ວັນອັງຄານ, ວັນທີ 18 ສິງຫາ 2026
ໝາກຜົນການນຳພາໄລຍະ 6 ເດືອນຕົ້ນປີ 2026 ຂອງທະຫານແຂວງໄຊຍະບູລີ
ເວລາອອກຂ່າວ: 2026-07-21 09:12:33 | ຜູ້ຂຽນ : admin1 | ຈຳນວນຄົນເຂົ້າຊົມ: 151 | ຄວາມນິຍົມ: 
ສະຫາຍ ພັນເອກ ບຸນພົບ ວິໄລສັກ ຫົວໜ້າການເມືອງກອງ ບັນກອງບັນຊາການທະຫານແຂວງໄຊຍະບູລີ ໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2026 ຄະ ນະພັກ-ຄະນະບັນຊາໄດ້ສຸມໃສ່ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ເວົ້າລວມ ເວົ້າສະເພາະແມ່ນວຽກງານເຮັດໃຫ້ສະພາບມີຄວາມສະຫງົບ ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບໃຫ້ໄປຕາມແນວທາງແຜນນະໂຍ ບາຍຂອງພັກ-ລັດ ເປັນເຈົ້າການ ຕ້ານ ແລະ ສະກັດກັ້ນທຸກປະກົດ ການຫຍໍ້ທໍ້ຕ່າງໆ ພາຍໃນກົມກອງ, ປັບປຸງວຽກງານການຈັກຕັ້ງ, ວຽກງານພັກ, ວຽກງານພະນັກງານ,ວຽກງານຍຸດຕິທຳ, ອົງການຈັດຕັ້ງມະຫານຊົນ ແລະ ຫຼາຍໆວຽກງານ ໃຫ້ມີຄວາມໜັກແໜ້ນເຂັ້ມແຂງ ເຮັດໃຫ້ກົມກອງ ມີຄວາມສະຫງົບໂດຍພື້ນຖານ.
ວຽກງານກຽມພ້ອມສູ້ຮົບ ໄດ້ຈັດຕັ້ງກຳລັງກຽມພ້ອມສູ້ຮົບໃນແຕ່ລະວັນຕະຫຼອດ 24 ຊົ່ວໂມງ ມີການສະຫຼຸບສ່ອງແສງລາຍງານໃຫ້ຂັ້ນເທິງເປັນປົກກະຕິ ນອກນີ້ຄະນະພັກ-ຄະນະບັນຊາກອງບັນຊາການທະຫານແຂວງ ຍັງໄດ້ຊີ້ນຳ-ນຳພາ ພະນັກງານ-ນັກຮົບ ບັນດາກົມກອງຕ່າງໆ ແກ້ໄຂຊີວິດການເປັນຢູ່ຕາມຄຳ ຂວັນເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ຕາມເງື່ອນໄຂທ່າແຮງບົ່ມຊ້ອນຂອງກົມກອງ ເຊິ່ງສະແດງອອກໃນ 6 ເດືອນຜ່ານມາ, ຕໍ່ວຽກງານການສ້າງເສດຖະກິດການແກ້ໄຂຊີວິດການເປັນຢູ່ ແມ່ນ ໄດ້ປູກພືດຜັກຕາມລະດູການ ເພື່ອປ້ອນເຂົ້າເຮືອນຄົວລວມ ແລະ ຂາຍອອກສູ່ທ້ອງຕະຫຼາດໄດ້ຈຳນວນໜຶ່ງ ໄດ້ປູກຜັກ 69.757 ກິໂລກຣາມ ເປັນເງິນ 516.916.000 ກີບ, ຂາຍຢາງ ພາລາ 3002 ກິໂລກຣາມເປັນເງິນ 53.146.000 ກີບ, ລ້ຽງງົວ 588 ໂຕ, ລ້ຽງໜູ 152 ໂຕ, ລ້ຽງແບ້ 245 ໂຕ, ສັດປີກ, ລ້ຽງປາ ແລະ ລ້ຽງກົບ ສາມາດສ້າງລາຍຮັບຈາກການຂາຍສັດ ລ້ຽງ, ບໍລິການຂາຍນ້ຳດື່ມ, ຮ້ານຕັດຜົມ ແລະ ຮັບຈາກດອກເບ້ຍປັນ ຜົນເງິນກອງທຶນກອງບັນຊາການທະຫານແຂວງໄດ້ທັງໝົດ 1.596.325.000 ກີບ, ສາມາດກຸ້ມຕົນເອງດ້ານຊີ້ນ-ປາ ໄດ້ 42,85% ແລະ ພຶດຜັກໄດ້ 89%, ນອກນັ້ນຍັງໄດ້ຄຸ້ມຄອງນຳໃຊ້ງົບປະມານເບີກຈ່າຍຖືກຕ້ອງຕາມການສະໜອງຂອງຂັ້ນເທິງ. ຈາກຜົນງານດັ່ງກ່າວກົມກອງ ແລະ ພະນັກງານ-ນັກຮົບ ຍັງໄດ້ຮັບນະໂຍບາຍຈາກພັກ-ລັດ ໃນນັ້ນໄດ້ຮັບອຸດໜູນບຳນານ ແລະ ໄດ້ຮັບຕຳແໜງຂັ້ນນຳພາ-ບັນຊາຢູ່ໃນຂັ້ນພະແນກ, ກອງບັນຊາການທະຫານເມືອງ, ອັນພົ່ນເດັ່ນໄດ້ຮັບການເລື່ອນຊັ້ນວາທີຂຶ້ນຊັ້ນຮ້ອຍຕີ ຈຳນວນ 67 ສະຫາຍ, ເລື່ອນທຽບຊັ້ນຮ້ອຍຕີ 7 ສະຫາຍ, ເລື່ອນທຽບຊັ້ນຮ້ອຍໂທ 29 ສະຫາຍ ຢ່າງໜ້າຊົມເຊີຍ.
ໂດຍ: ນ ບົວລິວັນ ໂສພາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
