POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 13 ກໍລະກົດ 2026

ກອງບັນຊາການທະຫານແຂວງຜົ້ງສາລີ ເຜີຍແຜ່ເຊື່ອມຊຶມ ກົດລະບຽບພັກປະຊາຊົນປະຕິວັດລາວ ສະໄໝທີ XII ແລະ ກົດລະບຽບຂອງກອງທັບປະຊາຊົນລາວ
ເວລາອອກຂ່າວ: 2026-07-08 15:34:32 | ຜູ້ຂຽນ : admin2 | ຈຳນວນຄົນເຂົ້າຊົມ: 666 | ຄວາມນິຍົມ:

ໃນວັນທີ 7 ກໍລະກົດ 2026 ນີ້, ກອງບັນຊາການທະຫານແຂວງຜົ້ງສາລີ ໄດ້ຈັດກອງປະຊຸມ ເຜີຍແຜ່ເຊື່ອມຊຶມ ກົດລະບຽບພັກປະຊາຊົນປະຕິວັດລາວ ແລະ ກົດລະບຽບຂອງກອງທັບປະຊາຊົນລາວ, ໂດຍການເປັນປະທານ ແລະ ເຜີຍແຜ່ຂອງ ສະຫາຍ ພົນຈັດຕະວາ ຊຽງເພັງ ບົວລະວົງ ຫົວໜ້າການເມືອງກອງບັນຊາການທະຫານແຂວງຜົ້ງສາລີ, ມີຄະນະພັກ-ຄະນະບັນຊາ ກອງບັນຊາການທະຫານແຂວງ, ເລຂາຄະນະພັກຮາກຖານ, ຄະນະໜ່ວຍພັກ, ສະມາຊິກພັກສົມບູນ, ສໍາຮອງ, ນາຍ ແລະ ພົນທະຫານອົງການ 5 ຫ້ອງເຂົ້າຮ່ວມ. ໃນພິທີ ສະຫາຍ ພົນຈັດຕະວາ ຊຽງເພັງ ບົວລະວົງ ໄດ້ຜ່ານມະຕິຕົກລົງຂອງຄະນະບໍລິຫານງານສູນກາງພັກ ວ່າດ້ວຍການປະກາດໃຊ້ກົດລະບຽບພັກປະຊາຊົນປະຕິວັດລາວ ສະໄໝທີ XII, ໂດຍອີງໃສ່ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ທີ່ຖືກຮັບຮອງເອົາໃນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ, ເຊິ່ງກົດລະບຽບດັ່ງກ່າວປະກອບມີ XV ໝວດ 64 ມາດຕາ, ທີ່ໄດ້ກໍານົດເນື້ອໃນພື້ນຖານກ່ຽວກັບພັກປະຊາຊົນປະຕິວັດລາວ ແມ່ນກອງນໍາໜ້າທີ່ມີການຈັດຕັ້ງ, ແມ່ນອົງການຈັດຕັ້ງການເມືອງສູງສຸດຂອງຊົນຊັ້ນກໍາມະກອນ ແລະ ຂອງລະບອບປະຊາທິປະໄຕປະຊາຊົນລາວ, ເປັນຕົວແທນທີ່ຈົງຮັກພັກດີຢ່າງສະເໝີຕົ້ນສະເໜີປາຍຕໍ່ສິດ ແລະ ຜົນປະໂຫຍດ ຂອງຊົນຊັ້ນກໍາມະກອນຊາວຜູ້ອອກແຮງງານລາວບັນດາເຜົ່າ ແລະ ຂອງຊາດລາວທັງໝົດ, ພັກປະຊາຊົນປະຕິວັດລາວກໍ່ສ້າງ ແລະ ປັບປຸງຕົນເອງ ຕາມ 5 ຫຼັກການ 3 ທິດນໍາ, ນໍາພາທົ່ວປວງຊົນລາວທັງຊາດ, ປະຕິບັດໜ້າທີ່ປົກປັກຮັກສາປະເທດຊາດ ແລະ ໝາກຜົນຂອງການປະຕິວັດໄວ້ໃຫ້ໝັ້ນຄົງ, ສ້າງການຫັນປ່ຽນໃໝ່ທີ່ແຂງແຮງ, ເລິກເຊິ່ງ ແລະ ຮອບດ້ານ ໃຫ້ແກ່ການບູລະນະລະບອບປະຊາທິປະໄຕປະຊາຊົນກ້າວຂຶ້ນສູ່ສັງຄົມນິຍົມ ຢ່າງໜັກແໜ້ນ, ເຮັດໃຫ້ປະຊາຊົນຮັ່ງມີຜາສຸກ, ປະເທດຊາດມັງຄັ່ງເຂັ້ນແຂງ, ສັງຄົມມີຄວາມສາມັກຄີເປັນປຶກແຜ່ນ, ປະຊາທິປະໄຕ, ຍຸຕິທໍາ ແລະ ສີວິໄລ. ພ້ອມນີ້ ກໍໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການນໍາໃຊ້ເອກະສານກົດລະບຽບຂອງກອງທັບປະຊາຊົນລາວ, ກອງທັບປະຊາຊົນລາວ ແມ່ນກໍາລັງປະກອບອາວຸດປະຕິວັດຂອງປະຊາຊົນລາວບັນດາເຜົ່າ. ໂດຍແມ່ນພັກປະຊາຊົນລາວ ເປັນຜູ້ຈັດຕັັ້ງນໍາພາ, ສຶກສາອົບຮົມ ແລະ ເຝິກຝົນຫຼໍ່ຫຼອມພາຍໃຕ້ການນໍາພາເດັດຂາດໂດຍກົງຮອບດ້ານຂອງພັກປະຊາຊົນ ປະຕິວັດລາວ ແລະ ໄດ້ຮັບການອຸ້ມຊູ, ລ້ຽງດູເບິ່ງແຍງຂອງປະຊາຊົນບັນດາເຜົ່າ; ສືບທອດມູນເຊື້ອຕໍ່ສູ້ບໍ່ຍອມຈໍານົນຂອງຊາດ, ແມ່ນພາຫະນະອັນແຫຼມຄົມຂອງພັກ, ຂອງຊົນຊັັ້ນກໍາມະກອນລາວໃນການຕໍ່ສູ້ປະຕິວັດ; ໂອກາດນີ້ ສະຫາຍ ຍັງໄດ້ຮຽກຮ້ອງໃຫ້ຄະນະພັກ-ຄະນະບັນຊາ, ພະນັກງານຫຼັກແຫຼ່ງ, ສະມາຊິກພັກ, ພະນັກງານ-ນັກຮົບ ເອົາໃຈໃສ່ຄົ້ນຄວ້າເຊື່ອມຊຶມ, ກໍາແໜ້ນບັນດາກົດລະບຽບຂອງພັກປະຊາຊົນປະຕິວັດລາວ ແລະ ຂອງກອງທັບ ໃຫ້ເລິກເຊິ່ງ, ຍົກສູງສະຕິໃນການປະຕິບັດລະບຽບວິໄນ, ເປັນແບບຢ່າງໃນການຈັດຕັັ້ງປະຕິບັດກົດໝາຍຂອງລັດ ແລະ ກໍານົດກົດລະບຽບຂອງກອງທັບ, ພ້ອມກັນຈັດຕັ້ງປະຕິບັດໃຫ້ຖືກຕ້ອງ ແລະ ເຂັ້ມງວດ. ໂດຍ: ທອງສຸກ ຈັນຖະໝອມ

news to day and hot news