POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 13 ມິຖຸນາ 2026

ປັດໄຈທີ່ເຮັດໃຫ້ຜູ້ນຳພັກ ແລະ ແນວລາວຮັກຊາດ ໂຕນຄຸກຢ່າງມະຫັດສະຈັນ ໄປສູ່ເຂດທີ່ໝັ້ນການປະຕິວັດ ຢ່າງປອດໄພ
ເວລາອອກຂ່າວ: 2026-05-27 10:49:56 | ຜູ້ຂຽນ : admin3 | ຈຳນວນຄົນເຂົ້າຊົມ: 511 | ຄວາມນິຍົມ:

ການແຫກຄຸກໂພນເຄັງຂອງບັນດາຜູ້ນຳພັກ ແລະ ແນວລາວຮັກຊາດ ເປັນເຫດການປະຫວັດສາດທີ່ມີຄວາມໝາຍ, ຄວາມສຳຄັນ, ແມ່ນໝາກຜົນແຫ່ງການຊີ້ນຳ-ນຳພາຢ່າງໃກ້ຊິດຂອງສູນກາງພັກ ແລະ ຍ້ອນຄວາມຕັດສິນໃຈອັນສູງສົ່ງ, ຄວາມມີໄຫວພິກສະຫຼາດສະຫຼຽວ ຂອງບັນດາສະຫາຍ ພະນັກງານທີ່ໄດ້ຮັບການມອບໝາຍໃຫ້ປະຕິບັດໜ້າທີ່ ໃນການເອົາຜູ້ນຳອອກຈາກຄຸກ ພ້ອມກັນນັ້ນ, ກໍແມ່ນໝາກຜົນແຫ່ງຄວາມມານະພະຍາຍາມຂອງບັນດາຜູ້ນຳຢູ່ໃນຄຸກ ທີ່ໄດ້ຕັ້ງໜ້າສຶກສາອົບຮົມຂົນຂວາຍເອົາ ບັນດາສາລະວັດທະຫານ ໃຫ້ມີຄວາມຕື່ນຕົວມາເປັນໃຈເຮົາ. ເຫດການ ຜູ້ນຳພັກ ແລະ ແນວລາວຮັກຊາດ ໂຕນຄຸກຢ່າງມະຫັດສະຈັນ ໄປສູ່ເຂດທີ່ໝັ້ນຂອງການປະຕິວັດ ຢ່າງປອດໄພ ແມ່ນຍ້ອນຫຼາຍປັດໄຈ ເປັນຕົ້ນແມ່ນ: ໜຶ່ງ: ຍ້ອນການນຳພາອັນສະຫຼາດສ່ອງໃສ ແລະ ປີຊາສາມາດຂອງປະທານ ໄກສອນ ພົມວິຫານ ແລະ ສູນກາງພັກ, ການຊີ້ນຳລະອຽດຕົວຈິງຂອງ ທ່ານ ສາລີ ວົງຄຳຊາວ ຄະນະພັກ ແຂວງວຽງຈັນ ທີ່ໄດ້ກະກຽມຢູ່ທາງນອກ ແລະ ທາງໃນ, ເປັນການຕີຈັງຫວະເຂົ້າແກັບເຂົ້າເກຍ ຊັດເຈນທີ່ສຸດ ສອງ: ຍ້ອນນໍ້າໃຈຮັກຊາດອັນແຮງກ້າ ຂອງບັນດາຜູ້ນຳເຮົາທີ່ມີຄວາມກ້າຫານ, ຕັດສິນໃຈຕໍ່ສູ້ຍອມເສຍສະຫຼະ, ມີຄວາມປີຊາສາມາດຂົນຂວາຍ, ສຶກສາອົບຮົມສາລະວັດທະຫານ, ເຮັດໃຫ້ສັດຕູກາຍເປັນມິດສະຫາຍຮ່ວມຕາຍນຳກັນ. ສາມ: