ວັນເສົາ, ວັນທີ 13 ມິຖຸນາ 2026
ແພຣວາ ຈົບອັນດັບທີ 17 ການແຂ່ງຂັນກິລາຍິມນາສຕິກລີລາ ຊິງແຊ້ມ 2026 Asian Rhythmic Gymnastics Championships
ເວລາອອກຂ່າວ: 2026-05-28 10:40:20 | ຜູ້ຂຽນ : admin3 | ຈຳນວນຄົນເຂົ້າຊົມ: 294 | ຄວາມນິຍົມ: 
ແພຣວາ ມິສາໂຕະ ພິລາພັນເດຊ ນັກກິລາຍິມນາສຕິກ ທີມຊາດລາວໜຶ່ງດຽວ ທີ່ເຂົ້າຮ່ວມຊິງແຊ້ມອາຊີຄັ້ງນີ້ ສາມາດຕິດ 1 ໃນ 18 ນັກກິລາ ທີ່ຜ່ານເຂົ້າໄປຊິງຊະນະເລີດ ໃນວັນທີ 26 ພຶດສະພານີ້ ແລະ ຈົບອັນດັບທີ 17 ໄດ້ ຄະແນນ, ສ່ວນອັນດັບທີ 1 ຫຼຽນຄຳ ເປັນຂອງ ທັກມີນ້າ ອິກໂຣໂມວ້າຈາກອຸສເບກິສຖານ, ທີ 2 ຫລຽນເງິນ ໄອໂບຕ້າ ເຢີໄທຊີ້ ຈາກຄາຊັກສະຖານ ແລະ ທີ 3 ຫຼຽນທອງ ເປັນຂອງ ນາຕາວຢ້າ ໂອໂຊວ້າ ຈາກອຸສເບກິສຖານ.
ຈາກຜົນງານຄັ້ງນີ້ ແພຣວາ ສາມາດຄວ້າສິດໄປ ເອຊຽນເກມ 2026 ສອງຄັ້ງຕິດຕໍ່ກັນ ຕໍ່ຈາກປີ 2022 ທີ່ຫາງໂຈວ່ ປະເທດຈີນ ແລະ ເປັນໜຶ່ງໃນ 6 ນັກກິລາຈາກອາຊຽນ ຄວ້າສິດໄປ ເອຊຽນເກມ 2026 ໃນນີ້ມີນັກກິລາຈາກ ສິງກະໂປ 2 ຄົນ, ຟີລິບປິນ 2 ຄົນ, ລາວ ແລະ ໄທ ຊາດລະ 1 ຄົນ.
ສຳລັບ ເອຊຽນເກມ 2026 ທີ່ເມືອງໄອຈິ ແລະ ນາໂກຢ້າ ປະເທດຍີ່ປຸ່ນ ເປັນເຈົ້າພາບ ໃນລະຫວ່າງວັນທີ 19 ກັນຍາ - 4 ຕຸ ລາປີນີ້.
ນ້ອງ ແພຣວາ ເປັນນັກກິລາຍິມນາສຕິກປະຫວັດສາດໜຶ່ງດຽວຂອງລາວ ທີ່ຜ່ານການຄັດເລືອກ ໄດ້ສິດໄປແຂ່ງຂັນ ເອຊຽນເກມ ລະດັບທະວີບອາຊີ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
