ວັນເສົາ, ວັນທີ 13 ມິຖຸນາ 2026
8 ທີມທີ່ເຂົ້າຮ່ວມການແຂ່ງຂັນເຕະບານຊາຍ ຮຸ່ນອາຍຸບໍ່ເກີນ 19 ປີ ຊີງຂັນ ສຕລ ປະຈຳປີ 2026
ເວລາອອກຂ່າວ: 2026-06-03 09:34:34 | ຜູ້ຂຽນ : admin1 | ຈຳນວນຄົນເຂົ້າຊົມ: 217 | ຄວາມນິຍົມ: 
8 ທີມທີ່ເຂົ້າຮ່ວມຊີງໄຊ ໃນການແຂ່ງຂັນເຕະບານຊາຍ ຮຸ່ນອາຍຸບໍ່ເກີນ 19 ປີ ຊີງຂັນສະຫະພັນບານເຕະແຫ່ງຊາດລາວ (ສຕລ) ປະຈຳປີ 2026 ເລີ່ມວັນທີ 27 ມິຖຸນານີ້ ປະກອບມີ: 1. ເອສະຣາ (ແຊັມເກົ່າ), 2. ຊ້າງນ້ອຍ , 3. ມາສດ້າ ຈີບີ, 4. ກອງທັບ, 5. ສາລະວັນ ຢູໄນເຕັດ, 6. ນ້ຳທາ ຢູໄນເຕັດ, 7. ບີໄອເອັສ , 8. ສະຫວັນນະເຂດ.
ຮູບແບບການແຂ່ງຂັນ ພົບກັນໝົດ 1 ຮອບ ເພື່ອສະສົມຄະແນນ, ແລ້ວຄັດເອົາອັນດັບ 1-4 ເຂົ້າຮອບຮອງຊະນະເລີດ (SEMI FINAL) ແລະ ຈົກສະຫຼາກຈັບຄູ່ແຂ່ງຂັນ ເສຍຄັດອອກ ( Knock-Out ), ທີມຊະນະຜ່ານເຂົ້າສູ່ຮອບຊີງຊະນະເລີດ ສ່ວນທີມທີ່ເສຍແມ່ນຊີງອັນດັບ 3, ທຸກນັດແຂ່ງຂັນທີ່ສູນເຝິກບານເຕະແຫ່ງຊາດ ຫ້ວຍຫົງ ສະຫະພັນບານເຕະແຫ່ງຊາດລາວ ສະໜາມ 1 ແລະ ສະໜາມ 2.
ການແຂ່ງຂັນແບ່ງເປັນ 2 ໄລຍະຄື: ໄລຍະທີ 1 ວັນທີ 27 ມິຖຸນາ-6 ກໍລະກົດ 2026 ແລະ ໄລຍະທີ 2 ວັນທີ 13-26 ກໍລະກົດ 2026.
ສຳລັບລາງວັນ ທີມຊະນະເລີດ ຈະໄດ້ຮັບຂັນແຊັມ, ຫຼຽນລາງວັນ ແລະ ເງິນລາງວັນຈຳນວນ 100 ລ້ານກີບ, ອັນດັບ 2 ໄດ້ຮັບຫຼຽນລາງວັນ ແລະ ເງິນລາງວັນ 25 ລ້ານກີບ, ອັນດັບ 3 ໄດ້ຮັບຫຼຽນລາງວັນ ແລະ ເງິນລາງວັນ 15 ລ້ານກີບ.
ນອກຈາກນີ້, ຍັງມີລາງວັນປະເພດບຸກຄົນເຊັ່ນ: ລາງວັນນັກກິລາດີເດັ່ນ, ລາງວັນຜູ້ຍິງປະຕູຫຼາຍສຸດ, ລາງວັນຜູ້ຮັກສາປະຕູດີເດັ່ນ ແລະ ລາງວັນຄູເຝິກດີເດັ່ນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
