, ໂຮງຮຽນປະຖົມວັງຍານ, ໂຮງ ຮຽນ ປະຖົມວຽງສາ; ມີຂົວ 10 ແຫ່ງ ທີ່ໄດ້ຮັບຜົນກະທົບຂົວຂາດ, ເພ່ເປບໍ່ສາມາດສັນຈອນໄປມາໄດ້. ການແກ້ໄຂຊ່ວຍເຫຼືອສຸກເສີນຕໍ່ປະຊາຊົນທີ່ຖືກຜົນກະທົບທາງແຂວງກໍໄດ້ແຕ່ງຕັ້ງສອງກຳລັງ ປກຊ-ປກສ ລົງຊ່ວຍເຫຼືອຢ່າງທັນການ. ໃນນີ້ໄດ້ລົງຊ່ວຍເຫຼືອບັນເທົາທຸກສຸກເສີນ (ເຄື່ອງນອນ, ອຸປະກອນເຮືອນຄົວ) ແລະ ກວດກາສຸຂະພາບປິ່ນປົວ ສຸກເສີນໃຫ້ຜູ້ໄດ້ຮັບບາດເຈັບ 3 ກໍລະນີ ແລະ ແຕ່ງຕັ້ງຄະນະຮັບ ຜິດຊອບລົງກວດກາຈຸດທີ່ໄດ້ຮັບ ຜົນກະທົບໜັກ. ແຕ່ງຕັ້ງທີມງານ ລົງເກັບກຳຂໍ້ມູນຢູ່ຈຸດທີ່ໄດ້ຮັບຜົນກະທົບໜັກ ແລະ ສືບຕໍ່ຊ່ວຍເຫຼືອແກ້ໄຂ ຕັກດິນເຈື່ອນຖົມເຮືອນ, ຮື້ຖອນມ້ຽນເສດສະຫຼັກຫັກພັງ ມ້ຽນຂີ້ເຫຍື້ອ, ໂຄ່ນໄມ້ ຂີ້ຕົມອອກຈາກຈຸດທີ່ຖືກຜົນກະທົບ. ສ່ວນຜົນລະປູກ ແລະ ອື່ນໆ ກຳ ລັງເກັບກຳຂໍ້ມູນລະອຽດຕື່ມ.

news to day and hot news