POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 08 ມິຖຸນາ 2026

ກອງພົນນ້ອຍລົດຕັງຍານເກາະ 206 ຊ່ວຍປະຊາຊົນ ດ້ວຍບັນດາໜ້າວຽກທີ່ເຂົ້າເຖິງການດຳລົງຊີວິດຈິງ
ເວລາອອກຂ່າວ: 2026-06-02 09:19:23 | ຜູ້ຂຽນ : admin1 | ຈຳນວນຄົນເຂົ້າຊົມ: 158 | ຄວາມນິຍົມ:

ຕາມແຫຼ່ງຂ່າວຫວຽດນາມ, ໃນຊຸມປີຜ່ານມາ, ພ້ອມກັບໜ້າທີ່ເຝິກແອບ, ກຽມພ້ອມສູ້ຮົບ, ພະ ນັກງານ-ນັກຮົບກອງພົນນ້ອຍ ລົດຕັງຍານເກາະ 206 (ທະ ຫານເຂດ 4) ຍາມໃດກໍເອົາໃຈ ໃສ່ປະຕິບັດວຽກງານຂົນຂວາຍປະຊາຊົນຢ່າງມີປະສິດທິຜົນ, ປະກອບສ່ວນສ້າງ “ທ່າຮົບໃນ ໃຈປະຊາຊົນ” ຢ່າງໝັ້ນແກ່ນ. ດ້ວຍຫຼາຍໜ້າວຽກທີ່ເຂົ້າເຖິງການດຳລົງຊີວິດແທດຈິງ, ບັນດານັກຮົບລົດຕັງ, ຍານເກາະໄດ້ສ້າງ ຄວາມປະທັບໃຈອັນດີງາມຕໍ່ຄະ ນະພັກ, ອຳນາດການປົກຄອງ ແລະ ປະຊາຊົນທ້ອງຖິ່ນ. ຜັນຂະຫຍາຍປະຕິບັດແຜນງານ “ຍົກສູງຄຸນນະພາບ, ປະສິດທິຜົນວຽກງານຂົນຂວາຍປະຊາຊົນຂອງກຳລັງປະກອບອາວຸດທະຫານເຂດ 4 ຢູ່ບໍລິເວນທະຫານເຂດ 4”, ຄະນະພັກ, ຄະນະບັນຊາກອງພົນນ້ອຍລົດຕັງຍານເກາະ 206 ກຳນົດ ວ່າ ນີ້ແມ່ນໜ້າທີ່ການເມືອງສຳຄັນ, ພ້ອມທັງແມ່ນຄວາມຮັບຜິດ ຊອບ, ນໍ້າໃຈຄວາມຮັກແພງຂອງ ພະນັກງານ-ນັກຮົບຕໍ່ກັບປະຊາ ຊົນບ່ອນທີ່ກົມກອງຕັ້ງທັບ. ບົນພື້ນຖານດັ່ງກ່າວ, ກົມກອງໄດ້ເປັນເຈົ້າການສົມທົບກັບຄະນະພັກ, ອຳນາດການປົກຄອງທ້ອງຖິ່ນ ສ້າງແຜນການປະຕິບັດລະອຽດ ເຊັ່ນ: ລາຍການສົມທົບກັນປະຕິບັດວຽກງານຂົນຂວາຍປະຊາຊົນກັບບັນດາຄະນະ, ຂະ ແໜງການ, ອົງການຈັດຕັ້ງມະ ຫາຊົນ ເພື່ອແນໃສ່ໂຄສະນາເຜີຍ ແຜ່ແຜນນະໂຍບາຍຂອງພັກ, ນະໂຍບາຍ, ກົດໝາຍຂອງລັດ ຕິດພັນກັບໜ້າທີ່ການປ້ອງກັນຊາດ, ການທະຫານທ້ອງຖິ່ນ. ພິເສດ, ວຽກງານສົມທົບກັນຜັນຂະຫຍາຍແຜນງານລະຫວ່າງກອງພົນນ້ອຍລົດຕັງຍານເກາະ 206 ກັບຄະນະກຳມະການປະ ຊາຊົນຕາແສງ ເຫງ້ຍລາກ, ປັດ ຈຸບັນແມ່ນຕາແສງ ເຫງ້ຍເລິມ, ແຂວງເງະອານ ໄດ້ສ້າງພື້ນຖານ ເພື່ອໃຫ້ການເຄື່ອນໄຫວຂົນ ຂວາຍປະຊາຊົນເຂົ້າສູ່ລວງເລິກ. ພະນັກງານ-ນັກຮົບ ຍັງໄດ້ລົງຮາກຖານໂດຍກົງ, ໃກ້ ຊິດຕິດແທດກັບບໍລິເວນ, ຮ່ວມກິນ, ຮ່ວມຢູ່, ຮ່ວມເຮັດວຽກກັບປະຊາຊົນ ເພື່ອກຳແໜ້ນແນວຄິດຈິດໃຈ, ຄວາມມຸ່ງມາດປາຖະ ໜາ, ຈາກນັ້ນ ເລືອກເອົາໜ້າວຽກທີ່ສອດຄ່ອງກັບຄວາມຮຽກຮ້ອງຕ້ອງການຕົວຈິງຂອງທ້ອງຖິ່ນ. ໜຶ່ງໃນບັນດາເນື້ອໃນພົ້ນເດັ່ນທີ່ກອງພົນນ້ອຍໄດ້ສຸມໃສ່ຈັດຕັ້ງປະຕິບັດແມ່ນວຽກງານໂຄສະນາ, ເຜີຍແຜ່ກົດໝາຍ ແລະ ຍົກສູງຄວາມຮັບຮູ້ໃຫ້ແກ່ປະຊາຊົນ. ກົມກອງໄດ້ສົມທົບ ກັບທ້ອງຖິ່ນຜັນຂະຫຍາຍດ້ວຍຫຼາຍຮູບການໂຄສະນາ ຄື: ກະ ຈາຍສຽງຢູ່ຮາກຖານ, ໂຄສະນາ ເຄື່ອນທີ່, ຕິດປ້າຍປາໂນ, ປ້າຍແພ, ຄຳຂວັນ... ເນື້ອໃນແມ່ນສຸມ ໃສ່ມູນເຊື້ອກອງທັບປະຊາຊົນຫວຽດນາມ, ທະຫານເຂດ 4, ກົມກອງ ແລະ ທ້ອງຖິ່ນ; ພ້ອມທັງເຜີຍແຜ່ກົດໝາຍ ວ່າດ້ວຍພັນທະການທະຫານ, ກົດໝາຍ ວ່າດ້ວຍກຳລັງສຳຮອງ, ກົດໝາຍ ວ່າດ້ວຍການຈາລະຈອນທາງບົກ, ຂົນຂວາຍປະຊາຊົນເຂົ້າຮ່ວມກໍ່ ສ້າງຊົນນະບົດໃໝ່, ຮັກສາຄວາມໝັ້ນຄົງ, ຄວາມເປັນລະບຽບຮຽບຮ້ອຍ. ໃນໄລຍະຜ່ານມາ, ກອງພົນນ້ອຍ ໄດ້ສົມທົບຈັດຕັ້ງການໂຄສະນາໄດ້ 14 ຄັ້ງ ມີປະຊາຊົນເຂົ້າຮ່ວມດ້ວຍຈຳນວນ 4.100 ເທື່ອຄົນ, ໃນນັ້ນມີຫຼາຍຄັ້ງ ໄດ້ດຳເນີນການໂຄສະນາແບບເຄື່ອນທີ່ຢູ່ຮາກຖານ. ການໂຄສະ ນາຄັ້ງຕ່າງໆ ນີ້ບໍ່ພຽງແຕ່ຊ່ວຍໃຫ້ປະຊາຊົນຍົກສູງຄວາມຮັບຮູ້ ກ່ຽວກັບກົດໝາຍເທົ່ານັ້ນ ຫາກຍັງກາຍເປັນກາລະໂອກາດ ເພື່ອສະໜິດຕິດພັນນ້ຳໃຈລະຫວ່າງທະຫານ ແລະ ປະຊາຊົນ. ຮູບພາບພະນັກງານ, ນັກຮົບອະທິບາຍ, ແນະນຳປະຊາຊົນປະຕິບັດຕາມຂໍ້ກຳນົດຂອງລັດ ໄດ້ສ້າງຄວາມເຫັນດີເຫັນພ້ອມ, ຄວາມໄວ້ເນື້ອເຊື່ອໃຈໃນໝູ່ປະຊາຊົນ. ໄປຄຽງຄູ່ກັບວຽກງານໂຄສະ ນາ, ກອງພົນນ້ອຍລົດຕັງຍານ ເກາະ 206 ຍັງສົມທົບຢ່າງແໜ້ນແຟ້ນກັບທ້ອງຖິ່ນເຂົ້າຮ່ວມກໍ່ສ້າງລະບົບການເມືອງຮາກຖານ. ກົມກອງຍັງເປັນເສນາທິການ, ສົມທົບກັນປະຕິບັດວຽກງານຄັດເລືອກທະຫານ ເປັນປະຈຳ, ປະກອບສ່ວນຍົກສູງຄຸນນະພາບການມອບ-ຮັບທະຫານໃໝ່; ພ້ອມທັງເອົາ ໃຈໃສ່ບຳ ລຸງສ້າງ, ສ້າງແຫຼ່ງຂະຫຍາຍສະມາຊິກພັກຈາກຊາວໜຸ່ມຜູ້ທີ່ດີເດັ່ນ ກ່ອນທີ່ຈະເຂົ້າເປັນທະຫານ ແລະ ສຳ ເລັດການເປັນທະຫານພັນທະ ກັບຄືນທ້ອງຖິ່ນ. ເພື່ອໃຫ້ວຽກງານຂົນຂວາຍປະຊາຊົນບັນລຸປະສິດທິຜົນຢ່າງແທດຈິງ, ຄະນະພັກ, ຄະນະບັນຊາ ກອງພົນນ້ອຍ ໄດ້ເອົາ ໃຈໃສ່ເປັນພິເສດຕໍ່ການຍົກລະ ດັບ, ບຳລຸງຄວາມຮູ້, ທັກສະໃຫ້ ແກ່ຖັນແຖວພະນັກງານ, ນັກ ຮົບປະຕິບັດໜ້າທີ່ໂດຍກົງ. ເນື້ອໃນກ່ຽວກັບວຽກງານຊົນເຜົ່າ, ສາສະໜາ, ທັກສະໂຄສະນາ, ຂົນຂວາຍມະຫາຊົນແມ່ນໄດ້ຊາບຊຶມຢ່າງເປັນປະຈຳໃນກອງ ປະຊຸມ, ການດຳເນີນຊີວິດການ ເມືອງ. ກ່ອນທີ່ຈະຜັນຂະຫຍາຍແຜນງານ, ທາງກົມກອງໄດ້ຈັດຕັ້ງການບຳລຸງຄວາມຮູ້ກ່ຽວ ກັບຊົນເຜົ່າ, ສາສະໜາໃຫ້ແກ່ພະນັກງານ, ນັກຮົບຈຳນວນ 82 ຄົນ ທີ່ເຂົ້າຮ່ວມໜ່ວຍປະຕິບັດວຽກງານຂົນຂວາຍປະຊາຊົນ. ທ່າ ພັນເອກ ເຈິ່ນງອກທາວ ຮອງຫົວໜ້າການເມືອງ ກອງພົນນ້ອຍລົດຕັງຍານເກາະ 206 ໃຫ້ຮູ້ວ່າ, “ຄະນະພັກ, ຄະນະບັນຊາກອງພົນນ້ອຍ ຍາມໃດກໍກຳນົດວຽກງານຂົນຂວາຍປະຊາຊົນແມ່ນໜ້າທີ່ການເມືອງສຳຄັນ, ປະກອບສ່ວນສ້າງບໍລິເວນໃຫ້ມີຄວາມປອດໄພ, ປັບປຸງຄວາມໄວ້ເນື້ອເຊື່ອໃຈຂອງປະຊາຊົນທີ່ມີຕໍ່ພັກ, ລັດ ແລະ ກອງທັບ. ພະນັກງານ, ນັກຮົບແຕ່ລະຄົນ ເມື່ອລົງບໍລິເວນຕ້ອງເສີມຂະ ຫຍາຍຄວາມຮັບຜິດຊອບ, ໃກ້ ຊິດຕິດແທດກັບປະຊາຊົນ, ເຂົ້າ ໃຈປະຊາຊົນ, ຊ່ວຍປະຊາຊົນດ້ວຍໜ້າວຽກທີ່ແທດຈິງ”. ຈາກການກະກຽມຢ່າງຮອບຄອບຖີ່ຖ້ວນ, ພະນັກງານ-ນັກ ຮົບເມື່ອລົງຮາກຖານໄດ້ເສີມ ຂະຫຍາຍບົດບາດ “ຂົວຕໍ່” ລະ ຫວ່າງຄະນະພັກ, ອຳນາດການປົກຄອງກັບປະຊາຊົນເປັນຢ່າງດີ. ນັກຮົບໜຸ່ມຫຼາຍຄົນເຖິງວ່າ ເປັນຄັ້ງທຳອິດທີ່ເຮັດວຽກງານ ຂົນຂວາຍປະຊາຊົນກໍຕາມ ແຕ່ດ້ວຍຄວາມຈິງໃຈ, ຄວາມຮັບ ຜິດຊອບກໍສາມາດສ້າງນ້ຳໃຈອັນ ດີງາມກັບພໍ່ແມ່ປະຊາຊົນໄດ້. ຈຸດພົ້ນເດັ່ນໃນວຽກງານຂົນຂວາຍປະຊາຊົນຂອງກອງພົນນ້ອຍລົດຕັງຍານເກາະ 