POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 21 ກໍລະກົດ 2026

ກຳລັງທີ່ປຶກສາທູດປ້ອງກັນຊາດ ສຳເລັດໜ້າທີ່ຢ່າງດີເລີດ
ເວລາອອກຂ່າວ: 2026-07-09 09:31:22 | ຜູ້ຂຽນ : admin3 | ຈຳນວນຄົນເຂົ້າຊົມ: 209 | ຄວາມນິຍົມ:

ຂ່າວຫວຽດນາມອອນໄລ, ວັນທີ 5 ກໍລະກົດ, ທີ່ກົມໃຫຍ່ II ກະຊວງປ້ອງກັນປະເທດຫວຽດນາມ ໄດ້ດຳເນີນກອງປະຊຸມທີ່ປຶກສາທູດປ້ອງກັນຊາດ ຄັ້ງທີ 21, ໂດຍການເປັນປະທານຂອງທ່ານ ພົນເອກ ຟານວັນຢາງ ກຳມະການກົມການເມືອງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ເຂົ້າຮ່ວມ ແລະ ຊີ້ນຳກອງປະຊຸມ. ກອງປະຊຸມທີ່ປຶກສາທູດປ້ອງກັນຊາດ ຄັ້ງທີ 21 ໄດ້ຈັດຂຶ້ນເພື່ອແນໃສ່ສະຫຼຸບ, ຕີລາຄາໝາກຜົນທີ່ບັນລຸໃນການປະຕິບັດໜ້າທີ່ວຽກງານທີ່ປຶກສາທູດປ້ອງກັນຊາດ ໄລຍະ 2024-2026, ຖອດຖອນບົດຮຽນກ່ຽວກັບວຽກງານນຳພາ-ຊີ້ນຳ, ການສົມທົບກັນ ແລະ ການຈັດຕັ້ງປະຕິບັດບັນດາໜ້າທີ່ໃນວຽກງານທີ່ປຶກສາທູດປ້ອງກັນຊາດ; ເຊື່ອມຊຶມບັນດາແຜນນະໂຍບາຍ, ແນວທາງຂອງພັກກ່ຽວກັບການເຊື່ອມໂຍງສາກົນ ແລະ ການທູດປ້ອງກັນຊາດໃນສະພາບການໃໝ່, ເປັນຕົ້ນແມ່ນ ມະຕິເລກທີ 59 ຂອງກົມການເມືອງ ແລະ ຜັນຂະຫຍາຍແນວທາງການພົວພັນຕ່າງປະເທດ ຕາມມະຕິກອງປະຊຸມໃຫຍ່ ຄັ້ງທີ XIV ຂອງພັກ, ມະຕິກອງປະຊຸມໃຫຍ່ ຄັ້ງທີ XII ຂອງອົງຄະນະພັກກອງທັບ. ກ່າວຄຳປາໄສທີ່ກອງປະຊຸມ, ທ່ານ ພົນເອກ ຟານວັນຢາງ ໄດ້ຮັບຮູ້, ຕີລາຄາສູງວຽກງານນຳ ພາ, ການຊີ້ນຳຂອງຄະນະປະຈຳຄະນະພັກ ກົມໃຫຍ່ II ກ່ຽວກັບວຽກງານທີ່ປຶກສາທູດປ້ອງກັນຊາດ, ພ້ອມທັງ ຍ້ອງຍໍຊົມເຊີຍບັນດາໝາກຜົນ, ຜົນງານທີ່ກອງກຳລັງທີ່ປຶກສາທູດປ້ອງກັນຊາດບັນລຸໃນໄລຍະຜ່ານມາ. ກຳລັງທີ່ປຶກສາທູດປ້ອງກັນຊາດໄດ້ເຊື່ອມຊຶມ, ປະຕິບັດບັນດາຄຳສັ່ງ, ມະຕິຂອງພັກຢ່າງເຂັ້ມງວດ, ສ້າງເຈດຈຳນົງຕັດສິນໃຈສູງ, ເປັນເຈົ້າການຜ່ານຜ່າຄວາມຫຍຸ້ງຍາກ, ປະຕິບັດໜ້າທີ່ເປັນຢ່າງດີ ແລະ ດີເລີດ. ຜ່ານນັ້ນປະກອບສ່ວນເຂົ້າໃນການເປີດກວ້າງການພົວພັນຕ່າງປະເທດ ແລະ ຊຸກຍູ້ການຮ່ວມມືດ້ານປ້ອງກັນຊາດສອງຝ່າຍ, ຫຼາຍຝ່າຍ ລະຫວ່າງ ຫວຽດນາມ ແລະ ບັນດາຄູ່ຮ່ວມມືນັບມື້ນັບເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ.. ທີ່ກອງປະຊຸມ, ທ່ານ ພົນເອກ ຟານວັນຢາງ ຍັງໄດ້ມອບລາງວັນໃຫ້ແກ່ກົມກອງລວມໝູ່, ບຸກຄົນທີ່ມີຜົນງານດີເດັ່ນໃນການປະຕິບັດໜ້າທີ່ຕື່ມອີກ.

news to day and hot news