ວັນເສົາ, ວັນທີ 13 ມິຖຸນາ 2026
ກອງທັບອາກາດອິນໂດເນເຊຍ ໄດ້ຮັບຍົນສູ້ຮົບ Dassault Rafale F4 ຫົກລຳທຳອິດ
ເວລາອອກຂ່າວ: 2026-05-28 10:37:12 | ຜູ້ຂຽນ : admin3 | ຈຳນວນຄົນເຂົ້າຊົມ: 262 | ຄວາມນິຍົມ: 
ຕາມເວບໄຊຂ່າວການທະຫານຕ່າງປະເທດ ລາຍງານວ່າ: ວັນທີ 18 ພຶດສະພາ 2026 ກອງທັບອາກາດອິນໂດເນເຊຍ ໄດ້ຮັບຍຸດໂທປະກອນໃໝ່ຢ່າງ ເປັນທາງການທີ່ຈັດຊື້ຈາກປະເທດຝຣັ່ງ, ໂດຍມີ ທ່ານ Prabowo Subianto ປະທານາທິ ບໍດີອິນໂດເນເຊຍເປັນປະທານ ໃນພິທີດັ່ງກ່າວທີ່ຖານທັບອາ ກາດ Halim Perdanakusuma ໃນຈາກາຕາ.
ກອງທັບອາກາດອິນໂດເນເຊຍ ໄດ້ຮັບເຮືອຍົນສູ້ຮົບ Dassault Rafale F4 ຈຳນວນຫົກລຳ, ພ້ອມກັບລູກສອນໄຟນຳວິຖີອາກາດສູ່ພື້ນດິນ ແລະ ອາກາດສູ່ອາກາດ, ເຮືອບິນທຸລະກິດ Dassault Falcon 8X ຈຳນວນສີ່ລຳ, ເຮືອບິນຂົນສົ່ງ Airbus A400M Atlas ໜຶ່ງລຳ ແລະ ລະບົບ radar ປ້ອງກັນທາງອາກາດໄລຍະໄກ Thales Groundmaster GM403 ສອງລຳ.
ທັງໝົດນີ້ແມ່ນສ່ວນໜຶ່ງຂອງຄວາມພະຍາຍາມຂອງອິນໂດເນເຊຍໃນການປັບປຸງຄວາມສາມາດທາງທະຫານຂອງຕົນໃຫ້ທັນສະໄໝ.
ຍົນສູ້ຮົບ Rafale F4 ຈະກາຍເປັນຍົນສູ້ຮົບທີ່ທັນສະໄໝທີ່ສຸດຂອງອິນໂດເນເຊຍ, A400M ຈະເປັນເຮືອບິນຂົນສົ່ງທີ່ມີປະສິດທິພາບທີ່ສຸດຂອງອິນໂດເນເຊຍ, Falcon 8X ຈະເສີມຂະຫຍາຍຄວາມສາມາດໃນການຂົນສົ່ງ VIP ລະດັບສູງ ແລະ radar GM403 ຈະທົດແທນລະບົບເກົ່າເພື່ອຕື່ມຊ່ອງຫວ່າງໃນການຄອບຄຸມ radar ເຝົ້າລະວັງທາງອາກາດຂອງອິນໂດເນເຊຍ.
ອິນໂດເນເຊຍ ໄດ້ສັ່ງຊື້ຍົນສູ້ຮົບ Rafale F4 ຈຳນວນ 42 ລຳຈາກບໍລິສັດການບິນອະວະກາດຍັກໃຫຍ່ຂອງຝຣັ່ງ Dassault Aviation, ໂດຍມີການຈັດສົ່ງເປັນງວດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
