POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 08 ມິຖຸນາ 2026

ລົງນາມບົດບັນທຶກການຂຸດຄົ້ນຮ່າງອັດຖິ ທະຫານອາສາສະໝັກ ແລະ ຊ່ຽວຊານຫວຽດນາມ
ເວລາອອກຂ່າວ: 2026-06-03 08:50:54 | ຜູ້ຂຽນ : admin1 | ຈຳນວນຄົນເຂົ້າຊົມ: 205 | ຄວາມນິຍົມ:

ກອງປະຊຸມ ລົງນາມບົດບັນ ທຶກວຽກງານປະສານສົມທົບໃນການຊອກຄົ້ນຮ່າງອັດຖິ ທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດຢູ່ລາວ ປະຈຳລະດູແລ້ງ ໄດ້ຈັດຂຶ້ນຫວ່າງບໍ່ດົນມານີ້, ຢູ່ທີ່ຫ້ອງວ່າການ ອົງການປົກຂອງແຂວງ ເຫງະອ່ານ ສສ ຫວຽດນາມ. ໂດຍການເປັນເຈົ້າພາບຮ່ວມຂອງແຂວງວຽງຈັນ ເປັນກຽດເຂົ້າຮ່ວມຝ່າຍຫວຽດນາມມີສະຫາຍ ຟຸງ ແທັງ ວິງ ຮອງປະ ທານຄະນະກຳມະການປະຊາຊົນແຂວງ ຫົວໜ້າຄະນະປະຕິ ບັດງານພິເສດແຂວງ ເຫງະອານ, ຝ່າຍລາວມີ ສະຫາຍ ປອ ສີວຽງໄຊ ອໍລະບູນ ຮອງປະທານຄະນະກຳມະການປົກຄອງແຂວງ ຫົວໜ້າຄະນະປະຕິບັດງານພິເສດແຂວງວຽງຈັນ, ມີຄະນະປະຕິບັດງານພິເສດແຂວງ ແຂວງຊຽງຂວາງ, ໄຊສົມບູນ, ກອງບັນຊາການທະຫານແຂວງເຫງະອານ, ກອງຂຸດຄົ້ນອັດຖິ, ບັນດາສະຫາຍ ຫວຽດນາມ-ລາວ ອ້າຍນ້ອງ ແລະ ພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມ. ສະຫາຍ ພັນເອກ ຫງວຽນ ວັນ ອານ ຫົວໜ້າການເມືອງກອງບັນຊາການທະຫານແຂວງ ເຫງະອານ ໄດ້ຂຶ້ນລາຍງານຜົນການຂຸດຄົ້ນ, ທ້ອນໂຮມອັດຖິນັກຮົບອາສາສະໝັກ ແລະ ຊ່ຽວ ຊານຫວຽດນາມທີ່ເສຍສະຫຼະຊີວິດຢູ່ລາວ ໃນລະດູແລ້ງ ໃນປີ 2025-2026 ເຊິ່ງໄດ້ຍົກໃຫ້ເຫັນ ຂໍ້ສະດວກ, ຂໍ້ຫຍຸ້ງຍາກ ຕະຫຼອດໄລຍະການປະຕິບັດໜ້າທີ່ ໃນໄລຍະຜ່ານມາແຂວງ ເຫງະອ່ານ ໄດ້ ສົມທົບກັບ 3 ແຂວງ ແຂວງ ວຽງຈັນ, ຊຽງຂວາງ ແລະ ໄຊສົມບູນ ໄດ້ສຳຫຼວດເກັບກຳຂໍ້ມູນຊອກຄົ້ນ ທ້ອນໂຮມຮ່າງອັດຖິດ້ວຍນ້ຳໃຈມານະອົດທົນ ແລະ ມີຄວາມຮັບຜິດຊອບສູງຂອງອ້າຍນ້ອງພະນັກງານກອງຂຸດຄົ້ນອັດຖິ. ຜ່ານການເຄື່ອນໄຫວປະຕິບັດໜ້າທີ່ຕົວຈິງຢູ່ພື້ນທີ່ຂອງ 3 ແຂວງ ສາມາດຂຸດຄົ້ນ ໄດ້ທັງໝົດ 80 ຮ່າງອັດຖິ. ສຳລັບແຜນການໃນຕໍ່ໜ້າແມ່ນຈະໄດ້ສືບຕໍ່ຮ່ວມມື, ປະສານສົມທົບທັງສອງຝ່າຍ ເພື່ອຊອກຄົ້ນຫາຮ່າງອັດຖິທີ່ຍັງເຫຼືອໃຫ້ສຳເລັດດຕາມແຜນການ. ຈາກນັ້ນ ສະຫາຍ ປອ ສີວຽງໄຊ ອໍລະບູນ ຮອງປະ ທານຄະນະກຳມະການປົກຄອງແຂວງວຽງຈັນ ໄດ້ຕາງໜ້າໃຫ້ຄະນະປະຕິບັດງານພິເສດທັງ 3 ແຂວງ ຂຶ້ນມີຄຳເຫັນແລກປ່ຽນ ເຊິ່ງກັນ ແລະ ກັນ ພ້ອມທັງເຫັນດີເປັນເອກະພາບກັບທິດທາງແຜນການໃນຕໍ່ໜ້າ. ໂອກາດດັ່ງກ່າວ, ສະຫາຍ ຟຸງ ແທັງ ວິງ ຮອງປະທານຄະນະກຳມະການປະຊາຊົນແຂວງ ຫົວໜ້າຄະນະປະຕິບັດງານພິເສດແຂວງ ເຫງະອານ ໄດ້ສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ພັກ-ລັດ, ກອງທັບ ແລະ ປະຊາຊົນບັນດາເຜົ່າລາວເວົ້າລວມ, ເວົ້າສະເພາະແມ່ນ ແຂວງ ວຽງຈັນ, ຊຽງຂວາງ, ໄຊສົມບູນ ທີ່ໄດ້ອຳນວຍຄວາມສະດວກທຸກຢ່າງ ແລະ ສ້າງເງື່ອນໄຂດີທີ່ສຸດໃຫ້ຄະນະຊອກຄົ້ນບັນດາຮ່າງອັດຖິ ຈົນໄດ້ຮັບຜົນສຳເລັດຕາມແຜນການ ແລະ ຫວັງຢ່າງຍິ່ງວ່າ ໃນຕໍ່ໜ້ານີ້ພວກ ເຮົາຈະໄດ້ສືບຕໍ່ຮ່ວມມື ເພື່ອຊອກຄົ້ນຮ່າງອັດຖິ ໃນລະດູແລ້ງ 2026-2027 ໃຫ້ໄດ້ຕາມແຜນທີ່ວາງໄວ້. ຈາກນັ້ນທັງສອງຝ່າຍກໍ່ໄດ້ເຊັນບົດບັນທຶກການປະສານສົມທົບວຽກງານຊອກຄົ້ນຮ່າງອັດຖິດັ່ງກ່າວ ໂດຍມີຄະນະທັງສອງຝ່າຍຮ່ວມເປັນສັກຂີພິຍານ ພ້ອມນັ້ນຍັງໄດ້ມອບຂອງຂວັນ ທີ່ລະນຶກເຊິ່ງກັນ ແລະ ກັນຕື່ມອີກ. ໂດຍ: ສາຍຄຳ ພອນມະນີ

news to day and hot news