ວັນເສົາ, ວັນທີ 13 ມິຖຸນາ 2026
ສະມາຊິກພັກນຳໜ້າ ກອງທັບເຂັ້ມແຂງ
ເວລາອອກຂ່າວ: 2026-05-28 10:25:21 | ຜູ້ຂຽນ : admin3 | ຈຳນວນຄົນເຂົ້າຊົມ: 346 | ຄວາມນິຍົມ: 
ກອງທັບແມ່ນກຳລັງຫຼັກແຫຼ່ງໃນການປົກປ້ອງເອກະລາດ, ອະທິປະໄຕ ແລະ ຄວາມສະຫງົບຂອງຊາດ. ການທີ່ກອງທັບຈະມີຄວາມເຂັ້ມແຂງໄດ້ນັ້ນ ບໍ່ແມ່ນອາໄສພຽງແຕ່ອາວຸດທັນສະໄໝ ຫຼື ກຳລັງພົນຈຳນວນຫຼາຍເທົ່ານັ້ນ, ແຕ່ສິ່ງສຳຄັນທີ່ສຸດຄືການນຳພາທາງດ້ານແນວຄິດ, ຈິດໃຈ ແລະ ອຸດົມການ. ດັ່ງນັ້ນ “ສະມາຊິກພັກນຳໜ້າ ກອງທັບເຂັ້ມແຂງ” ຈຶ່ງເປັນຫຼັກການ ແລະ ພາລະກິດອັນສຳຄັນໃນການສ້າງກອງທັບໃຫ້ມີຄວາມໜັກແໜ້ນທຸກດ້ານ.
ສະມາຊິກພັກໃນກອງທັບ ແມ່ນຜູ້ທີ່ມີບົດບາດນຳໜ້າໃນທຸກກິດຈະກຳ. ບໍ່ວ່າຈະເປັນການເຝິກຝົນຫຼໍ່ຫຼອມ, ການປະຕິບັດໜ້າທີ່, ການຮັກສາລະບຽບວິໄນ
ຫຼື ການຮັບໃຊ້ປະຊາຊົນ, ສະມາຊິກພັກຕ້ອງເປັນແບບຢ່າງທີ່ດີ ໃຫ້ແກ່ກຳລັງພົນທັງໝົດ. ການນຳໜ້າບໍ່ແມ່ນເພີງແຕ່ຄຳເວົ້າ ແຕ່ຕ້ອງສະແດງອອກຜ່ານການກະ
ທຳຕົວຈິງ, ມີຄວາມເສຍສະຫຼະ, ກ້າຫານ ແລະ ຊື່ສັດຕໍ່ພັກ ແລະ ປະຊາຊົນ.
ການສ້າງກອງທັບໃຫ້ເຂັ້ມແຂງ ຈຳເປັນຕ້ອງສ້າງຄວາມເຂັ້ມແຂງດ້ານການເມືອງ ແລະ ອຸດົມການກ່ອນ. ສະມາຊິກພັກຈຶ່ງຕ້ອງໝັ່ນສຶກສາແນວຄິດ, ຍົກສູງຈິດສຳນຶກປະຕິວັດ, ມີຈຸດຍືນທາງການເມືອງທີ່ໜັກແໜ້ນ ແລະ ບໍ່ຫວັ່ນໄຫວຕໍ່ສະພາບການທີ່ສັບສົນ. ເມື່ອສະມາຊິກພັກມີຄວາມເຂັ້ມແຂງດ້ານແນວຄິດ ກໍຈະສາມາດນຳພາກຳລັງພົນໃຫ້ມີຄວາມສາມັກຄີ, ມີລະບຽບວິໄນ ແລະ ພ້ອມປະຕິບັດພາລະກິດໃນທຸກສະຖານະການ. ນອກຈາກນັ້ນ ສະມາຊິກພັກຕ້ອງເປັນຜູ້ນຳໜ້າໃນການເຝິກຝົນທາງທະຫານ. ການເຝິກຝົນທີ່ດີຈະເຮັດໃຫ້ກອງທັບມີຄວາມພ້ອມຮົບ ແລະ ສາມາດຮັບມືກັບທຸກໄພຄຸກຄາມ. ສະມາຊິກພັກຕ້ອງຂະຫຍັນ, ອົດທົນ, ເຝິກຝົນທັກສະວິຊາການ ແລະ ເປັນຕົວຢ່າງໃນການຮັກສາລະບຽບວິໄນ. ເມື່ອຜູ້ນຳໜ້າປະພຶດດີ ກຳລັງພົນອື່ນໆກໍຈະເຮັດຕາມ ແລະ ສ້າງເປັນພະລັງຮ່ວມທີ່ເຂັ້ມແຂງ. ອີກດ້ານໜຶ່ງສະມາຊິກພັກຍັງຕ້ອງມີຄວາມໃກ້ຊິດກັບປະຊາຊົນ. ກອງທັບແມ່ນມາຈາກປະຊາຊົນ ແລະ ຮັບໃຊ້ປະຊາຊົນ, ດັ່ງນັ້ນສະມາຊິກພັກຕ້ອງຮູ້ຈັກຊ່ວຍເຫຼືອປະຊາຊົນ, ປົກປ້ອງຜົນປະໂຫຍດຂອງປະຊາຊົນ ແລະ ສ້າງຄວາມເຊື່ອໝັ້ນອັນ ແໜ້ນແຟ້ນລະຫວ່າງກອງທັບ ກັບ ປະຊາຊົນ. ນີ້ແມ່ນພື້ນຖານສຳຄັນທີ່ເຮັດໃຫ້ກອງທັບມີຄວາມເຂັ້ມແຂງ ແລະ ໄດ້ຮັບການສະໜັບສະໜູນຈາກມວນຊົນ.
ໃນຍຸກປັດຈຸບັນ ສະພາບການໂລກ ແລະ ພາກພື້ນມີການປ່ຽນແປງຢ່າງໄວວາ. ໄພຄຸກຄາມຮູບແບບໃໝ່, ຂ່າວປອມ ແລະ ການໂຈມຕີທາງແນວຄິດ ເປັນສິ່ງທ້າທາຍຕໍ່ຄວາມໝັ້ນຄົງ. ດັ່ງນັ້ນ ສະມາຊິກພັກຍິ່ງຕ້ອງພັດທະນາຄວາມຮູ້, ທັນຕໍ່ເຫດການ, ຮູ້ຈັກນຳໃຊ້ເຕັກໂນໂລຊີ ແລະ ຕໍ່ສູ້ກັບແນວຄິດທີ່ບິດເບືອນ ເພື່ອປົກປ້ອງແນວທາງ ແລະ ຜົນປະໂຫຍດຂອງຊາດ.
ໂດຍ: ໂຊເລ້ ບຸນເຮືອງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
