POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 08 ມິຖຸນາ 2026

ກອງປະຊຸມພົບປະແລກປ່ຽນຄະນະນາຍທະຫານໜຸ່ມ 3 ປະເທດ
ເວລາອອກຂ່າວ: 2026-06-03 08:52:31 | ຜູ້ຂຽນ : admin1 | ຈຳນວນຄົນເຂົ້າຊົມ: 205 | ຄວາມນິຍົມ:

ກອງປະຊຸມພົບປະແລກປ່ຽນບົດຮຽນລະຫວ່າງຄະນະນາຍທະຫານໜຸ່ມ 3 ປະເທດລາວ-ຫວຽດນາມ ແລະ ກຳປູ ເຈຍ ພາຍໃຕ້ຫົວຂໍ້ “ໄມຕິຈິດມິດ ຕະພາບ-ກ້າວເດີນສູ່ອະນາຄົດ ຢ່າງໝັ້ນຄົງ”. ໄດ້ຈັດຂຶ້ນໃນວັນທີ 29 ພຶດສະພາ 2026 ນີ້, ທີ່ນະຄອນຫຼວງດານັງ ເຊິ່ງຝ່າຍ ລາວນຳໂດຍ ສະຫາຍ ພັນໂທ ສຸລິບັນ ສໍພາບປັນຍາ ຮອງຫົວໜ້າຫ້ອງການຊາວໜຸ່ມກອງທັບປະ ຊາຊົນລາວ, ຝ່າຍຫວຽດນາມນຳໂດຍ ສະຫາຍ ພັນເອກ ຫງວຽນ ກວາງ ຫຸຍ ຫົວໜ້າຫ້ອງການຊາວໜຸ່ມກອງທັບ ຫົວໜ້າຄະນະນາຍທະຫານໜຸ່ມ ກອງທັບປະຊາຊົນຫວຽດນາມ ແລະ ຝ່າຍກຳປູເຈຍ ນຳໂດຍ ສະຫາຍ ພັນເອກ ນັດ ວິແຈດ ຮອງຫົວໜ້າຫ້ອງການ ກົມໃຫຍ່ເສນາທິການກອງທັບຣາຊະອານາຈັກກຳປູເຈຍ ໂດຍມີຄະນະນາຍທະຫານໜຸ່ມທັງສາມປະເທດເຂົ້າຮ່ວມ. ໃນກອງປະຊຸມ ສະຫາຍ ພັນເອກ ຫງວຽນ ກວາງ ຫຸຍ ໄດ້ກ່າວວ່າ: ໂຄງການດັ່ງກ່າວເປັນກິດຈະກຳສະເພາະທີ່ໄດ້ຈັດຕັ້ງປະຕິບັດຮ່ວມກັນຂອງລັດຖະມົນຕີກະຊວງປ້ອງກັນປະເທດຫວຽດນາມ-ລາວ-ກຳປູ ເຈຍ ເຊິ່ງເປັນຄັ້ງທຳອິດຂອງ 3 ປະເທດ ເພື່ອປະກອບສ່ວນໃນການເສີມສ້າງຄວາມເຂົ້າໃຈ, ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ; ເປັນໂອກາດໃຫ້ແກ່ນາຍທະຫານໜຸ່ມສາມປະເທດໄດ້ ແລກປຽ່ນປະສົບການ, ເສີມສ້າງຄວາມສາມັກຄີ ແລະ ມິດຕະພາບຕາມຮີດຄອງປະເພນີລະຫວ່າງປະຊາຊົນ ແລະ ກອງທັບຂອງສາມປະເທດເທົ່ານັ້ນ. ແຕ່ຍັງເປັນໂອກາດໃຫ້ນາຍທະຫານໜຸ່ມໄດ້ສຶກສາຮໍ່າຮຽນເຂົ້າໃຈກ່ຽວກັບມູນເຊື້ອປະຫວັດສາດ, ວັດທະນະທຳ ແລະ ເປັນປັດໃຈສຳຄັນໃນການຮັບປະກັນສະພາບແວດລ້ອມແຫ່ງສັນຕິພາບ, ສະ ຖຽນລະພາບ, ການຮ່ວມມື ແລະ ການພັດທະນາໃນພາກພື້ນ. ເພື່ອເສີມຂະຫຍາຍບົດບາດຂອງນາຍທະຫານໜຸ່ມໃນຍຸກໃໝ່, ສະເໜີໃຫ້ນາຍທະຫານໜຸ່ມຈາກສາມປະເທດຂອງພວກເຮົາເອົາໃຈໃສ່ ແລະ ຈັດຕັ້ງປະຕິບັດບາງເນື້ອໃນລຸ່ມນີ້: ສືບຕໍ່ເສີມຂະຫຍາຍການສຶກສາອົບຮົມມູນເຊື້ອແຫ່ງຄວາມສາມັກຄີ ແລະ ມິດຕະພາບລະຫວ່າງສາມປະເທດ ຫວຽດນາມ, ລາວ ແລະ ກຳປູເຈຍ ເຊີດຊູຄວາມຮັບຮູ້, ຄວາມຮັບຜິດຊອບຂອງນາຍທະຫານໜຸ່ມໃນການສືບທອດ ແລະ ເສີມຂະຫຍາຍສາຍ ພົວພັນອັນລ້ຳຄ່າເຊິ່ງໄດ້ຄົນລຸ້ນກ່ອນເພີ່ມພູນຄູນສ້າງກັນມາຕະຫຼອດເວລາ, ຍູ້ແຮງການ ພົບປະແລກປ່ຽນ ແລະ ແບ່ງ ປັນບົດຮຽນປະສົບການໃນການ ເຝິກແອບ, ກໍ່ສ້າງເປັນກົມກອງ ແບບແຜນ, ເຝິກຝົນຫຼໍ່ຫຼອມລະບຽບວິໃນ, ຄົ້ນຄວ້າວິທະ ຍາສາດ, ການຫັນເປັນດີຈີຕອນ ແລະ ການນຳໃຊ້ເຕັກໂນໂລຢີໃໝ່ໃນກອງທັບ; ເສີມຂະຫຍາຍບົດບາດ ຕະລູນບອນ, ນຳໜ້າຂອງນາຍທະຫານໜຸ່ມໃນວຽກງານປຸກລະດົມຂົນຂວາຍມະຫາຊົນ, ຊ່ວຍເຫຼືອປະຊາຊົນພັດທະ ນາເສດຖະກິດ-ສັງຄົມ ແລະ ສ້າງເຂດຊາຍແດນແຫ່ງສັນຕິພາບ, ມິດຕະພາບ, ຮ່ວມມື ແລະ ຈະ ເລີນຮຸ່ງເຮືອງ; ເພີ່ມທະວີການປະສານງານ, ແລກປ່ຽນໃນທຸກ ຂົງເຂດ ເຊ່ັນ: ວັດທະນະທຳ, ກິລາ, ວິຊາການຮຽນ, ການເຝິກເວົ້າພາສາເຊິ່ງກັນ ແລະ ກັນ ແລະ ກິດຈະກຳຊາວໜຸ່ມ; ສ້າງເງື່ອນໄຂໃຫ້ແກ່ນາຍທະຫານໜຸ່ມຂອງສາມປະເທດເຂົ້າໃຈເຊິ່ງກັນ ແລະ ກັນດີຂຶ້ນ, ມີຄວາມສະໜິດສະໜົມກັນຫຼາຍຢ່າງ ແລະ ເຕີບໃຫຍ່ຮ່ວມກັນ; ເປັນເຈົ້າການກະກຽມຄວາມຮູ້, ທັກສະ, ຄວາມອາດສາມາດດ້ານພາສາຕ່າງປະເທດ ແລະ ໃນການເຊື່ອມໂຍງສາກົນຢ່າງຕັ້ງໜ້າ; ຍົກສູງຄວາມສາມາດທາງດ້ານການເມືອງ, ລະດັບວຸດທິວິຊາຊີບ, ວິຊາສະເພາະ ແລະ ຄວາມສາມາດໃນການເປັນເຈົ້າວິທະຍາສາດ ແລະ ເຕັກໂນໂລຊີ ເພື່ອຕອບສະໜອງຄວາມຕ້ອງການຂອງໜ້າທີ່ວຽກງານໃນສະພາບການໃໝ່. ຫຼັງຈາກນັ້ນຄະນະຜູ້ແທນນາຍທະຫານໜຸ່ມແຕ່ລະປະເທດກໍໄດ້ພ້ອມກັນແລກປ່ຽນບົດຮຽນຂົງເຂດວຽກງານທີ່ຕ່າງຝ່າຍຕ່າງໃຫ້ຄວາມສົນໃຈ. ຕໍ່ມາໃນວັນທີ 30 ພຶດສະພາ ຄະນະນາຍທະຫານໜຸ່ມກອງທັບປະຊາຊົນລາວ ນຳໂດຍ ສະຫາຍ ພັນໂທ ສຸລິບັນ ສໍພາບປັນຍາ ຮອງຫົວໜ້າຫ້ອງການຊາວໜຸ່ມກອງທັບປະຊາຊົນລາວ ໄດ້ເດີນທາງໄປວາງພວງມາລາ ຢູ່ເຂດປູຊະນີຍະສະຖານແຫ່ງຊາດພິເສດ ກຳແພງນະຄອນ ກວາງຈິ ເຊິ່ງແມ່ນສະຖານທີ່ປະຫວັດສາດທີ່ຈາລຶກໜ້າປະຫວັດສາດອັນສະຫງ່າລາສີ ແລະ ພິລະອາດຫານຂອງຊາດຫວຽດນາມ ຕື່ມອີກ.

news to day and hot news