POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 16 ມິຖຸນາ 2026

ໂຮງຮຽນວັດທະນະທຳຊົນເຜົ່າກອງທັບ ຈັດກອງປະຊຸມສະພາສອບເສັງ ພາກຮຽນທີ II ສົກຮຽນ 2025-2026
ເວລາອອກຂ່າວ: 2026-05-20 09:10:32 | ຜູ້ຂຽນ : admin1 | ຈຳນວນຄົນເຂົ້າຊົມ: 125 | ຄວາມນິຍົມ:

ກອງປະຊຸມສະພາສອບເສັງພາກຮຽນທີ II ປະຈຳສົກຮຽນ 2025-2026 ຂອງໂຮງຮຽນວັດທະນະທຳຊົນເຜົ່າກອງທັບ ໄດ້ຈັດຂຶ້ນໃນວັນທີ 14 ພຶດສະພາ 2026 ຜ່ານມາ. ໂດຍການເປັນປະທານຂອງ ສະຫາຍ ພັນເອກ ເພັດສະໝອນ ວິລະວອນ ຫົວໜ້າການທະຫານ ໂຮງຮຽນວັດທະ ນະທຳຊົນເຜົ່າກອງທັບ, ມີສະ ຫາຍ ພັນເອກ ຄຳສິງ ບຸດຈັນແພງ ຮັກສາການ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ, ມີຄະນະພັກ-ຄະນະອຳນວຍການ, ແຂກຖືກເຊີນຈາກ ກົມໂຮງຮຽນ, ກົມພະນັກງານ, ຄະນະຫ້ອງ 4 ຫ້ອງ, 2 ກອງພັນ, ຄະນະພະແນກ, ພະນັກງານ ແລະ ຄູ-ອາຈານທົ່ວໂຮງຮຽນ ເຂົ້າຮ່ວມ. ສະຫາຍ ພັນໂທ ນາງ ດາວັນ ສິມໃບມະນີ ຮອງຫົວໜ້າຫ້ອງສຶກສາໂຮງຮຽນ ໄດ້ຜ່ານແຜນການສອບເສັງ ແລະ ຂໍ້ຕົກລົງ ວ່າດ້ວຍການແຕ່ງຕັ້ງຄະນະຊີ້ນຳ, ອະນຸກຳມະການ ສອບເສັງພາກຮຽນທີ II ປະຈຳສົກຮຽນ 2025-2026. ພ້ອມນີ້, ສະຫາຍ ພັນເອກ ສັງທອງ ສຸກສີສະຫວາດ ຫົວໜ້າຫ້ອງສຶກສາໂຮງຮຽນ ໄດ້ຜ່ານກົດລະບຽບການສອບເສັງ, ສິດ ແລະ ໜ້າທີ່ ຂອງກຳມະການຍາມຫ້ອງສອບເສັງ ແລະ ຜ່ານຕາຕະລາງສອບເສັງ. ຈາກນັ້ນ, ກອງປະຊຸມຍັງໄດ້ພ້ອມກັນແລກປ່ຽນຄຳຄິດເຫັນຕໍ່ບັນດາເນື້ອໃນເອກະສານຕ່າງໆ ເພື່ອເຮັດໃຫ້ບັ້ນສອບເສັງພາກຮຽນທີ II ສົກຮຽນ 2025-2026 ມີຄວາມເປັນເອກະພາບ ແລະ ຮັບປະກັນໃຫ້ມີຜົນສຳເລັດ 100%. ທັງນີ້, ກໍເພື່ອເປັນການກວດກາຄືນໃນການຈັດຕັ້ງການຮຽນ-ການສອນ ໃນໄລຍະໜຶ່ງສົກຮຽນທີ່ຜ່ານມາຂອງ ຄູ-ອາຈານ ແລະ ນັກຮຽນ, ເປັນການປະຕິບັດຂັ້ນຕອນບາດກ້າວ ການຮຽນ-ການສອນ ຂອງລະບົບສາມັນສຶກສາ ທີ່ກະຊວງສຶກສາທິການ ແລະ ກິລາວາງອອກ, ເປັນການວັດແທກ, ປະເມີນຜົນການຮຽນ-ການສອນ, ທັງເປັນການຮັບປະກັນໃຫ້ບັ້ນດຳເນີນການສອບເສັງ ໃຫ້ນັກຮຽນຊັ້ນ ມໍ1, ມໍ2, ມໍ3, ມໍ5, ມໍ6 ແລະ ມໍ7 ເຂົ້າຮ່ວມສອບເສັງຢ່າງເປັນຂະບວນຟົດຟື້ນ, ມີຄວາມເປັນລະບຽບຮຽບຮ້ອຍ ແລະ ເຮັດໃຫ້ບັ້ນສອບເສັງບັນລຸຕາມແຜນການທີ່ວາງໄວ້ໃຫ້ໄດ້ຮັບຜົນສູງ. ໂອກາດນີ້, ສະຫາຍ ພັນເອກ ເພັດສະໝອນ ວິລະວອນ ກໍໄດ້ຮຽກຮ້ອງໃຫ້ບັນດາສະຫາຍທີ່ຖືກການແຕ່ງຕັ້ງຮັບຜິດຊອບນັ້ນ ຈົ່ງພ້ອມກັນຍົກສູງຄວາມຮັບຜິດຊອບຕໍ່ໜ້າທີ່ ທີ່ໄດ້ຮັບການມອບໝາຍໃຫ້ປະສົບຜົນສຳເລັດ, ຮັກ ສາຈັນຍາບັນ-ຈັນຍາທຳ, ຮັກສາຄວາມສະຫງົບໃຫ້ໄດ້ 100%, ປະຕິບັດຕາມກົດລະບຽບ ເພື່ອເຮັດໃຫ້ການສອບເສັງພາກຮຽນທີ II ສົກຮຽນ 2025-2026 ນີ້ ໄດ້ຮັບໝາກຜົນຕາມຄາດໝາຍ ທີ່ວາງໄວ້. ໂດຍ: ໂອລິນ ມິ່ງມີໄຊ

news to day and hot news