ວັນພຸດ, ວັນທີ 15 ກໍລະກົດ 2026
ກອງພົນທີ 2 ປິດການກໍ່ສ້າງນາຍສິບ ຊຸດທີ VIII
ເວລາອອກຂ່າວ: 2026-06-16 08:34:46 | ຜູ້ຂຽນ : admin1 | ຈຳນວນຄົນເຂົ້າຊົມ: 130 | ຄວາມນິຍົມ: 
ວັນທີ 11 ມິຖຸນາ 2026 ນີ້, ກອງພົນທີ 2 ໄດ້ຈັດຕັ້ງປິດການກໍ່ສ້າງນາຍສິບ ຊຸດທີ VIII ປະຈຳສົກຮຽນ 2025-2026. ໂດຍການເປັນປະທານຂອງ ສະຫາຍ ພັນເອກ ສອນເພັດ ຈັນສົມ ຫົວໜ້າການທະຫານ ກອງພົນທີ 2, ມີຄະນະຫ້ອງ, ພະແນກການທີ່ກ່ຽວຂ້ອງ, ຄະນະພັກ-ຄະນະບັນຊາ, ຄູ-ອາຈານຕະຫຼອດຮອດນັກຮຽນກໍ່ສ້າງນາຍສິບ ເຂົ້າຮ່ວມ.
ສະຫາຍ ພັນໂທ ບຸນຈັນ ມະນີສອນ ຫົວໜ້າການທະຫານສູນເຝິກອົບຮົມ ກອງພົນທີ 2 ໄດ້ຜ່ານບົດສະຫຼຸບການການກໍ່ສ້າງນາຍສິບ ຊຸດທີ VIII ປະຈຳສົກຮຽນ 2025-2026. ເຊິ່ງຕະຫຼອດໄລຍະຜ່ານມາເຫັນໄດ້ວ່ານັກຮຽນແຕ່ລະສະຫາຍແມ່ນມີແນວຄິດອຸ່ນອຽນທຸ່ນທ່ຽງ, ມີຄວາມບຸກບືນຫ້າວຫັນຕໍ່ການເຝິກແອບຮໍ່າຮຽນ, ປະຕິບັດຂໍ້ກຳນົດ, ກົດລະບຽບຂອງໂຮງ ຮຽນໄດ້ດີ, ຄູ-ອາຈານ ໄດ້ສິດ ສອນສົ່ງຄວາມຮູ້ໃຫ້ນັກຮຽນ ເປັນຢ່າງດີ ສ່ວນຄະນະພັກ-ຄະນະບັນຊາແຕ່ລະຂັ້ນກໍໄດ້ລົງໃກ້ສິດຕິດແທດກັບ ຄູ-ອາຈານແລະ ນັກຮຽນ ເປັນປະຈຳ, ຜົນການຮຽນໃນແຕ່ລະວິຊາຕະຫຼອດໄລຍະ 1 ປີ ຜ່ານມາສາມາດສະ ເລ່ຍໄດ້ 89,86%. ພ້ອມນັ້ນ, ຍັງໄດ້ຜ່ານຂໍ້ຕົກລົງເລື່ອນຊັ້ນ ສິບໂທ ຂຶ້ນຊັ້ນ ສິບເອກ ຈຳນວນ 6 ສະຫາຍ ແລະ ປະດັບທຽບຊັ້ນ ສິບຕີ ຂຶ້ນເປັນຊັ້ນ ສິບເອກ ຈຳ ນວນ 25 ສະຫາຍ.
ໂອກາດນີ້, ສະຫາຍ ພັນເອກ ສອນເພັດ ຈັນສົມ ໄດ້ຮຽກຮ້ອງໃຫ້ນັກຮຽນຈົ່ງນຳເອົາຄວາມຮູ້ຄວາມສາມາດດັ່ງກ່າວໄປໝູນໃຊ້ເຂົ້າໃນວຽກງານຕົວຈິງຢູ່ໃນກົມກອງຂອງຕົນ, ປະຕິບັດຂໍ້ກຳນົດກົດລະບຽບຂອງກອງທັບວາງ
ອອກໃຫ້ເຂັ້ມງວດ, ດຸໝັ່ນຄົ້ນຄວ້າຮໍ່າຮຽນ, ເພີ່ມທະວີຄວາມສາມັກຄີຢູ່ໃນກົມກອງ ແລະ ເປັນແບບຢ່າງທີ່ດີຂອງກົມກອງ.
ໂດຍ: ຄຳຮັກ ໄຊວັນທອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
