ວັນອາທິດ, ວັນທີ 09 ສິງຫາ 2026
ປກສ ເມືອງໄຊເສດຖາ ສຸມໃສ່ແກ້ໄຂປະກົດການຫຍໍ້ທໍ້ໃນສັງຄົມ
ເວລາອອກຂ່າວ: 2026-08-03 09:19:57 | ຜູ້ຂຽນ : admin3 | ຈຳນວນຄົນເຂົ້າຊົມ: 226 | ຄວາມນິຍົມ: 
ໃນ 6 ເດືອນຕົ້ນປີ 2026 ເຈົ້າໜ້າທີ່ກອງບັນຊາການປ້ອງກັນຄວາມສະຫງົບ (ປກສ) ເມືອງໄຊເສດຖາ ແຂວງອັດຕະປື ມີຄະດີອາຍາເກີດຂຶ້ນ 16 ເລື່ອງ, ກັກຜູ້ຖືກຫາໄດ້ 19 ຄົນ ຍິງ 1 ຄົນ, ໃນນັ້ນ, ຄະດີລັກຊັບມີ 3 ເລື່ອງ, ຄະດີປຸ້ນຊັບ 2 ເລື່ອງ, ຄະດີທຳມິດສະຈານ 2 ເລື່ອງ, ຄະດີທຳຮ້າຍຮ່າງກາຍ 4 ເລື່ອງ, ຄະດີຊຸກເຊື່ອງ ຊື້-ຂາຍຊັບຜິດກົດໝາຍ 2 ເລື່ອງ, ຄະດີທຳສຳເລົາເດັກ 1 ເລື່ອງ, ຄະດີເຜີຍແຜ່ສິ່ງລາມົກຜ່ານລະບົບຄອມພີວເຕີ 1 ເລື່ອງ, ຄະດີທຳລາຍເອກະສານກາປະທັບ 1 ເລື່ອງ, ໄດ້ສະຫຼຸບສົ່ງໃຫ້ໄອຍະການ 2 ເລື່ອງ, ຊັດມ້ຽນ 11 ເລື່ອງ ສົ່ງໃຫ້ ປກສ ແຂວງດຳເນີນ 1 ເລື່ອງ, ພວມດຳເນີນ 8 ເລື່ອງ, ເກັບກູ້ເຄື່ອງຂອງກາງທີ່ຄົນຮ້າຍລັກໄປສົ່ງຄືນເຈົ້າຂອງມີເງິນ 11.390.000 ກີບ, ຄຳ 2 ບາດ, ລົດຈັກ 1 ຄັນ, ໂທລະສັບ 4 ໜ່ວຍ, ຄວາຍ 1 ໂຕ, ພ້ອມນັ້ນໄດ້ທັບມ້າງເປົ້າໝາຍຄ້າຂາຍຢາເສບຕິດ ໄດ້ 9 ຄັ້ງ, ກັກຜູ້ຖືກຫາ 11 ຄົນ ຍິງ 3 ຄົນ, ຢຶດຂອງກາງຢາບ້າ 1.201 ເມັດ, ໂທລະສັບ 2 ໜ່ວຍ, ເງິນ 2.100.000 ກີບ, ສ່ວນຄະດີ ແມ່ນມອບໃຫ້ ປກສ ແຂວງ ສືບຕໍ່ດຳເນີນຄະດີ.
ທ່ານ ພັນໂທ ລັບແກ້ວ ພົມປິດາ ຫົວໜ້າກອງບັນຊາການປ້ອງກັນຄວາມສະຫງົບ ເມືອງໄຊເສດຖາ ໄດ້ໃຫ້ສຳພາດເມື່ອບໍ່ດົນມານີ້ວ່າ: ຕະຫຼອດໄລຍະຜ່ານມາ, ຄະນະພັກ-ຄະນະບັນຊາ, ນາຍ ແລະ ພົນຕຳຫຼວດ ກອງບັນຊາການ ປກສ ເມືອງໄຊເສດຖາ ໄດ້ເອົາໃຈໃສ່ຕໍ່ວຽກງານປ້ອງກັນຄວາມສະຫງົບ ໂດຍສະເພາະ ການແກ້ໄຂປະກົດການຫຍໍ້ທໍ້ໃນສັງຄົມ ແລະ ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ໂດຍການເພີ່ມທະວີການນຳພາ-ຊີ້ນຳ ກຳລັງໃນການຈັດຕັ້ງປະຕິບັດໜ້າທີ່ວິຊາສະເພາະ, ສຸມໃສ່ສະກັດກັ້ນແກ້ໄຂທັບມ້າງບັນດາປະກົດການຫຍໍ້ທໍ້ຢ່າງຕັ້ງໜ້າ ແລະ ເຂັ້ມງວດ, ສຸມ
ໃສ່ປະຕິບັດ 4 ຄາດໝາຍຂອງກະຊວງ ປກສ ວາງອອກຢ່າງຕໍ່ເນື່ອງ, ເອົາໃຈໃສ່ໂຄສະ ນາເຜີຍແຜ່ລະບຽບ, ກົດໝາຍ ແລະ ຜົນຮ້າຍຂອງຢາເສບຕິບ, ເອົາໃຈໃສ່ກວດກາຄຸ້ມຄອງຄົນຕ່າງປະເທດ ແລະ ພົນລະເມືອງລາວທີ່ມາພັກ
ເຊົາ, ຫັນເອົາກຳລັງກໍ່ສ້າງຮາກຖານ, ປັບປຸງຊຸກຍູ້ ປກສ ກຸ່ມ ແລະ ປກສ ບ້ານໃຫ້ມີຄວາມເຂັ້ມແຂງ. ຮຽກຮ້ອງມາຍັງພະນັກງານ-ລັດຖະກອນ, ນັກທຸລະກິດ, ຊາວຄ້າຂາຍ, ປະຊາຊົນບັນດາເຜົ່າພາຍໃນເມືອງ ຈົ່ງຍົກສູງສະຕິເຄົາລົບລະບຽບກົດໜາຍຢ່າງເຂັ້ມງວດ, ເປັນເຈົ້າການ ປະກອບສ່ວນເຂົ້າໃນວຽກງານ ປກສ, ຍົກສູງສະຕິຕໍ່ກົນອຸບາຍ ເລ່ຫຼ່ຽມການເຄື່ອນໄຫວຂອງກຸ່ມຄົນບໍ່ດີ ເພື່ອຫວັງສ້າງຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍຂອງສັງຄົມ.
ຂ່າວ: ວັດທະນາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
