POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 08 ມິຖຸນາ 2026

ຫຼາຍກົມກອງ ໄດ້ຮັບການຢັ້ງຢືນເປັນກົມກອງປອດໃສ, ປອດໄພ, ປອດຄະດີ
ເວລາອອກຂ່າວ: 2026-06-03 08:55:36 | ຜູ້ຂຽນ : admin1 | ຈຳນວນຄົນເຂົ້າຊົມ: 218 | ຄວາມນິຍົມ:

ໂດຍປະຕິບັດຕາມທິດນຳຂອງກົມໃຫຍ່ການເມືອງກອງທັບ ວ່າດ້ວຍວຽກງານປ້ອງກັນພາຍໃນຕ້ອງຕິດພັນກັບການສ້າງກອງ 3 ປອດ (ປອດໃສ, ປອດໄພ, ປອດຄະດີ) ຍູ້ແຮງການສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ໃຫ້ເພີ່ມຂຶ້ນທາງດ້ານຈຳນວນ ແລະ ຄຸນນະພາບ ໃນທົ່ວກອງທັບ; ໃນນີ້, ເວົ້າສະເພາະຢູ່ໂຮງໝໍບໍລິ ເວນ 107 ແມ່ນຫົວໜ່ວຍການ ຈັດຕັ້ງໜຶ່ງທີ່ຂຶ້ນກັບ ກົມໃຫຍ່ພະ ລາທິການກອງທັບ, ມີພາລະບົດ ບາດເປັນເສນາທິການ ໃຫ້ຄະນະພັກຂັ້ນເທິງ ທາງດ້ານວຽກງານການກໍ່ສ້າງບຸກຄະລາກອນການແພດຮັບໃຊ້ກຳລັງຫຼວງ-ກຳລັງທ້ອງຖິ່ນ ໃນໄລຍະໃໝ່, ໄປຄວບຄູ່ກັບການເຮັດສຳເລັດໜ້າທີ່ການ ເມືອງ ແລະ ວິຊາສະເພາະທີ່ຂັ້ນ ເທິງມອບໝາຍໃຫ້, ຄະນະພັກ- ຄະນະອຳນວຍການຍາມໃດກໍຖືສຳຄັນວຽກງານສຶກສາອົບ ຮົມການເມືອງ-ນຳພາແນວຄິດ ສອດຫ້ອຍເຂົ້າໃນທຸກຂົງເຂດ ວຽກງານລວມຂອງກົມກອງ ເຮັດໃຫ້ພະນັກງານ-ນັກຮົບ ແລະ ນັກຮຽນແພດ ມີຄວາມສະດຸ້ງໄວໃນການປ້ອງກັນພັກ, ປ້ອງກັນການຈັດຕັ້ງ ແລະ ປ້ອງກັນຕົນເອງໃຫ້ມີຄວາມປອດໃສ. ສະຫາຍ ພັນໂທ ສຸວັນ ສໍປະກາຍແກ້ວ ເລຂາຄະນະພັກຮາກຖານ, ຫົວໜ້າການເມືອງໂຮງໝໍບໍລິເວນ 107 ໃຫ້ຮູ້ວ່າ: ການຈັດຕັ້ງປະຕິບັດວຽກງານປ້ອງກັນພາຍໃນ ໄລຍະ 1 ປີ ຜ່ານມາ ໄດ້ເອົາໃຈໃສ່ຈັດຕັ້ງປະ ຕິບັດວຽກງານດັ່ງກ່າວດ້ວຍຄວາມຮັບຜິດຊອບສູງ ເປັນຕົ້ນແມ່ນການປ້ອງກັນເວນຍາມຄ້າຍຄູໃນແຕ່ລະວັນ ມີສິດປະຈຳການແຕ່ຂັ້ນບັນຊາ ລົງຮອດໜ່ວຍງານທຸກພາກສ່ວນ ເພື່ອຕິດຕາມແກ້ໄຂສະພາບການສຸກເສີນໃຫ້ທ່ວງທັນກັບເວລາ, ປົກປັກຮັກສາ ຊັບສີນສ່ວນລວມ, ພາຫະນະເຕັກນິກ, ອຸປະກອນການແພດ ແລະ ອາວຸດ ບໍ່ໃຫ້ຕົກເຮ່ຍເສຍຫາຍ, ເປັນເຈົ້າການໃນການເຄື່ອນໄຫວຕິດຕາມສະພາບການ ສົມທົບກັບ ອຳນາດການປົກຄອງທ້ອງຖິ່ນ ເກັບກຳສະພາບຮາກຖານປະຊາຊົນ, ສະ ພາບການເຄື່ອນໄຫວຂອງກຸ່ມຄົນບໍ່ດີ ດ້ວຍຄວາມຮັບຜິດຊອບສູງເຮັດໃຫ້ກົມກອງ ມີຄວາມສະຫງົບໂດຍພື້ນຖານ, ຊີ້ນຳພະນັກງານ-ນັກຮົບ ປະຕິບັດຂໍ້ກຳນົດກົດລະບຽບຂອງກອງທັບເປັນຕົ້ນແມ່ນ 7 ລະບອບ 18 ວຽກໃນມື້ໜຶ່ງ ຢ່າງເຂັ້ມງວດ ພ້ອມນັ້ນ, ຍັງໄດ້ເອົາໃຈໃສ່ຊີ້ນຳອົງການຈັດຕັ້ງມະຫາຊົນຊາວໜຸ່ມ-ແມ່ຍິງເຄື່ອນໄຫວຕາມພາລະບົດບາດຂອງຕົນ ໂດຍການສຸມໃສ່ປະຕິບັດເນື້ອໃນຂໍ້ແຂ່ງຂັນ 4 ບຸກ ແລະ ຂໍ້ແຂ່ງຂັນ 3 ດີ. ຜ່ານການຈັດຕັ້ງປະຕິບັດສາມາດຄັດເລືອກໄດ້ກົມກອງປອດໃສ, ປອດໄພ, ປອດຄະດີ ປະເພດ I ໄດ້ຮັບການຮັບຮອງຈາກຂັ້ນເທິງ 7 ປີຕໍ່ເນື່ອງ ມີ 15 ພະແນກການ ແລະ 5 ປີຕໍ່ເນື່ອງ ມີ 7 ພະແນກການ, ລວມທັງໝົດ 22 ພະແນກຄື: ພະແນກການເມືອງ, ພະແນກແຜນການ-ສັງລວມ, ພະແນກພະລາທິການ, ພະແນກບໍລິຫານ-ການແພດ, ພະແນກປະກັນສຸຂະພາບ, ພະແນກປິ່ນປົວພະນັກງານ, ພະແນກການຢາ, ພະແນກພາຍນອກລວມ, ພະແນກພາຍນອກກະທົບ, ພະແນກກາຍຍະບຳບັດ, ພະແນກຫ້ອງປາດ, ພະແນກຊຶມເຊື້ອ, ພະແນກຫ້ອງກວດເຂດນອກ, ພະແນກພາຍໃນ, ພະແນກສຸກເສີນ, ພະແນກຟອກໄຂ່ຫຼັງທຽມ, ພະແນກປະສູດ, ພະແນກເດັກ, ພະແນກວິເຄາະ, ພະແນກລັງສີ-ເອໂກ, ພະແນກສະເພາະ ແລະ ກອງຮ້ອຍນັກສຶກສາ ຢ່າງໜ້າສັນລະເສີນ. ສະຫາຍ ພັນໂທ ສຸວັນ ສໍປະກາຍແກ້ວ ຍັງກ່າວຕື່ມອີກວ່າ: ເພື່ອຮັບ ປະກັນເຮັດໃຫ້ວຽກງານປ້ອງ ກັນພາຍໃນ ເດີນແມ່ນແລ່ນສະ ດວກດ ໃນຕໍ່ໜ້າແມ່ນຈະໄດ້ສືບຕໍ່ເຮັດວຽກງານສຶກສາອົບຮົມການ ເມືອງ-ນຳພາແນວຄິດໃຫ້ພະ ນັກງານແພດໝໍ-ນັກຮົບ ໃຫ້ມີຄວາມໜັກແໜ້ນ, ອຸ່ນອຽນທຸ່ນທ່ຽງ, ເຊື່ອໝັ້ນຕໍ່ການນຳພາຂອງພັກ-ລັດ, ປະຕິບັດກົດລະບຽບຂອງກອງທັບຢ່າງເຂັ້ມງວດ, ຍົກສູງສະຕິລະວັງຕົວຕໍ່ກົນອຸບາຍຫັນປ່ຽນໂດຍສັນຕິຂອງອິດທິປໍລະປັກ, ຮູ້ຈຳແນກມິດ ແລະ ສັດຕູຢ່າງຈະແຈ້ງ, ຊຸກຍູ້ກຳລັງແຮງສັງລວມ ໃນການກໍ່ສ້າງກອງ 3 ປອດ (ປອດໃສ, ປອດໄພ, ປອດຄະດີ) ໃຫ້ຕິດພັນກັບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ແລະ ການສ້າງກອງວັດທະນະທຳ-ນັກຮົບວັດທະນະທຳ ໂດຍສະເພາະ ຜູ້ຊີ້ນຳວຽກງານປ້ອງກັນພາຍໃນຕ້ອງໄດ້ເຄື່ອນໄຫວຕາມພາລະບົດບາດ, ຂອບເຂດ, ສິດ ແລະ ໜ້າທີ່ຂອງຕົນຢ່າງແຂງແຮງ ໃນການປ້ອງກັນພັກ, ປ້ອງກັນກົມກອງ ໃຫ້ມີຄວາມສະຫງົບປອດໄພ, ເອົາໃຈໃສ່ແກ້ໄຂປະກົດການຫຍໍ້ທໍ້ຕ່າງໆ ທີ່ຈະເກີດຂຶ້ນໃຫ້ທັນກັບສະພາບການ ເພື່ອເຮັດໃຫ້ກົມກອງມີຄວາມປອດໃສ. ໂດຍ: ວັນໄຊ ໄຊສະຫວັດ

news to day and hot news