POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 17 ກັນຍາ 2026

ຂະຫຍາຍຕະຫຼາດການທ່ອງທ່ຽວ 2026 ຂອງ ສປປ ລາວ ສູ່ພາກພື້ນ ເເລະ ສາກົນ
ເວລາອອກຂ່າວ: 2026-08-31 14:34:34 | ຜູ້ຂຽນ : admin3 | ຈຳນວນຄົນເຂົ້າຊົມ: 148 | ຄວາມນິຍົມ:

ວັນທີ 25-29 ສິງຫາ 2026 ນີ້, ທ່ານ ນາງ ມະນີສາຄອນ ທຳມະວົງໄຊ ຫົວໜ້າກົມສົ່ງ ເສີມຕະຫຼາດການທ່ອງທ່ຽວກະ ຊວງວັດທະນະທຳ ແລະ ການ ທ່ອງທ່ຽວ (ວທ) ຮ່ວມກັບພະເເນກ ວທ ນະຄອນຫຼວງວຽງຈັນ ໄດ້ນຳພາພາກທຸລະກິດການ ທ່ອງທ່ຽວຂອງ ສປປ ລາວ ປະ ກອບມີ: ບໍລິສັດ ທ່ອງທ່ຽວ ເວີວາຍ, ບໍລິສັດທ່ອງທ່ຽວລາວບູຣຕິກ, ບໍລິສັດ ທ່ອງທ່ຽວອາເສັບ, ບໍລິສັດ ທ່ອງທ່ຽວບຣາເທີທົວ, ໂຮງແຮມ ຄຣາວພາຊາ ວຽງຈັນ, ໂຮງແຮມ ຮໍລິເດ ອິນ, ບໍລິສັດ ທ່ອງທ່ຽວ ຊານເທີລີ, ບໍລິສັດ ທ່ອງທ່ຽວເອັມພີທົວ ເຂົ້າຮ່ວມງານວາງສະເເດງການທ່ອງທ່ຽວສາກົນ ITE 2026 ຄັ້ງທີ 20 ຈັດໂດຍຄະນະກຳມະການປົກຄອງ ນະຄອນ ໂຮ່ຈີມິງ ຮ່ວມກັບກະຊວງວັດ ທະນະທຳ ແລະ ທ່ອງທ່ຽວ ສສ ຫວຽດນາມ. ການຈັດງານວາງສະເເດງການທ່ອງທ່ຽວສາກົນ ITE ໃນຄັ້ງນີ້, ເປັນການໂຄສະນາ, ສົ່ງເສີມການຕະຫຼາດທ່ອງທ່ຽວ ຢູ່ພາກພື້ນ ແລະ ສາກົນ ເຊິ່ງຈັດ ໃນຮູບແບບຈັບຄູ່ທຸລະກິດການ ທ່ອງທ່ຽວດ້ວຍກັນ (B2B), ນຳສະເໜີຜະລິດຕະພັນການບໍລິການອຸດສາຫະກຳການທ່ອງທ່ຽວ, ການພົບປະລະຫວ່າງຜູ້ຊື້-ຜູ້ຂາຍ ມີຜູ້ເຂົ້າຮ່ວມຈາກຕ່າງປະເທດປະມານ 600 ຄົນ, ມີຜູ້ແທນລະດັບສູງຈາກພາກລັດ 50 ທ່ານ, ຜູ້ຊື້ຈາກຕ່າງປະເທດ 280 ຄົນ, ບັນດາບໍລິສັດທ່ອງທ່ຽວຫຼາຍກວ່າ 500 ພາກສ່ວນ ແລະ ຜູ້ມາທ່ຽວຊົມງານວາງສະແດງການທ່ອງທ່ຽວສາກົນ (ITE) ຫຼາຍກວ່າ 1.000 ຄົນ. ພ້ອມນີ້, ບັນດາຜູ້ປະກອບການ ບໍລິສັດທ່ອງທ່ຽວຂອງລາວໄດ້ຍາດໂອກາດເພື່ອດຳເນີນການພົບປະໄດ້ຫຼາຍກວ່າ 300 ເທື່ອຄົນກັບຄູ່ຮ່ວມທຸລະກິດທ່ອງທ່ຽວ ເພື່ອແລກປ່ຽນຂໍ້ມູນຂ່າວສານການທ່ອງທ່ຽວ ແລະ ການຊື້- ຂາຍລາຍການທ່ອງທ່ຽວຮ່ວມ ກັນຂອງຄູ່ຮ່ວມເຈລະຈາລະ ຫວ່າງຜູ້ເກົ່າ ແລະ ຜູ້ໃໝ່, ເພື່ອຊຸກຍູ້ ແລະ ສົມທົບກັບຜູ້ປະກອບການທຸລະກິດການທ່ອງທ່ຽວລາວ ເຂົ້າຮ່ວມງານວາງສະແດງທ່ອງທ່ຽວສາກົນ ເພື່ອຂະຫຍາຍຕະຫຼາດທ່ອງທ່ຽວໃໝ່; ເພື່ອສົ່ງ ເສີມໂຄສະນາການທ່ອງທ່ຽວລາວ ແລະ ເພີ່ມທະວີການຮ່ວມມືທາງດ້ານການທ່ອງທ່ຽວກັບ ບັນດາປະເທດລຸ່ມແມ່ນໍ້າຂອງ; ເພື່ອໂຄສະນາເຜີຍແຜ່ບັນດາທ່າ ແຮງ ແລະ ສິ່ງດຶງດູດນັກທ່ອງ ທ່ຽວທີ່ໂດດເດັ່ນຂອງ ສປປ ລາວ ກໍຄື ບັນດາແຫຼ່ງທ່ອງ ທ່ຽວທຳມະຊາດ, ປະຫວັດສາດ, ວັດທະນະທຳ ແລະ ການທ່ອງ ທ່ຽວກະສິກຳຢູ່ເວທີສາກົນໃຫ້ກວ້າງຂວາງກວ່າເກົ່າ. ຂ່າວ-ພາບ: ກົມສົ່ງເສີມຕະຫຼາດການທ່ອງທ່ຽວ

news to day and hot news