206 ແມ່ນການກໍ່ສ້າງ ແລະ ຮັກສາຫຼາຍຮູບແບບທີ່ແທດຈິງ ເພື່ອມຸ່ງໄປເຖິງຊີວິດການເປັນຢູ່ຂອງປະຊາຊົນ. ພົ້ນເດັ່ນແມ່ນຮູບແບບ “ເສັ້ນທາງດອກໄມ້ສີຂຽວ, ສະອາດ, ສວຍງາມ ແລະ ແຈ້ງສະຫວ່າງໃນໝູ່ບ້ານ”. ເສັ້ນທາງຕ່າງໆມີຄວາມສະ ອາດ, ສວຍງາມ ແລະ ກວ້າງຂວາງກວ່າເກົ່າ ຊ່ວຍໃຫ້ປະຊາຊົນເດີນທາງໄປມາສະດວກ, ສະພາບຄວາມສະຫງົບ, ຄວາມເປັນລະບຽບຮຽບຮ້ອຍໄດ້ຮັບປະກັນດີກວ່າ. ບໍ່ພຽງແຕ່ເຮັດໃຫ້ຊົນນະບົດປ່ຽນແປງໂສມໜ້າ, ຮູບແບບດັ່ງກ່າວຍັງປະກອບສ່ວນຍົກສູງຄວາມຮັບຮູ້ຂອງປະຊາຊົນໃນການຮັກສາສຸຂະອະນາໄມສິ່ງແວດລ້ອມ, ສ້າງຊີວິດວັດທະນະ ທຳຢູ່ເຂດຊຸມຊົນອີກດ້ວຍ. ສະຫາຍ ຫງວຽນຮຸ່ງເກື່ອງ ປະທານຄະນະກຳມະການປະຊາ ຊົນຕາແສງ ເຫງ້ຍເລິມ ຕີລາຄາວ່າ, “ບັນດາການເຄື່ອນໄຫວຂົນ ຂວາຍປະຊາຊົນຂອງກອງພົນນ້ອຍລົດຕັງຍານເກາະ 206 ໄດ້ນຳມາ ເຊິ່ງປະສິດທິຜົນທີ່ແທດຈິງ, ປະກອບສ່ວນເຮັດໃຫ້ ຊົນນະບົດປ່ຽນແປງໂສມໜ້າ, ປັບປຸງນ້ຳໃຈສາມັກຄີລະຫວ່າງທະຫານ ແລະ ປະຊາຊົນ. ພະນັກ ງານ, ນັກຮົບກົມກອງຍາມໃດ ກໍມີຄວາມຮັບຜິດຊອບ, ໃກ້ຊິດ ຕິດແທດກັບປະຊາຊົນ, ໜູນຊ່ວຍທ້ອງຖິ່ນໃນຫຼາຍໜ້າທີ່”. ການເຄື່ອນໄຫວວຽກງານຂົນຂວາຍປະຊາຊົນ ໄດ້ສະແດງອອກຜ່ານແຕ່ລະໜ້າວຽກລະ ອຽດ, ພະນັກງານ, ນັກຮົບກອງພົນນ້ອຍລົດຕັງຍານເກາະ 206 ບໍ່ພຽງແຕ່ປະກອບສ່ວນຊ່ວຍປະຊາຊົນປັບປຸງຊີວິດການເປັນຢູ່ເທົ່ານັ້ນ ຫາກຍັງປັບປຸງຄວາມໄວ້ເນື້ອເຊື່ອໃຈຂອງປະຊາຊົນທີ່ມີຕໍ່ພັກ, ລັດ ແລະ ກອງທັບ ອີກດ້ວຍ; ຜ່ານນັ້ນສ້າງຄວາມປະທັບໃຈທີ່ດີງາມລະຫວ່າງກົມກອງກັບຄະນະພັກ, ອຳນາດການປົກຄອງທ້ອງຖິ່ນ, ເພີ່ມທະວີການພົວພັນລະຫວ່າງທະຫານ ແລະ ປະຊາຊົນຢ່າງແທ້ຈິງ; ປະຕິບັດທະຫານກັບປະຊາຊົນເປັນຈິດໜຶ່ງໃຈດຽວ, ເຮັດພາລະບົດບາດເປັນກອງທະຫານປະຕິບັດງານເປັນຢ່າງດີ, ຮັກສາ ແລະ ເສີມສ້າງຮູບພາບທະຫານລຸງໂຮ່ ໄວ້ໃນໃຈປະຊາຊົນຕະຫຼອດເວລາ.

news to day and hot news