ວັນອັງຄານ, ວັນທີ 18 ສິງຫາ 2026
ສະຫະພັນແມ່ຍິງ ກອງພັນໃຫຍ່ 279 ສ່ອງແສງວຽກງານປະຈຳເດືອນກໍລະກົດ 2026
ເວລາອອກຂ່າວ: 2026-07-21 08:59:05 | ຜູ້ຂຽນ : admin1 | ຈຳນວນຄົນເຂົ້າຊົມ: 106 | ຄວາມນິຍົມ: 
ວັນທີ 10 ກໍລະກົດ 2026, ຂະແໜງສະຫະພັນແມ່ຍິງ ກອງພັນໃຫຍ່ 279 ໄດ້ຈັດຕັ້ງສ່ອງແສງວຽກງານ ປະຈຳເດືອນກໍລະກົດ 2026 ແລະ ວາງທິດທາງແຜນການໃນຕໍ່ໜ້າ, ໂດຍການເປັນປະທານຂອງ ສະຫາຍ ພັນໂທ ນາງ ສຸກສະຫັວນ ເທບພະພອນ ຫົວໜ້າຂະແໜງສະຫະພັນແມ່ຍິງ ກອງພັນໃຫຍ່ 279.
ຄະນະໜ່ວຍສະຫະພັນແມ່ຍິງແຕ່ລະໜ່ວຍ ໄດ້ຜັດປ່ຽນກັນລາຍງານການເຄື່ອນໄຫວວຽກງານ ໃນໄລຍະ 1 ເດືອນຜ່ານມາ ແລະ ທິດທາງໃນເດືອນຕໍ່ໜ້າ, ໃນການ ນຳພາ-ຊີ້ນຳ ບັນດາວຽກງານທີ່ໄດ້ຈັດຕັ້ງປະຕິບັດຕາມພາລະບົດບາດຂອງຕົນ, ໂດຍຖືສຳຄັນໃນການສຶກສາອົບຮົມການເມືອງ-ນຳພາແນວຄິດໃຫ້ເອື້ອຍນ້ອງສະມາຊິກສະຫະພັນແມ່ຍິງໄດ້ຮັບຮູ້ເຊື່ອມຊຶມ ເພື່ອເຮັດສຳເລັດທຸກວຽກງານຂອງກົມກອງ.
ສະຫາຍ ພັນໂທ ນາງ ສຸກສະຫວັນ ເທບພະພອນ ໄດ້ເນັ້ນໜັກໃຫ້ ຄະນະໜ່ວຍສະຫະພັນແມ່ຍິງແຕ່ລະໜ່ວຍ ເອົາໃສ່ໃຈສຶກສາອົບຮົມການເມືອງ-ນຳພາແນວຄິດ ໃຫ້ເອື້ອຍນ້ອງສະມາຊິກສະຫະພັນແມ່ຍິງພາຍໃນໜ່ວຍຂອງຕົນຢ່າງເປັນປົກກະຕິ, ປະຕິບັດລະບຽບໃນການນຸ່ງຖື ແລະ ຂໍ້ກຳນົດກົດລະບຽບຂອງສະຫະພັນແມ່ຍິງກອງທັບ ກໍຄື ຂອງກົມກອງວາງອອກຢ່າງເຂັ້ມງວດ, ມີແບບແຜນວິທີເຮັດວຽກທີ່ດີ, ຮັກສາຄວາມສາມັກຄີພາຍໃນໃຫ້ໜັກແໜ້ນ, ຍົກສູງສະຕິຕໍ່ການຈັດຕັ້ງ ແລະ ພ້ອມກັນເຮັດສຳເລັດວຽກງານຕາມການຈັດຕັ້ງຂັ້ນເທິງມອບໝາຍໃຫ້
ໂດຍ: ສາຄອນ ສຸລິເຍດ
ພາບ: ນາງ ກິ່ງແກ້ວ ສີສະກຸນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
