POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 16 ມິຖຸນາ 2026

ພິທີເປີດຝຶກອົບຮົມກວດສອບ ເລຂາ, ຮອງເລຂາໜ່ວຍພັກ ຄັ້ງທີ III
ເວລາອອກຂ່າວ: 2026-05-21 09:58:24 | ຜູ້ຂຽນ : admin2 | ຈຳນວນຄົນເຂົ້າຊົມ: 438 | ຄວາມນິຍົມ:

ໃນວັນທີ 20 ພຶດສະພາ 2026 ວິທະຍາຄານພະລາທິການກອງທັບ, ໄດ້ເປີດຝຶກອົບຮົມກວດສອບ ເລຂາ, ຮອງເລຂາ ໜ່ວຍພັກ ຊຸດທີ III, ຢູ່ທີສະໂມສອນຂອງຕົນ ໂດຍການເປັນປະທານຂອງສະຫາຍ ພົນຈັດຕະວາ ສອນທັນ ສຸວົງໄຊ ເລຂາຄະນະພັກວິທະຍາຄານ ຫົວໜ້າກາານເມືອງ ວິທະຍາຄານພະລາທິການກອງທັບ, ມີສະຫາຍ ພັນເອກ ໄຊຍະສຸກ ແສງປະທິບ ຮອງຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ ພ້ອມດ້ວຍຄະນະ, ມີຄະນະພັກ-ຄະນະອໍານວຍການ, ຄະນະພັກ-ຄະນະບັນຊາ 6 ຫ້ອງ 2 ກອງພັນ ແລະ ພະນັກງານຫຼັກແຫຼັງເຂົ້າຮ່ວມ. ໃນພິທີສະຫາຍ ພັນເອກ ໄຊຍະສຸກ ແສງປະທິບ ຮອງຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ, ໄດ້ຂື້ນຜ່ານ ຂໍ້ຕົກລົງ, ວ່າດ້ວຍການເປີດຝຶກອົບຮົມກວດສອບເລຂາ, ຮອງເລຂາຫນ່ວຍພັກ ຄັ້ງທີ III, ສະບັບເລກທີ 2740/ກມທ, ລົງວັນທີ 18/5/2025 ຢູ່ຄະນະພັກວິທະຍາຄານພະລາທິການກອງທັບ, ຈາກນັ້ນສະຫາຍ ພັນເອກ ປະລິນຍາເອກ ແສງທອງ ອຸ່ນນາງ ຄະນະປະຈໍາພັກ ຫົວໜ້າຫ້ອງການເມືອງ ວິທະຍາຄານພະລາທິການກອງທັບ, ກໍ່ໄດ້ຂື້ນຜ່ານ ມະຕິຕົກລົງຂອງຄະນະພັກວິທະຍາຄານພະລາທິການກອງທັບ ສະບັບເລກທີ 183/ຄພວພກ, ລົງວັນທີ 15 / 02 / 2026 ວ່າດ້ວຍການແຕ່ງຕັ້ງຄະນະຮັບຜິດຊອບຝຶກອົບຮົມກວດສອບເລຂາ, ຮອງເລຂາຮາກຖານພັກ ຄັ້ງທີ III, ຢູ່ອົງຄະນະພັກວິທະຍາຄານພະລາທິການກອງທັບ, ພ້ອມດຽວກັນນີ້ ສະຫາຍຍັງໄດ້ຜ່ານແຜນການຝຶກອົບຮົມກວດສອບເລຂາ, ຮອງເລຂາຮາກຖານພັກ, ສະບັບເລກທີ 182/ຄພວພກ ລົງວັນທີ 25 ມີນາ 2026, ໃນນີ້ມີບັນດາສະຫາຍເລຂາ-ຮອງເລຂາ, ກໍາມະການຄະນະພັກຮາກຖານ ແລະ ຫນ່ວຍພັກ ຈໍານວນ 06 ຄະນະພັກຮາກຖານ 35 ຫນ່ວຍພັກ, ມີຈໍານວນນັກກວດສອບຕົວຈິງ 82 ສະຫາຍ,ຍີງ 09 ສະຫາຍ, ເຊີ່ງເນື້ອໃນເອກະສານລວມມີ 2 ພາກຄື: ພາກທິດສະດີມີ 20 ຄໍາຖາມ 20 ຄໍາຕອບ, ພາກປະຕິບັດຕົວຈິງມີ 20 ຄໍາຖາມ 20 ຄໍາຕອບ. ການຝຶກອົບຮົມເຊີ່ງຈະດໍາເນີນເປັນເວລາ 10 ວັນ, ເລີມແຕ່ວັນທີ 20 - 29 ພຶດສະພາ 2026 ຈຶ່ງຈະສໍາເລັດ. ເພື່ອເປັນການຍົກສູງລະດັບຄວາມສາມາດການນໍາພາຂອງການຈັດຕັ້ງຮາກຖານພັກ, ໂດຍສະເພາະແມ່ນຖັນແຖວ ເລຂາ-ຮອງເລຂາຫນ່ວຍພັກ ໃນທົ່ວຄະນະພັກວິທະຍາຄານພະລາທິການກອງທັບ. ແນ່ໃສ່ປັບປຸງການຈັດຕັ້ງຮາກຖານພັກຫນັກແຫນ້ນ, ເຂັ້ມແຂງສາມາດເສີມຂະຫຍາຍກໍາລັງແຮງ, ຄວາມສາມາດສູ້ຮົບ ແລະ ເຮັດສໍາເລັດຫນ້າທີ່ການເມືອງໃນໄລຍະໃຫມ່ ແລະ ເພື່ອເປັນການຊຸກຍູ້, ປຸກລະດົມຂະບວນການສ້າງຫນ່ວຍພັກປອດໃສ, ເຂັ້ມແຂງ, ຫນັກແຫນ້ນໃນທົ່ວຄະນະພັກວິທະຍາຄານພະລາທິການກອງທັບ ໃຫ້ເປັນຂະບວນການຟົດຟື້ນ, ໂດຍຖືເອົາຄຸນນະພາບເປັນສໍາຄັນ. ໂອກາດດຽວກັນນີ້ ສະຫາຍປະທານຍັງໄດ້ສະແດງຄວາມຍ້ອງຍໍຊົມເຊີຍຕໍ່ບັ້ນຝຶກອົບຮົມກວດສອບເລຂາ-ຮອງເລຂາ ໃນຄັ້ງນີ້, ພ້ອມທັງກ່າວເປິດພິທີຝຶກອົບຮົມກວດສອບຢ່າງເປັນທາງການ. ພາບ ແລະ ຂ່າວໂດຍ: ພອນປະສົງ ຢ່າງ

news to day and hot news