ຍ້ອນສາລະວັດທະຫານ ມີນ້ຳໃຈຮັກຊາດອັນດູດດື່ມ, ເບື່ອໜ່າຍຕໍ່ອຳນາດການປົກຄອງຫຸ່ນປະຕິການ, ເຂົາເຈົ້າມີຄວາມຈົ່ງຮັກພັກດີ, ຊື່ສັດຕໍ່ຜູ້ນຳສຸດຂີດ ກາຍເປັນຜູ້ໄຂປະຕູຫ້ອງຄຸມຂັງແຕ່ລະຫ້ອງ, ໄຂປະຕູຄຸກ ແລ້ວປ້ອງກັນ ແລະ ພາຜູ້ນຳພັກ ແລະ ແນວລາວຮັກຊາດ ຍ່າງອອກຈາກຄຸກໂພນເຄັງ ຢ່າງປອດໄພ. ສີ່: ຍ້ອນຄວາມຕື່ນຕົວຮັກຊາດຂອງປະຊາຊົນທຸກຊັ້ນຄົນ, ນັບທັງພະສົງອົງເຈົ້ານະຄອນຫຼວງວຽງຈັນ, ແຂວງວຽງຈັນ ແລະ ທົ່ວປະເທດ ໂດຍການປຸກລະດົມຂົນຂວາຍຈາກກອງໜູນ (ກຳລັງປະຕິວັດທີ່ແຈກຢາຍລົງທ້ອງຖິ່ນຕ່າງໆ) ມີຄວາມຕື່ນຕົວ, ດຳເນີການຕໍ່ສູ້ ເລັ່ງທວງໃຫ້ພວກປະຕິການປ່ອຍຜູ້ນຳ, ເມື່ອຜູ້ນຳໂຕນຄຸກ ເຂົາເຈົ້າກໍຮັກສາຄວາມລັບ, ປ້ອງກັນ ແລະ ລ້ຽງດູຜູ້ນຳ. ຫ້າ: ຄອບຄົວພີ່ນ້ອງລູກຫຼານຂອງຜູ້ນຳ ໂດຍສະເພາະແມ່ນ ປ້າຄຳແພງ ບູຜາ ໄດ້ເຄື່ອນໄຫວປຸກລະດົມປະຊາຊົນ ດຳເນີນການຕໍ່ສູ້ຢ່າງແຂງແຮງ. ຫົກ: ການເຄື່ອນໄຫວຂອງຜູ້ຊົງຄຸນວຸດທິ, ຜູ້ຮັກຫອມສັນຕິພາບເປັນກາງ ທີ່ໄດ້ສະໜັບສະໜູນຕໍ່ຝ່າຍແນວລາວຮັກຊາດ, ຕໍ່ສູ້ປ້ອງກັນຜູ້ນຳ, ຫາວິທີບໍ່ໃຫ້ນຳເອົາຜູ້ນຳອອກຕັດສິນ. ເຈັດ: ຍ້ອນກຳລັງຝ່າຍປະເທດລາວ, ກອງພັນທີ 2 ແລະ ທະຫານທ້ອງຖິ່ນ ທີ່ປ້ອງກັນຜູ້ນຳ ແລະ ກຽມພ້ອມທັບມ້າງທຸກການໄລ່ລ່າຂອງສັດຕູ ເປັນຜູ້ນຳພາທາງທີ່ກຳນົດໄວ້ກ່ອນ ເພື່ອໃຫ້ຜູ້ນຳອອກໄປສູ່ທ້ອງຖິ່ນຕ່າງໆ. ແປດ: ຍ້ອນການສະໜັບສະ ໜູນຂອງພັກ, ລັດ ແລະ ປະຊາຊົນຫວຽດນາມ ແລະ ປະເທດສັງຄົມນິຍົມອ້າຍນ້ອງ, ນັບທັງອົງການສະຫະປະຊາຊາດ ທີ່ໄດ້ແຕ່ງຜູ້ແທນມາພົບປະກັບ ລັດຖະບານຫຸ່ນ ແລະ ກົດດັນໃຫ້ພວກປະຕິການຕ້ອງຮັບປະກັນຊີວິດ ໃຫ້ແກ່ຜູ້ນຳທັງໝົດ.

news to day and hot news