ວັນອັງຄານ, ວັນທີ 18 ສິງຫາ 2026
ຫ້ອງການ ແລະ ບໍລິຫານ ກອງພົນທີ 3 ສະຫຼຸບວຽກງານຮອບດ້ານ ປະຈຳ 6 ເດືອນຕົ້ນປີ 2026
ເວລາອອກຂ່າວ: 2026-07-21 09:00:30 | ຜູ້ຂຽນ : admin1 | ຈຳນວນຄົນເຂົ້າຊົມ: 103 | ຄວາມນິຍົມ: 
ວັນທີ 10 ກໍລະກົດ 2026, ຫ້ອງການ-ບໍລິຫານ ກອງພົນທີ 3 ໄດ້ສະຫຼູບຖອດຖອນບົດຮຽນວຽກງານຮອບດ້ານ ປະຈຳ 6 ເດືອນຕົ້ນປີ ແລະ ວາງທິດທາງແຜນການປະຈຳ 6 ເດືອນທ້າຍປີ 2026, ໂດຍການເປັນປະທານຂອງ ສະຫາຍ ພັນໂທ ສົມມິດ ເພັດລາຕີ ຫົວໜ້າຫ້ອງການ ແລະ ບໍລິຫານ ກອງພົນທີ 3, ມີຄະນະພັກ-ຄະນະບັນຊາ ຫ້ອງ, ພະແນກການ ຕະຫຼອດຮອດ ພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ແສງພອນ ໄມສຳພັນ ຫົວໜ້າພະແນກບໍລິຫານ ຫ້ອງການ ແລະ ບໍລິຫານກອງພົນທີ 3 ໄດ້ສະຫຼຸບຕີລາຄາການເຄື່ອນໄຫວ ນຳພາ-ຊີ້ນຳ, ການປະຕິບັດໜ້າທີ່ວຽກງານຕະຫຼອດໄລຍະ 6 ເດືອນຕົ້ນປີຜ່ານມາ; ຄະນະພັກ-ຄະນະບັນຊາ ຫ້ອງການ ແລະ ບໍລິຫານ ກອງພົນທີ 3 ໄດ້ຖືເອົາການສຶກສາອົບການເມືອງ-ນຳພາແນວຄິດເປັນກົກ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ, ເປັນຕົ້ນ ແມ່ນການຈັດຕັ້ງປະຕິບັດໜ້າທີ່ວຽກງານວິຊາສະເພາະ ທັງປັບປຸງກໍ່ສ້າງກົມກອງ ແລະ ປູກຝັງ-ລ້ຽງສັດແກ້ໄຂຊີວິດການເປັນຢູ່. ໃນໄລຍະ 6 ເດືອນຕົ້ນປີ 2026 ມາສາມາດສ້າງລາຍຮັບທັງໝົດ 33.311.500 ກີບ, ປະຕິບັດຂໍ້ກຳນົດວ່າດ້ວຍ 7 ລະບອບ 18 ວຽກຢ່າງເຂັ້ມງວດ ແລະ ເປັນປົກກະຕິ ເປັນຕົ້ນ ແມ່ນລະບົບປະຈຳການ ແລະ ວຽກງານວິຊາສະເພາະ.
ໃນໂອກາດດຽວກັນນີ້, ຍັງໄດ້ຈັດພິທີມອບຫຼຽນໄຊແຮງງານ, ຫຼຽນກາແຮງງານ ໃຫ້ພະນັກງານຜູ້ທີ່ມີຜົນງານດີເດັ່ນໄລຍະ 5 ປີຜ່ານມາ ໃນນີ້, ໄດ້ຮັບຫຼຽນໄຊແຮງງານ ຊັ້ນ l ຈຳນວນ 1 ສະຫາຍ, ຫຼຽນໄຊແຮງງານຊັ້ນ ll ຈຳນວນ 1 ສະຫາຍ, ຫຼຽນໄຊແຮງງານຊັ້ນ III ຈຳນວນ 12 ສະຫາຍ ແລະ ຫຼຽນກາແຮງງານ 8 ສະຫາຍ.
ໂດຍ: ສິນລະກອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
