POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 13 ມິຖຸນາ 2026

ຫວຽດນາມ-ຟີລິບປິນ ຍົກລະດັບການພົວພັນຮ່ວມມືແບບຍຸດທະສາດ
ເວລາອອກຂ່າວ: 2026-06-03 09:29:09 | ຜູ້ຂຽນ : admin1 | ຈຳນວນຄົນເຂົ້າຊົມ: 187 | ຄວາມນິຍົມ:

ໃນການຢ້ຽມຢາມທາງລັດຖະກິດ ຟີລິບປິນ, ວັນທີ 1 ມິຖຸນາ, ທ່ານ ໂຕເລິມ ເລຂາທິການໃຫຍ່, ປະທານປະເທດຫວຽດນາມ ໄດ້ດຳເນີນການພົບປະສອງຝ່າຍກັບທ່ານ ເຟີດິນແນນ ໂຣມູນເຣດ ມາຄອດ ປະທານາທິບໍດີ ຟີລິບປິນ. ການພົບປະສອງຝ່າຍ, ການນຳຂອງສອງປະເທດໄດ້ ສະແດງຄວາມປິຕິຊົມຊື່ນຕໍ່ບັນດາບາດກ້າວພັດທະນາຢ່າງຕັ້ງໜ້າ ແລະ ມີປະສິດທິຜົນຂອງການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ ນັບແຕ່ໄດ້ຮັບການສ້າງຕັ້ງໃນປີ 2015, ພິເສດແມ່ນພາຍຫຼັງການຢ້ຽມຢາມທາງລັດຖະກິດຂອງທ່ານປະທານາທິບໍດີ ຟີລິບປິນ ເຖິງຫວຽດນາມ ໃນເດືອນມັງກອນ 2024. ສອງຝ່າຍໄດ້ເຫັນດີເປັນເອກະພາບອອກຖະແຫຼງການຮ່ວມ ວ່າດ້ວຍການຍົກລະດັບການພົວພັນ ຫວຽດນາມ-ຟີລິບປິນ ຂຶ້ນເປັນຄູ່ຮ່ວມມືຍຸດທະສາດເພີ່ມທະວີ, ເປີດສັງກາດພັດທະນາໃໝ່ໃຫ້ແກ່ການຮ່ວມມືສອງຝ່າຍ. ຂອບການພົວພັນຂຶ້ນເປັນຄູ່ຮ່ວມມືຍຸດທະສາດເພີ່ມທະວີ, ສອງຝ່າຍໄດ້ເຫັນດີສົມທົບກັນສ້າງໂຄງການດຳເນີນງານຜັນຂະຫຍາຍຂອບການພົວພັນໃໝ່ໃນໄລຍະຈະມາເຖິງ; ເຫັນດີເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ປັບປຸງພື້ນຖານຍຸດທະສາດອັນໝັ້ນແກ່ນໃຫ້ການພົວພັນລະຫວ່າງສອງປະເທດ ໂດຍຜ່ານການເພີ່ມທະວີການພົບປະ, ແລກປ່ຽນຄະນະຜູ້ແທນຂັ້ນສູງ, ເສີມຂະຫຍາຍກົນໄກຮ່ວມມື, ເພີ່ມທະວີການພົວພັນໃນບັນດາຊ່ອງທາງ ແລະລະຫວ່າງທຸກຂັ້ນ, ທຸກຂະແໜງການ ແລະທ້ອງຖິ່ນຂອງສອງປະເທດ. ກ່ຽວກັບບັນຫາພາກພື້ນ ແລະສາກົນ, ການນຳສອງປະເທດ ຢືນຢັນຈະສືບຕໍ່ເພີ່ມທະວີການສົມທົບກັນຢ່າງແໜ້ນແຟ້ນ, ສະໜັບສະໜູນເຊິ່ງກັນ ແລະກັນຢູ່ເວທີປາໄສຫຼາຍຝ່າຍ, ເປັນຕົ້ນແມ່ນສະຫະປະຊາຊາດ ແລະອາຊຽນ. ສອງຝ່າຍເນັ້ນໜັກເຖິງຄວາມສຳຄັນຂອງການຮັກສາສັນຕິພາບ, ສະຖຽນລະພາບ, ຮັບປະກັນຄວາມໝັ້ນຄົງ, ຄວາມປອດໄພ ແລະຄວາມເສລີໃນການເດີນທະເລ, ການບິນ; ແກ້ໄຂການຂັດແຍ້ງກັນໂດຍສັນຕິວິທີ ບົນພື້ນຖານກົດໝາຍສາກົນ, ໃນນັ້ນມີສົນທິສັນຍາຂອງສະຫະປະຊາຊາດ ກ່ຽວກັບກົດໝາຍວ່າດ້ວຍທະເລ (UNCLOS) ປີ 1982; ຕັ້ງໜ້າສົມທົບກັບບັນດາປະເທດອາຊຽນ ຊຸກຍູ້ການເຈລະຈາກ່ຽວກັບກົດແຫ່ງການປະພຶດຢູ່ທະເລຕາເວັນອອກ (COC) ຢ່າງມີປະສິດທິຜົນ, ແທດຈິງ, ສອດຄ່ອງກັບກົດໝາຍສາກົນ, ພິເສດແມ່ນ UNCLOS ປີ 1982. ການນຳສອງປະເທດ ເຫັນດີຊຸກຍູ້ບັນດາກະຊວງ, ຂະແໜງການ ແລະທ້ອງຖິ່ນສອງປະເທດ ສົມທົບກັນຢ່າງແໜ້ນແຟ້ນ, ຜັນຂະຫຍາຍບັນດາຂໍ້ຕົກລົງທີ່ບັນລຸໄດ້ລະຫວ່າງການນຳສອງປະເທດຢ່າງມີປະສິດທິຜົນ, ປະກອບສ່ວນນຳການພົວພັນຄູ່ຮ່ວມມືຍຸດທະສາດເພີ່ມທະວີ ຫວຽດນາມ-ຟີລິບປິນ ກ້າວເຂົ້າສູ່ໄລຍະພັດທະນາໃໝ່. ພາຍຫຼັງການພົບປະ, ສອງທ່ານໄດ້ເປັນສັກຂີພິຍານພິທີລົງນາມ ແລະມອບຮັບເອກະສານຮ່ວມມືຫຼາຍສະບັບໃນຂົງເຂດປ້ອງກັນຊາດ, ບຳລຸງສ້າງ ແລະການທ່ອງທ່ຽວຕຶ່ມອີກ.

news to day and hot news