ວັນອັງຄານ, ວັນທີ 16 ມິຖຸນາ 2026
ປີ 2025 ຜ່ານມາ ກອງຮ້ອຍປ້ອງກັນທີ່ຕັ້ງ 304 ຮັບປະກັນເຮັດສຳເລັດໜ້າທີ່ວຽກງານ
ເວລາອອກຂ່າວ: 2026-05-19 09:12:23 | ຜູ້ຂຽນ : admin1 | ຈຳນວນຄົນເຂົ້າຊົມ: 170 | ຄວາມນິຍົມ: 
ສະຫາຍ ພັນຕີ ສັນຕິ ທັນຄຳພັກ ຫົວໜ້າການທະຫານ ກອງຮ້ອຍປ້ອງກັນທີ່ຕັ້ງ 304 ກອງພົນທີ 5 ໃຫ້ຮູ້ວ່າ: ການຈັດ ຕັ້ງປະຕິບັດວຽກງານຮອບດ້ານປະຈຳປີ 2025 ຜ່ານມາກົມກອງສ້າງໄດ້ຜົນງານຫຼາຍດ້ານແມ່ນຕົ້ນແມ່ນວຽກງານຮັບປະກັນເຮັດໃຫ້ສະພາບມີຄວາມສະຫງົບ ໄດ້ຫັນລົງກໍ່ສ້າງຮາກຖານການ ເມືອງພັດທະນາຊົນນະບົດຮອບ ດ້ານຕາມ 4 ເນື້ອໃນ 4 ຄາດໝາຍ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ, ມີພະນັກງານລົງກໍ່ສ້າງຮາກຖານ 4 ສະຫາຍ ແລະ ເຄື່ອນໄຫວ 4 ຄັ້ງ, ປະສານງານກັບຂັ້ນເທິງ ແລະ ກອງພັນ 564 ໃນການກັກຕົວຜູ້ສົງໃສ 3 ຄັ້ງ. ພ້ອມນັ້ນ, ກົມກອງຍັງໄດ້ປະຕິບັດວຽກງານປ້ອງກັນເວນຍາມ ແລະ ສາລະເວຢ່າງເຂັ້ມງວດ ສາມາດຮັບປະກັນຄວາມປອດໄພໄດ້ 100%.
ຊີ້ນຳໜ່ວຍງານໂຄສະນາສ້າງຂະບວນການເກັບກຳຂໍ້ມູນຂ່າວສານວັນສຳຄັນຕ່າງໆຂອງຊາດ, ຂອງພັກ ແລະ ຂອງກອງທັບ, ປະດັບປະດາທຸງທິວ ແລະ ອານາໄມສະຖານທີ່ຕ່າງໆໃຫ້ສະອາດຈົບງາມ. ໃນນັ້ນໄດ້ອອກຂ່າວ ທັງໝົດ 9 ຄັ້ງ, ຮັບປື້ມວາລະສານປ້ອງກັນຊາດ 6 ຫົວ ແລະ ໜັງສືພີມກອງທັບ 25 ຊຸດ; ວຽກງານວິຊາສະເພາະ ໄດ້ປ້ອງກັນແຂກການນຳຂັ້ນສູງທັງພາຍໃນ ແລະ ຕ່າງປະເທດ ທີ່ເດີນທາງມາຢ້ຽມຢາມ ແລະ ເຄື່ອນໄຫວເຮັດວຽກນຳກອງພົນທີ 5 ຈຳນວນ 12 ຄັ້ງ, ປ້ອງກັນກອງປະຊຸມໃຫຍ່ 17 ຄັ້ງ, ວຽກງານສ້າງພະລາທິການ ກົມກອງໄດ້ຊອກແຫຼ່ງລາຍຮັບຈາກການເຮັດນາ ແລະ ຂາຍເຂົ້ານາປີເປັນເງິນ 20.700.000 ກີບ, ອອກແຮງງານທີ່ນຳໃຊ້ກຳລັງເປັນເງິນ 16.770.000 ກີບ, ຮັບເງິນບໍລິຫານຈາກຂັ້ນເທິງ 4 ງວດ ເປັນຈຳນວນເງິນ 8.000.000 ກີບ, ນອກນັ້ນກົມກອງຍັງໄດ້ຮັບການຊ່ວຍເຫຼືອຈາກຄອບຄົວສະຫາຍ ພົນຕີ ວັນທອງ ບຸດຕະວົງ ຮອງຫົວໜ້າກົມໃຫຍ່ເສນາທິການກອງທັບ ໃນການກໍ່ສ້າງຫຼັງຄາຫ້ອງນ້ຳເປັນເງິນ 4.100.000 ກີບ, ຂາຍມັນຕົ້ນເປັນເງິນ 1.090.000 ກີບ ລວມທັງໝົດຈາກການປູກ ແລະ ບໍລິການຕ່າງໆໄດ້ 50.660.000 ກີບ. ຈາກຜົນ ງານດັ່ງກ່າວນັ້ນກົມກອງໄດ້ຮັບ ໃບຢັ້ງຢືນໜ່ວຍພັກປອດໃສ ເຂັ້ມ ແຂງ ໜັກແໜ້ນ 1 ໃບ, ໄດ້ຮັບຫຼຽນໄຊພິລະອາດຫານ ຈຳນວນ 1 ໜ່ວຍ ແລະ ໃບຍ້ອງຍໍ 5 ໃບ. ຄຽງຂ້າງກັບຜົນງານທີ່ກ່າວມາຂ້າງເທິງນັ້ນໃນຊຸມປີຕໍ່ໜ້າເພື່ອເປັນເຂັ້ມຊີ້ທີດໃນການສ້າງສາພັດທະນາກົມກອງຂອງຕົນໃຫ້ມີແບບແຜນ ແລະ ດີຂຶ້ນເທື່ອລະກ້າວ ກົມກອງຈະຕ້ອງໄດ້ເພີ່ມທະວີ ວຽກງານສຶກສາອົບຮົບການເມືອງ-ແນວຄີດໃຫ້ພະນັກງານ-ນັກຮົບໃຫ້ມີແນວຄີດຫຼັກໝັ້ນ, ເຊື່ອມຊຶມແນວທາງນະໂຍບາຍຂອງພັກ-ລັດ, ຍົກສູງພາລະບົດບາດໃນການຊີ້ນຳກົມກອງ, ຕັ້ງໜ້າປັບປຸງລະບຽບແບບແຜນວິທີເຮັດວຽກໃຫ້ດີຂຶ້ນ ຮັບປະກັນໄດ້ດ້ານວຽກງານວິ ຊາສະເພາະ ແລະ ສູ້ຊົນສ້າງພະ ລາທິການກັບທີ່ຮັບປະກັນໃນ ການປັບປຸງກໍ່ສ້າງກົມກອງໃຫ້ຈົບງາມໃນນັ້ນຈະໄດ້ສຸມໃສ່ສ້າງ ຫໍຂ່າວແບບຖາວອນ, ແທ້ງເກັບນ້ຳໃຊ້-ກິນດື່ມ, ສ້າງເຮືອນຮົ່ມ ສວນຄົວເພື່ອຮັບປະກັນໃຫ້ແກ່ ການປູກຝັງ ແລະ ສົ່ງເຂົ້າເຮືອນ ຄົວລວມ.
ໂດຍ: ໄຊຍະຄານ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
