POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 17 ກັນຍາ 2026

ຮູ້ແລ້ວສາເຫດທີ່ພາໃຫ້ເກີດນໍ້າພູໄຫຼຊຸແຮງຢູ່ ເນປານ-ຈີນ
ເວລາອອກຂ່າວ: 2026-09-01 09:55:26 | ຜູ້ຂຽນ : admin3 | ຈຳນວນຄົນເຂົ້າຊົມ: 132 | ຄວາມນິຍົມ:

ກອງປະຊຸມຖະແຫຼງຂ່າວທີ່ຈັດຂຶ້ນໂດຍຫ້ອງການຖະແຫຼງຂ່າວອົງການປົກຄອງເຂດປົກຄອງຕົນເອງຊີ່ຈ້າງໃນວັນທີ 30 ສິງຫາ ຜ່ານມາໃຫ້ຮູ້ວ່າ, ໄດ້ຄົ້ນພົບສາເຫດທີ່ເຮັດໃຫ້ເກີດໄພດິນພູເຈື່ອນຢູ່ເຂດຊີ່ຈ້າງແລ້ວ, ທີມງານກູ້ໄພສຸກເສີນຂອງສະຖາບັນວິທະຍາສາດຈີນ ໂດຍຜ່ານການວິເຄາະຂໍ້ມູນຈາກການສຳ ຫຼວດທາງໄກ ແລະ ຂໍ້ມູນທີ່ສົ່ງຄືນຈາກສະຖານທີ່ເກີດເຫດ, ບວກກັບການສຳຫຼວດຢູ່ພາກສະໜາມສາມາດສະຫຼຸບໂດຍສັງລວມວ່າ: ໃນເວລາປະມານ 10 ໂມງ 52 ນາທີຂອງວັນທີ 26 ສິງຫາ 2026, ພູນ້ຳກ້ອນສາຍໜຶ່ງຢູ່ໃນດິນແດນປະເທດເນປານໄດ້ແຕກແຍກອອກໃນລະດັບສູງກວ່າໜ້ານ້ຳທະເລປະມານ 5.200 ແມັດ ແລ້ວຕົກລົງຢ່າງວ່ອງໄວທີ່ລະດັບສູງກວ່າໜ້ານ້ຳທະເລປະມານ 4.000 ແມັດ, ແຮງນໍ້າໄດ້ຊຸທັ່ງເອົາດິນພູຈົນພູເຈື່ອນຂະໜາດໃຫຍ່ ດ້ວຍຄວາມໄວສູງເປັນໄລຍະທາງປະມານ 22 ກິໂລແມັດ ແລ້ວກະທົບ ໃສ່ດ່ານກີຣົງ ຂອງຈີນ ທີ່ຢູ່ລະດັບ ສູງກວ່າໜ້ານ້ຳທະເລ 1.800 ແມັດໂດຍກົງ, ເຮັດໃຫ້ພື້ນທີ່ປະມານ 0,7 ກິໂລຕາແມັດ, ຊຸເອົາ ເຮືອນ 27 ຫຼັງ ລວມເຖິງສິ່ງກໍ່ສ້າງອື່ນໆຖືກທຳລາຍຈົນໝົດ. ພາຍຫຼັງເກີດໄພດິນພູເຈື່ອນຢູ່ປະເທດເນປານ ແລະ ກະທົບເຖິງເຂດຊີ່ຈ້າງຈີນແລ້ວ, ເຂດຊີ່ຈ້າງໄດ້ດຳເນີນກົນໄກຮັບມືກັບໄພພິບັດທຳມະຊາດຂັ້ນ 1 ແລະ ກົນໄກຮັບມືດ້ານການຊ່ວຍເຫຼືອກູ້ໄພຈາກໄພພິບັດທຳມະຊາດຂັ້ນ 1 ແບບສຸກເສີນຢ່າງວ່ອງໄວ ໂດຍໄດ້ແຕ່ງຕັ້ງກອງບັນຊາການຊ່ວຍເຫຼືອກູ້ໄພສຸກເສີນ ແລະ ກອງບັນຊາການຢູ່ແນວໜ້າສະເພາະກິດ. ພ້ອມດຽວກັນນີ້, ກະຊວງການເງິນ ແລະ ກະຊວງຄຸ້ມຄອງເຫດການສຸກເສີນຈີນໄດ້ຈັດສັນທຶນສຸກເສີນ 120 ລ້ານຢວນ, ຂະນະທີ່ຄະນະກຳມະການພັດທະນາ ແລະ ປະຕິຮູບແຫ່ງຊາດຈີນກໍໄດ້ຈັດສັນທຶນ 100 ລ້ານຢວນ ເພື່ອສະໜັບສະໜູນການຊ່ວຍເຫຼືອກູ້ໄພ ແລະ ວຽກງານຟື້ນຟູພາຍຫຼັງໄພພິບັດແບບສຸກເສີນ. ປັດຈຸບັນ, ຈີນໄດ້ລະດົມກຳລັງກູ້ໄພຕ່າງໆລວມທັງໝົດ 2.141 ຄົນຈາກກອງທັບ, ກອງຕຳຫຼວດປະກອບອາວຸດ, ກອງດັບເພີງ ແລະ ກູ້ໄພ, ກອງຕຳ ຫຼວດປ້ອງກັນຄວາມສະຫງົບຕາມເຂດຊາຍແດນ, ກຳລັງປ້ອງກັນຄວາມສະຫງົບ ແລະ ອື່ນໆ, ທັງໄດ້ຈັດສັນລົດກູ້ໄພ 269 ຄັນ ແລະ ອຸປະກອນກູ້ໄພ 3.922 ຊຸດເຂົ້າໃນການກູ້ໄພຢູ່ແນວໜ້າ. ນັບມາຮອດເວລາ 18 ໂມງຂອງວັນທີ 29 ສິງຫາ ຜ່ານມາ, ຈາກໄພພິບັດນ້ຳພູໄຫຼຊຸເອົາຂີ້ຕົມຄັ້ງຮຸນແຮງ ເຮັດໃຫ້ມີຜູ້ເສຍຊີວິດໄປແລ້ວ 600 ກວ່າຄົນ, ສູນຫາຍອີກ 2.000 ກວ່າຄົນ, ໃນນັ້ນ ລວມທັງຊາວຕ່າງປະເທດ ຈາກ 23 ປະເທດ.

news to day and hot news