POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 09 ສິງຫາ 2026

ນາຍົກລັດຖະມົນຕີ ຢ້ຽມຢາມ ແລະ ຊີ້ນຳວຽກງານ ຢູ່ເມືອງມະຫາໄຊ
ເວລາອອກຂ່າວ: 2026-07-21 14:37:08 | ຜູ້ຂຽນ : admin2 | ຈຳນວນຄົນເຂົ້າຊົມ: 360 | ຄວາມນິຍົມ:

ໃນວັນທີ 20 ກໍລະກົດ 2026 ນີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ພ້ອມດ້ວຍ ລັດຖະມົນຕີ-ຮອງລັດຖະມົນຕີ ກະຊວງ-ອົງການທີ່ກ່ຽວຂ້ອງ ໄດ້ເຄື່ອນໄຫວຢ້ຽມຢາມ ແລະ ຊີ້ນໍາວຽກງານ ຢູ່ຕາແສງປ່າໜາມ ເມືອງມະຫາໄຊ ແຂວງຄຳມ່ວນ, ມີເລຂາພັກແຂວງ, ປະທານສະພາປະຊາຊົນແຂວງຄຳມ່ວນ ພ້ອມດ້ວຍຄະນະນຳ ຂອງແຂວງ, ເມືອງມະຫາໄຊ, ຕາແສງປ່າໜາມ, ບ້ານ ແລະ ປະຊາຊົນ ທີ່ກ່ຽວຂ້ອງໃຫ້ການຕ້ອນຮັບ. ເມືອງມະຫາໄຊ ມີເນື້ອທີ່ທັງໝົດ 1.409 ກິໂລຕາແມັດ, ມີ 68 ບ້ານ, 4 ຕາແສງ, ປະຊາຊົນ ກວມ 95% ມີອາຊີບປູກຝັງ-ລ້ຽງສັດເປັນຕົ້ນຕໍ; ໃນໄລຍະ 6 ເດືອນຕົ້ນປີ 2026 ເສດຖະກິດຂະຫຍາຍຕົວສະເລ່ຍ 4%, ລາຍຮັບສະເລ່ຍຕໍ່ຫົວຄົນໄດ້ 50,3 ລ້ານກີບຕໍ່ປີ, ການເກັບລາຍຮັບເຂົ້າງົບປະມານປະຕິບັດໄດ້ 11,8 ຕື້ກວ່າກີບ ເທົ່າກັບ 55% ຂອງແຜນການປີ, ຜົນຜະລິດເຂົ້ານາແຊງໄດ້ 5.342 ໂຕນ, ມີໂຮງສີເຂົ້າຂະໜາດໃຫຍ່ 7 ແຫ່ງ, ຕະຫຼາດຖາວອນ 1 ແຫ່ງ; ການສົ່ງອອກສິນຄ້າ ເປັນຕົ້ນ ຊີມັງ, ມັນຕົ້ນ, ສັດລ້ຽງ ແລະ ອື່ນໆ ບັນລຸ 74,4 ລ້ານກວ່າໂດລາສະຫະລັດ, ມີເສັ້ນທາງຄົມມະນາຄົມ ທີ່ສາມາດທຽວໄດ້ 2 ລະດູ ກວມເອົາ 99%, ລະບົບການສື່ສານກວມເອົາ 95% ຂອງພື້ນທີ່ທົ່ວເມືອງ, ມີບ້ານປ້ອງກັນຊາດເຂັ້ມແຂງ 6 ບ້ານ, ບ້ານປອດຢາເສດຕິດ 12 ບ້ານ, ບ້ານສາທາລະນະສຸກແບບຢ່າງກວມ 100%, ທ້ອນໂຮມອາວຸດລ່າເນື້ອໄດ້ 30 ກວ່າກະບອກ, ທົ່ວເມືອງມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ, ສະເພາະຕາແສງປ່າໜາມ ໄດ້ປະກາດສ້າງຕັ້ງຂຶ້ນ ໃນວັນທີ 24 ເມສາ 2026, ປະກອບມີ 25 ບ້ານ, ຮອດປັດຈຸບັນ ໄດ້ສັບຊ້ອນພະນັກງານປະຈໍາການ ແລະ ໄດ້ຮັບງົບປະມານບໍລິຫານເບື້ອງຕົ້ນແລ້ວ. ທ່ານ ສອນໄຊ ສີພັນດອນ ໄດ້ມີຄຳເຫັນໂອ້ລົມ ແລະ ເນັ້ນໜັກໃຫ້ຄະນະນຳທຸກຂັ້ນ ສຸມໃສ່ວຽກງານຈຳນວນໜຶ່ງ ເປັນຕົ້ນ ເພີ່ມທະວີສຶກສາອົບຮົມການເມືອງ-ນໍາພາແນວຄິດ, ປຸກລະດົມພະນັກງານ ແລະ ປະຊາຊົນ ຕື່ນຕົວປະຕິບັດແນວທາງນະໂຍບາຍຂອງພັກ ແລະ ກົດໝາຍຂອງລັດ ຢ່າງເປັນຂະບວນການທີ່ຕັ້ງໜ້າ; ສືບຕໍ່ປັບປຸງການຈັດຕັ້ງ ພາຍໃນຕາແສງປ່າໜາມ ໃຫ້ມີຄວາມເຂັ້ມແຂງ, ກົມກຽວ-ລ່ອງຊ່ອງ, ສັບຊ້ອນພະນັກງານ ໃຫ້ຖືກກັບຄວາມຮູ້ ຄວາມສາມາດ ເພື່ອຮັບປະກັນການບໍລິການປະຊາຊົນ ມີຄວາມວ່ອງໄວ ແລະ ມີປະສິດທິຜົນສູງ; ສູ້ຊົນ ປະກອບສ່ວນເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ X (2026-2030) ໃຫ້ບັນລຸຕາມຄາດໝາຍທີ່ກຳນົດໄວ້; ເອົາໃຈໃສ່ຜັນຂະຫຍາຍມະຕິ 04/ກມສພ ວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ ໃນໄລຍະໃໝ່ ໃຫ້ກາຍເປັນແຜນການ-ໂຄງການລະອຽດ, ສົ່ງເສີມການຜະລິດເປັນສິນຄ້າ ແລະ ມີຕະຫຼາດຮອງຮັບ; ສືບຕໍ່ຄຸ້ມຄອງ, ຊຸກຍູ້ ແລະ ດຶງດູດການລົງທຶນ ຄວບຄູ່ກັບການອຳນວຍຄວາມສະດວກດ້ານຕ່າງໆ ໃຫ້ຮັບປະກັນຄວາມວ່ອງໄວ, ໂປ່ງໃສ ແລະ ແກ້ໄຂ ຂອດອຸດຕັນ ແລະ ກົດໜ່ວງຖ່ວງດຶງ ໂດຍສະເພາະ ທາງດ້ານເອກະສານ; ເພີ່ມທະວີການແກ້ໄຂບັນຫາຢາເສດຕິດ, ການຄ້າຂາຍເຖື່ອນ, ການລັກຊັບ, ກຸ່ມມິດສາຊີບທາງອອນລາຍ ໂດຍໃຫ້ມີມາດຕະການປ້ອງກັນ ແລະ ໂຄສະນາ ໃຫ້ສັງຄົມມີສະຕິລະວັງຕົວສູງ; ການນຳຂອງເມືອງຕ້ອງເປັນແບບຢ່າງນຳໜ້າ ໃນການຍົກສູງຄວາມຮັບຜິດຊອບຕໍ່ໜ້າທີ່ການເມືອງ, ຄວາມເປັນແບບຢ່າງ ໃນການແກ້ໄຂຂໍ້ບົກພ່ອງ ແລະ ຂໍ້ຫ້າມຕ່າງໆຢ່າງເຂັ້ມງວດ. ໂອກາດນີ້, ນາຍົກລັດຖະມົນຕີ ໄດ້ມອບທຶນຈຳນວນໜຶ່ງ ໃຫ້ແກ່ເມືອງມະຫາໄຊ ເພື່ອນຳໃຊ້ເຂົ້າໃນການພັດທະນາ ແລະ ແກ້ໄຂວຽກງານທີ່ຈຳເປັນ ພ້ອມທັງ, ມອບເຄື່ອງອຸປະໂພກ-ບໍລິໂພກ ເພື່ອນຳໄປຊ່ວຍເຫຼືອ ແລະ ປັບປຸງຊີວິດການເປັນຢູ່ ຂອງປະຊາຊົນ ຕື່ມອີກ. ຂ່າວ ແລະ ພາບ: ກົມປະຊາສຳພັນ ຫສນຍ.

news to day and hot news