ວັນເສົາ, ວັນທີ 13 ມິຖຸນາ 2026
ຮ່າໂນ້ຍຕ້ອງນຳໜ້າໃນການສ້າງ ຮູບແບບຄຸ້ມຄອງບໍລິຫານຕົວເມືອງທັນສະໄໝ
ເວລາອອກຂ່າວ: 2026-05-28 10:35:30 | ຜູ້ຂຽນ : admin3 | ຈຳນວນຄົນເຂົ້າຊົມ: 258 | ຄວາມນິຍົມ: 
ຕາມຂ່າວຫວຽດນາມ, ຮ່າໂນ້ຍຕ້ອງມີຈິນຕະນາການໃໝ່, ວິທີເຮັດໃໝ່, ສືບຕໍ່ບູລະນະຮູບແບບອຳນາດການປົກຄອງທ້ອງຖິ່ນສອງຂັ້ນໃຫ້ສົມບູນແບບ, ສ້າງ
ອຳນາດການປົກຄອງໃກ້ຊິດປະຊາຊົນກວ່າ, ໄວກວ່າ, ໂປ່ງໃສກວ່າ ແລະ ມີປະສິດທິຜົນກວ່າ.
ຕອນບ່າຍວັນທີ 26 ພຶດສະພາ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນການພັກກອມມູນິດ, ປະທານປະເທດ ຫວຽດນາມ, ເປັນຫົວໜ້າຄະນະກວດກາເລກ 10 ຂອງກົມການເມືອງ, ເຂົ້າຮ່ວມ ແລະ ເປັນປະທານກອງປະຊຸມຮັບຮອງເອົາຮ່າງບົດລາຍງານໝາກຜົນການກວດກາ ຄັ້ງທີ 2 ຂອງກົມການເມືອງ ຕໍ່ຄະນະປະຈຳຄະນະພັກນະຄອນ ຮ່າໂນ້ຍ.
ກ່າວຄຳເຫັນສະຫຼຸບກອງປະຊຸມ, ທ່ານ ໂຕເລິມ ໄດ້ເນັ້ນໜັກວ່າ, ຮ່າໂນ້ຍຕ້ອງມີຈິນຕະນາການໃໝ່, ວິທີເຮັດໃໝ່, ສືບຕໍ່ບູລະນະຮູບແບບອຳນາດການປົກ
ຄອງທ້ອງຖິ່ນ ສອງຂັ້ນໃຫ້ສົມບູນແບບ, ສ້າງອຳນາດການປົກຄອງໃກ້ຊິດປະຊາຊົນກວ່າ, ໄວກວ່າ, ໂປ່ງໃສກວ່າ ແລະ ມີປະສິດທິຜົນກວ່າ. ທ່ານເລຂາທິການໃຫຍ່ ຮຽກຮ້ອງໃຫ້ການນຳນະຄອນຫຼວງຮ່າໂນ້ຍ ຕ້ອງນຳໜ້າໃນການສ້າງຮູບແບບຄຸ້ມຄອງບໍລິຫານຕົວເມືອງທີ່ທັນສະໄໝ, ຫັນເປັນຂໍ້ມູນ, ບໍລິຫານດີຈີຕອນ, ນະຄອນຕ້ອງມີຄວາມເອົາໃຈໃສ່ເປັນພິເສດເຖິງການສ້າງຖັນແຖວພະນັກງານຂັ້ນຮາກຖານ, ຍົກສູງປະສິດທິຜົນໃນການເຄື່ອນໄຫວຂອງ 126 ຕາແສງ. ໃນນັ້ນ ຮ່າໂນ້ຍຕ້ອງສຸມໃສ່ແກ້ໄຂບັນດາຈຸດອັດຕັນ, ນຳນະຄອນກາຍເປັນມະຫາຕົວເມືອງຫົວຄິດປະດິດສ້າງ, ສີຂຽວ, ອັດສະລິຍະ, ເຊື່ອມຕໍ່ທົ່ວໂລກ. ພ້ອມກັບການພັດທະນາເສດຖະກິດ, ນະຄອນຕ້ອງເອົາໃຈໃສ່ເຖິງສະຫວັດດີການສັງຄົມ, ເບິ່ງແຍງດູແລສຸຂະພາບປະຊາຊົນ, ລົງທຶນດ້ານເຮືອນຢູ່ສັງຄົມ,
ເຮືອນໃຫ້ເຊົ່າ ແລະ ນະໂຍບາຍເຮືອນຢູ່ໃຫ້ປະຊາຊົນທີ່ມີຄວາມຕ້ອງການ ແຕ່ເງື່ອນໄຂເສດຖະກິດຍັງຈຳກັດຢູ່.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
