ວັນຈັນ, ວັນທີ 13 ກໍລະກົດ 2026
ຄະນະນາຍທະຫານໜຸ່ມສອງແຂວງ ເຂົ້າວາງພວງມາລາ ຢູ່ຫໍມູນເຊື້ອ ແລະ ຢ້ຽມຊົມສະຖານທີ່ສຳຄັນທາງປະຫວັດສາດ ຂອງແຂວງຢາລາຍ
ເວລາອອກຂ່າວ: 2026-06-10 09:32:06 | ຜູ້ຂຽນ : admin3 | ຈຳນວນຄົນເຂົ້າຊົມ: 269 | ຄວາມນິຍົມ: 
ໃນໂອກາດທີ່ຄະນະນາຍທະຫານໜຸ່ມເເຂວງ ອັດຕະປື ແລະ ແຂວງຈຳປາສັກ ໄດ້ເດີນ ທາງມາທັດສະນະສຶກສາ ແລະ ແລກປ່ຽນບົດຮຽນຮ່ວມກັນ ຢູ່ກອງບັນຊາການທະຫານເເຂວງ ຢາລາຍ ສສ ຫວຽດນາມ, ໃນວັນທີ 5 ມິຖຸນາ 2026 ນີ້, ຄະນະນາຍທະຫານໜຸ່ມທັງ 2 ແຂວງ, ແຂວງອັດຕະປື ນຳໂດຍ ສະຫາຍ ພັນໂທ ຄາລົມ ຈັນທະວົງສາ ຮອງຫົວໜ້າກອງບັນຊາການ, ຫົວໜ້າຫ້ອງເຕັກນິກ ກອງບັນຊາການທະຫານເເຂວງຈຳປາສັກ ຫົວໜ້າຄະນະນາຍທະຫານໝຸ່ມ ແລະ ແຂວງຈຳປາສັກ ນຳໂດຍ ພັນໂທ ໜອມໃຈ ພິລາວົງ, ຮອງຫົວໜ້າຫ້ອງເຕັກນິກ, ກອງບັນຊາການທະຫານເເຂວງອັດຕະປື, ຫົວໜ້າຄະນະນາຍທະຫານໜຸ່ມ ກອງທັບປະຊາຊົນລາວ, ພ້ອມດ້ວຍຄະນະ, ໄດ້ເຂົ້າວາງພວງມາລາ ຢູ່ຫໍມູນເຊື້ອ ຂອງກອງບັນຊາການທະຫານເເຂວງ ຢາລາຍ ແລະ ຢ້ຽມຊົມສະຖານທີ່ສຳຄັນຕ່າງໆທາງປະຫວັດສາດ ຂອງເເຂວງຢາລາຍ.
ເຊິ່ງການເຂົ້າວາງພວງມາລາໃນຄັ້ງນີ້, ເປັນການສະແດງເຖິງຄວາມເຄົາລົບຮັກ, ຄວາມກະຕັນ ຍູຮູ້ບຸນຄຸນເຖິງຄຸນງາມຄວາມດີ, ນ້ຳໃຈເສຍສະຫຼະອັນສູງສົ່ງ, ຈາລຶກຊື່ສຽງ, ແບບຢ່າງອັນປະເສີດເລີດລ້ຳ ຂອງປະທານ ໂຮ່ຈີມິນ ທີ່ໄດ້ປະກອບສ່ວນຜົນງານອັນໃຫຍ່ຫຼວງນຳພາກອງທັບ ແລະ ປະຊາຊົນຫວຽດນາມ ອ້າຍນ້ອງ ຕໍ່ສູ້ຕ້ານກັບສັດຕູຜູ້ຮຸກຮານ ດ້ວຍຄວາມພິລະອາດຫານ ບໍ່ຍອມຈຳນົນ ພາຍໃຕ້ການນຳພາອັນສະຫຼາດສ່ອງໃສ ຂອງພັກກອມມູນິດຫວຽດນາມ ຈົນສາມາດຍາດໄດ້ໄຊຊະນະ ແລະ ປົດປ່ອຍທ້ອນໂຮມປະເທດຊາດ ຫວຽດນາມ ເປັນໜຶ່ງດຽວ ແລະ ສືບຕໍ່ພາລະກິດປົກປັກຮັກສາ ແລະ ສ້າງສາປະເທດຊາດຫວຽດນາມ ໃຫ້ຈະເລີນຮຸ່ງເຮືອງ. ພາຍຫຼັງທີ່ວາງພວງມາລາ ສຳເລັດ ທັງ 2 ຄະນະ ຍັງໄດ້ທ່ຽວຢ້ຽມຊົມ ສະຖານທີ່ສຳຄັນຕ່າງໆ ຂອງກອງທັບ ແລະ ຂອງເເຂວງຢາລາຍ ໃນນັ້ນ ຢ້ຽມຊົມຫໍມູນເຊື້ອ ຂອງກອງບັນຊາການທະຫານເເຂວງຢາລາຍ, ຢ້ຽມຊົມສູນວິໄຈວິທະຍາດສາດ ແລະ ສະຖານທີ່ສຳຄັນອື່ນໆຕື່ມອີກ.
ໂດຍ: ສຸກສະໄໝ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
