ວັນພຸດ, ວັນທີ 17 ມິຖຸນາ 2026
ກົມປ້ອງກັນອາກາດ ມອບເຄື່ອງຈັກລະຫັດໃຫ້ ກອງພັນໃຫຍ່ 642
ເວລາອອກຂ່າວ: 2026-05-15 10:04:33 | ຜູ້ຂຽນ : admin3 | ຈຳນວນຄົນເຂົ້າຊົມ: 212 | ຄວາມນິຍົມ: 
ວັນທີ 11 ພຶດສະພາ 2026 ນີ້, ຢູ່ທີ່ສະໂມສອນກອງພັນໃຫຍ່ 642 ໄດ້ມີພິທີ ມອບ-ຮັບ ເຄື່ອງຈັກລະຫັດ ລະຫວ່າງ ກົມປ້ອງກັນອາກາດ ກົມໃຫຍ່ເສນາທິການກອງທັບ ກັບ ກອງພັນໃຫຍ່ 642, ໂດຍການກ່າວມອບຂອງ ສະຫາຍ ພັນເອກ ພູຄຳ ຄຳທອງໃບຮອງຫົວໜ້າກົມປ້ອງກັນອາກາດ ກົມໃຫຍ່ເສນາທິການກອງທັບ ແລະ ກ່າວຮັບໂດຍ ສະຫາຍ ພັນເອກ ວຽງພອນ ພົນທະລາຊາ ຫົວໜ້າການທະຫານກອງພັນໃຫຍ່ 642, ມີຄະນະພັກ-ຄະນະບັນຊາ ກອງພັນໃຫຍ່, ພະແນກ ແລະ ຂະແໜງການທີ່ກ່ຽວຂ້ອງ ເຂົ້າຮ່ວມ.
ສະຫາຍ ຮ້ອຍເອກ ອິນປົງ ວິລະຈັກ ຊ່ວຍວຽກພະແນກກົດລັບ ກົມປ້ອງກັນອາກາດ ກົມໃຫຍ່ເສນາທິການກອງທັບ ໄດ້ຜ່ານຂໍ້ຕົກລົງ ຂອງກົມກົດລັບ ກົມໃຫຍ່ເສນາທິການກອງທັບ ວ່າດ້ວຍການປະກອບເຄື່ອງຈັກລະຫັດ MFAX-2022 ຈຳນວນ 1 ຊຸດ ແລະ ເຄື່ອງຈັກລະຫັດ APHONE-16 ຈຳນວນ 1 ຊຸດ ພ້ອມດ້ວຍປຶ້ມຄູ່ມືນຳໃຊ້ເຄື່ອງຈັກລະຫັດ MFAX-2022 ແລະ APHONE-16 ຈຳນວນ 1 ຫົວ ໃຫ້ກອງພັນໃຫຍ່ 642 ເພື່ອປ່ຽນຖ່າຍອຸປະກອນເຄື່ອງຈັກ ທີ່ນຳໃຊ້ເຂົ້າໃນວຽກງານວິຊາສະເພາະກົດລັບໃຫ້ມີຄວາມທັນສະໄໝ, ປອດໄພ ແລະ ວ່ອງໄວທັນທຸກສະພາບການ.
ໂອກາດນີ້, ສະຫາຍ ພັນເອກ ວຽງພອນ ພົນທະລາຊາ ໄດ້ກ່າວສະແດງຄວາມຂອບໃຈ ຄະນະກົມປ້ອງກັນອາກາດ ທີ່ເຫັນໄດ້ຄວາມສຳຄັນ ແລະ ຄວາມຈຳ ເປັນຂອງໜ້າທີ່ວຽກງານວິຊາສະເພາະ ພ້ອມທັງຈະນຳເອົາເຄື່ອງຈັກດັ່ງກ່າວນຳໃຊ້ເຂົາໃນວຽກງານວິຊາສະເພາະໃຫ້ໄດ້ຮັບໝາກຜົນສູງ ແລະ ປົກປັກຮັກສາໃຫ້ນຳໃຊ້ໄດ້ຍາວນານ. ຈາກນັ້ນທັງສອງຝ່າຍກໍ່ໄດ້ເຊັນບົດບັນທຶກ ມອບ-ຮອບ ເຄື່ອງຈັກລະຫັດຢ່າງເປັນທາງການ.
ໂດຍ: ນ ສະຫວີວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
