POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 13 ກໍລະກົດ 2026

ຮັບຮອງເອົາ 11 ບ້ານທີ່ຂຶ້ນກັບເມືອງໄຊທານີ ເປັນບ້ານປ້ອງກັນຊາດເຂັ້ມແຂງ
ເວລາອອກຂ່າວ: 2026-06-10 09:30:59 | ຜູ້ຂຽນ : admin3 | ຈຳນວນຄົນເຂົ້າຊົມ: 272 | ຄວາມນິຍົມ:

ພິທີປະກາດຮັບຮອງເອົາບ້ານໂນນແຕ້, ບ້ານນາສາລາ, ບ້ານໜອງສອງຫ້ອງ, ບ້ານໂພນຕ້ອງ, ບ້ານໂພນງາມ 1, ບ້ານໂພນງາມ 2, ບ້ານດວງບຸດດີ, ບ້ານນາແຖ, ບ້ານທ່າດິນແດງເໜືອ, ບ້ານທ່າດິນແດງໃຕ້ ແລະ ບ້ານທ່າດອກຄຳ ເປັນບ້ານປ້ອງກັນຊາດເຂັ້ມແຂງ, ເຊິ່ງເປັນບ້ານທີ 21 ຂອງເມືອງໄຊທານີ ແລະ ເປັນບ້ານທີ 131 ຂອງນະຄອນຫຼວງວຽງຈັນ, ໄດ້ຈັດຂຶ້ນໃນວັນທີ 4 ມິຖຸນາ 2026 ນີ້, ໂດຍການເປັນປະທານຂອງ ທ່ານ ວຽງຄຳ ສີຫາໂຄດ ກຳມະການພັກນະຄອນຫຼວງວຽງຈັນ ເລຂາຄະນະບໍລິຫານງານພັກເມືອງໄຊທານີ, ມີສະຫາຍ ພັນໂທ ສຸລິເດດດວງມະນີ ຮອງຫົວໜ້າຫ້ອງການເມືອງ ກອງບັນຊາການທະ ຫານນະຄອນຫຼວງວຽງຈັນ, ມີຄະນະພັກ-ຄະນະບັນຊາ ອົງການ 05 ຫ້ອງ ກອງບັນຊາການທະ ຫານນະຄອນຫຼວງວຽງຈັນ, ກອງບັນຊາການທະຫານເມືອງ-ປກສ ເມືອງ ແລະ ບັນດາອົງການຈັດຕັ້ງບ້ານ ຕະຫຼອດຮອດພໍ່ແມ່ປະຊາຊົນ ພ້ອມດ້ວຍແຂກທີ່ຖືກເຊີນເຂົ້າຮ່ວມ. ທ່ານ ຈິນດາ ສີໂນນາລາດ ນາຍບ້ານນາສາລາ ໄດ້ຕາງໜ້າໃຫ້ 11 ບ້ານ ຂຶ້ນສະຫຼຸບປະເມີນຜົນການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ເຊິ່ງໄດ້ຍົກໃຫ້ເຫັນຈຸດພິເສດ ແລະ ຜົນງານທີ່ພົ້ນເດັ່ນຂອງແຕ່ລະບ້ານ ທີ່ຍາດມາໄດ້ໃນໄລຍະຜ່ານມາ ເປັນຕົ້ນແມ່ນອົງການປົກຄອງບ້ານໄດ້ຖືເອົາວຽກງານການສຶກສາອົບຮົມການເມືອງ-ນຳພາແນວຄິດເປັນສຳຄັນ ໂດຍສົມທົບກັບພະນັກງານ-ວິຊາການ ນຳເອົາມະຕິຄຳສັ່ງຕ່າງໆຂອງພັກ-ລັດ ຈັດຕັ້ງເຜີຍແຜ່ ໃຫ້ປະຊາຊົນ ເຫັນໄດ້ວ່າປະຊາຊົນແຕ່ລະບ້ານມີຄວາມເຂົ້າໃຈ ແຈ້ງຕໍ່ແນວທາງນະໂຍບາຍຂອງພັກ ລະບຽບກົດໝາຍຂອງລັດ ຢ່າງເລິກເຊິ່ງ, ຍົກສູງຄວາມຮັບຜິດຊອບ ແລະ ຄວາມສາມັກຄີພາຍໃນບ້ານ ຕ້ານໄດ້ການແບ່ງແຍກຊົນຊາດ, ຊົນເຜົ່າ ປະ ກອບສ່ວນຢ່າງຕັ້ງໜ້າເຂົ້າໃນວຽກງານທີ່ການຈັດຕັ້ງຂັ້ນເທິງມອບໝາຍໃຫ້, ພ້ອມນັ້ນຍັງເອົາໃຈໃສ່ສ້າງເສດຖະກິດເແກ້ໄຂຊີວິດການເປັນຢູ່ຂອງຄອບຄົວຕາມທ່າແຮງຂອງຕົນດ້ວຍການປູກ-ການລ້ຽງ, ການຄ້າ-ຂາຍ ແລະ ການບໍລິການອື່ນໆ ເຮັດໃຫ້ແຕ່ລະຄອບຄົວສາມາດຫຼຸດ ພົ້ນອອກຈາກຄວາມທຸກຍາກໄດ້, ຜ່ານການຈັດຕັ້ງປະເມີນຜົນການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ເຫັນວ່າສາມາດຢັ້ງຢືນຮັບຮອງເອົາ ຈຳນວນ 3243 ຄອບຄົວ ພາຍໃນ 11 ບ້ານ ເປັນຄອບຄົວ ແລະ ບ້ານປ້ອງກັນຊາດເຂັ້ມແຂງໄດ້ຕາມ 06 ມາດຖານ ທີ່ກະຊວງປ້ອງກັນປະເທດວາງອອກ ຈາກນັ້ນຄະນະປະທານກໍໄດ້ມອບໃບຢັ້ງຢືນໃຫ້ບ້ານ ແລະ ຄອບຄົວ ທີ່ໄດ້ຖືກຮັບຮອງເປັນຄອບຄົວ ແລະ ບ້ານປ້ອງກັນຊາດເຂັ້ມແຂງຢ່າງເປັນທາງການ ພ້ອມທັງເປີດປ້າຍ ແລະ ລັ່ນຄ້ອງ 9 ບາດ ເພື່ອເຮັດໃຫ້ພິທີມີ ສິລິມຸງຄຸນ ເພື່ອຮັບຮອງເອົາ 11 ບ້ານ ດັ່ງກ່າວເປັນບ້ານ ປ້ອງກັນຊາດເຂັ້ມແຂງ ຢ່າງເປັນທາງການອີກດ້ວຍ. ໂດຍ: ແສງດາລາ ໄຊຍະລາດ

news to day and hot news